Hăbări ditu bana românească şi internaţională
Pandemic. Guvernul a Româniillei prilundzi di luni catandisea di alertă cu nica 30 di dzăli. Declarată tră prima oară tru 2020, după doi meşi di catandisi di urgență dupu alăncearea a pandemiillei di Covid, catandisea di alertă pruveadi, ntră altele, purtarea obligatorie a măștilor di protecție emu n4untru, emu nafoarăr. Cinematografele, teatrele și restaurantele pot s’hibă dişcllisio la 50% din capacitate tru localitățile cu ună rată di incidință sum 3 la 1.000 di bănători și la 30% iu rata di incidință treai di aest nivel. Conform unui nău ordin di urgență, vadelu limită di completare a formularului digital la intrarea tru văsilie fu prilundzit di la 24 la 72 di s4hăţ. Autoritățli spusiră că s’aproaki momentul ti curmarea-a catandisillei di alertă, ama ună apofasi tu aestă noimă va s’hibă loată după ună analiză atentă. Cama di 16.000 di cazuri noi fură raportate adză, cum și 82 di decese asociate, inclusiv 7 di la ună dată anterioară. Di la ahurhita a pandemiillei, România raportă 2,3 milioane di cazuri di Covid și cama di 60.000 di decese asociate. Cu maş 8 miliuni di oamini complet vaccinaț, văsilia ari a doua nai ma scădzută rată di vaccinare ditu aţeali 27 di state membre ale UE, maş Bulgaria easti ma arău tu isapi.
Newsroom, 06.02.2022, 19:53
Minari. Parlamentul va s’debată luni ună moțiune di cenzură contra ministrului energiei, liberalu Virgil Popescu, prezentată di Uniunea Salvați România, tru opoziție. Motiunea, simnata di 51 di parlamentari, stipseasti Popescu ca easte ună fuvirseari la adresa securitatii energhetiţi a văsiliillei căftănda demiterea aluştui. Uniunea Salvaț România denunță și atea ţi discrie ca hiinda turlia deazastruosă tru care guvernul kivernisi problema facturilor la energie, spunânda că oaminilli dănăsiră s’plătească sume babageani, emu cetățenii, emu și economia trapsi di itia a deciziilor loate di autorităț. Moțiunea va s’hibă băgată ti votari ñiercuri. Tut stămâna yinitoare, comisiile di specialitate a Senatlui va s’ahurhească debatlu ti unu ordin di guvern mutrinda plafoanele și compensațiile tră facturile la electricitate și gaze naturale. Prinţipalele partidi din coaliția di guvernământ, Partidul Național Liberal și Partidul Social Democrat, nu sunt ama simfuni ti cât kiro easti ananghi ta s’hibă băgată tu lucru naua schemă di agiutoru. Social-democrațllii vor să s’bagă tu practico și retroactiv, kiro tu cari liberalii spun că aest lucru poati s’hibă neconstituțional.
Românilli ditu xinătati. Șefliu a comisiei di politică externă a Senatului României, Titus Corlățean, declară că va lu călisească ambasadorul Danez la București tră să zburască luni cu comisia ti cazul a unăllei preaclle di români ncllişi tru Danemarca și stipsită că și-agudi cu părjina cilimeanlu tru ilikia di 5 stămâni. Atelli doi români, nicukiru şi nicukiră, sunt țănuț tru centre di hăpsani ahoryea și nu au izini ta ş-veadă cilimeanlu. Corlăţean spusi că preacllea, care are permis di şideare tru Danemarca, easte cetăţean român, idyea şi cilimeanlu a lor. El spusi că existară cazuri tru care autoritățle naționale a statelor vest-europene au intervenită tru bana di familie a cetățenilor români care băneadză pi teritoriul lor, ama nu informară statlu di cetățenie, tru simfunie cu ndreptul internațional.
Autoru: Udălu a hăbărlor
Armânipsearea: Taşcu Lala
