Hăbări ditu bana românească şi internaţională

Actualizare Covid-19. România raportă adză aproapea 29.000 di cazuri noi di Covid, cum și 110 decese asociate, inclusiv dauă di la ună dată anterioară. Rata pozitivă agiumsi la 32,5, kiro tu cari rata di incidență ţinţnală tru București tricu di 28 di cazuri la 1.000 di bănăori, nai ma mari până tru aestu kiro. Oficialul a Ministerului Sănătăţii, Adriana Pistol, spune că numirlu di reproducere scădzu, ama va s’aibă ma largu creastiri a numirului di infecţii. Ea spus că România adoptă regula UE ţi spuni că valabilitatea certificatului Covid tră călătoriile tru UE easti di nauă meşi fără vaccinul di rapel. Tru România, certificatul Covid tră călătorii a curi lă si feaţi rapelul easti valabil până la bitisita a anului, UE lipseaşti s’llia ună decizie tru aestă noimă. La intrarea tru România, călătorllii nivaccinaţ lipseaşti s’prezinte un rezultat negativ a testului Covid valabil 72 di săhăţ i dovada a recuperarillei după infecție tru aesti ditu soni 180 di dzăle.

Newsroom, 05.02.2022, 21:28

Actualizare Covid-19. România raportă adză aproapea 29.000 di cazuri noi di Covid, cum și 110 decese asociate, inclusiv dauă di la ună dată anterioară. Rata pozitivă agiumsi la 32,5, kiro tu cari rata di incidență ţinţnală tru București tricu di 28 di cazuri la 1.000 di bănăori, nai ma mari până tru aestu kiro. Oficialul a Ministerului Sănătăţii, Adriana Pistol, spune că numirlu di reproducere scădzu, ama va s’aibă ma largu creastiri a numirului di infecţii. Ea spus că România adoptă regula UE ţi spuni că valabilitatea certificatului Covid tră călătoriile tru UE easti di nauă meşi fără vaccinul di rapel. Tru România, certificatul Covid tră călătorii a curi lă si feaţi rapelul easti valabil până la bitisita a anului, UE lipseaşti s’llia ună decizie tru aestă noimă. La intrarea tru România, călătorllii nivaccinaţ lipseaşti s’prezinte un rezultat negativ a testului Covid valabil 72 di săhăţ i dovada a recuperarillei după infecție tru aesti ditu soni 180 di dzăle.

Migranti. Anlu 2021 nregistră ună cresștere a numrului di migranță cari minduescu s’treacă ilegal tru România ditu Bulgaria, tru sud. Majoritatea a migranților viniră ditu Siria, Turcia și Afganistan. Intrărli paranomu criscură cu 280% andicra di 2020, pe fondul a restricțiilor tră combaterea a pandemiillei di Covid. Uidisită a poliției regionale di sinuru, ghizllii a migranților yinu ditu țări cum Turcia, Grecia și Bulgaria, ama și ditu România.

Corupţie. Mihai Chirica, primarul libearal a Iaşlui, doilu căsăbă ca mărime ali Românie, fu inculpat tră arădeari şi instigare la uzurparea ipotisillei. El easti cercetat deadunu cu fostul viceprimar social-democrat Gabriel Harabagiu tră inițierea și simnarea actilor tră construirea unlui bloc cari fu construit și nregistrat paranomu. Uniunea Salvaț România, ditu opoziție, căftă a Partidului Liberal să-lu demită pi Chirica cât ma curundu posibil și s’ţănă alidzeri locale anticipate.

Rugby. România azvimsi Rusia sâmbătă cu 34-25 acasă, tru primul meci ditu Rugby Europe Championship, a doua nai ma importantă competiție continentală după Campionatul șase Națiuni. Meciul angreacă și tră calificarea la Cupa Mondială, cari va s’ţănă tu Franța, echipele bitisinda pi primile dauă poziții tru edițiile 2021 și 2022 a Campionatului Europei di Rugby tră s’intră ndreptu tru turneul final și a treia echipă clasată tră s’intra tru playoff. După victoria cu Rusia, România ș-anvărtuşi loclu doi, după Georgia. România va s’agioaca ma largu cu Portugalia, diznou acasă.

Autoru: Udălu a hăbărlor

Armânipsearea: Taşcu Lala