Prima pagină » Actualitate » Hăbărli » Hăbări ditu bana românească şi internaţională

Hăbări ditu bana românească şi internaţională

Covid-19Ro. România nregistră, adză, aproapea 36 di ñilli di noi cazuri di infecție cu virusul Sars-CoV-2 tru 24 di săhăţ și 120 di decese asociate, ditu cari 13 ditu perioada anterioară di raportari. Aproapea 10.000 di persoani diagnosticate cu COVID-19 suntu internate tru toată văsilia, iar mai puțin di o mie suntu la tearapie intensivă. Incidența-a cazurilor di COVID tru București năstricu 23 la ñilla di bănători – cea mai mare di la truceputul pandimiei. Tru valul precedint, valoarea maximă fusese di 16,5 pe 22 sumedru. Amintim că, marți, România a dipășit pragul di 40.000 di noi infecții tru 24 di ore, ditu 122 di ñilli di analizi adrati. Easti recordul absolut di la ahurhita-a pandemiillei și di pisti dauă ori kipita-a dalgăllei precedentă.

Newsroom, 02.02.2022, 20:08

Yiurtuseari. Ministrul francez di externe Jean-Yves Le Drian easti vinitu tru ună vizită oficială di dauă dzăli tru România. Adză, llia parti la andamasea di tiñie a Parlamentului di București ahărdzită ti umplearea-a 15 di añi di la aderarea a Româniillei la Uniunea Europeană. Năpoi aduţemu aminti, tru aest contextu, că Franța prilo la tu ahurhita-a meslui yinaru prezidenţillea rotativă di șasi meşi a Consiliului Uniunillei Europene. România agiumsi membră a Uniunii Europene la 1 yinaru 2007, după un lungu proces di negociere și aderare la standardile comunitare, dimi la aproape 14 di ani di la simnarea Acordului di Asociere, la 1 şcurtu 1993. Tut adză, Jean-Yves Le Drian va s’aibă consultări cu omologul a lui român, Bogdan Aurescu. Aestu ditu soni va s’hibă nicukirlu, gioi, a unăllei andamasi mutrinda situația găilipsitari di securitate ditu viţinătatea-a ali Ucraină și ali Amarea Lae tru Format București (B9), la cari va s’hibă prezentu și șeflu a diplomațiillei ucrainene, Dmytro Kuleba. B9 includi stati membre NATO ditu Flancul Estic ali Alianță: Bulgaria, Republica Cehă, Estonia, Letonia, Lituania, Polonia, România, Slovacia și Ungaria.

Protest. Pisti 2000 di polițiști și lucrători di la hăpsani, cum și polițiști di rezervă protestară adză dinintea a sediului Guvernului di București, căftănda tiñii di cafi mesu și pensi ma mări. Angajații ditu structurli di aradă publică caftă criştearea-a tiñiiloru di cafi mesu și sporuri, indexarea a pensiilor militare di stat andicra di rata inflațiillei și mutriri medicale di calitate. Alti afirmații mutrescu adoptarea di misuri ti ñîcurarea-a deficitului di personal di poliție ică dotarea a polițiștilor cu echipamente di intervenție și protecție fizică uidisiti tăgarea tu lucru a misiunilor a lor. Nu dipu tu soni, contestă băgarea, tu kirolu a pandemiillei, a născăntoru borgi medico-sanitare ti cari nu au pregătirea anănghisită.

Ucraina. Prezidentulu american Joe Bidin u aleapsi Bridget Brink, actualu ambasador ali SUA tru Slovacia, tu harea di ambasador la Kiev, relatează euractiv.com. Bloomberg News avea dimăndată ma ninti că Bridget Brink fu lugursită axizită ti aestă ipotisi, adăvgânda că administrația Biden vrea ta s’aibă Kiev un diplomat di carieră cu experiență tru afacerile est-europene, tru contextul a mintireaşiloru tut mai mari ditutre Ucraina și Rusia. Bridget Brink easti vinită tru Slovacia ditu alunaru 2019. Ea avea lucrată ma ninti tru Consiliul di Securitate Națională și la ambasadile SUA ditu Serbia, Uzbekistan și Georgia. Bridget Brink cilăstăsi susta tru negocierea asistențăllei ti Ucraina, maxus tru sectorul energetic. Statele Unite nu avu un ambasador la Kiev ditu 2019, cându fostul prezidentu Donald Trump u avea traptă pi Marie Yovanovitch. Di atumţea, ambasada easti cumăndusită di un nsărţinat cu afaceri.

Autoru: Udălu a hăbărlor

Armânipsearia: Taşcu Lala