Hăbări ditu bana românească şi internaţională

Actualizare Covid-19. Tru România, cilimeanilli duc la transmiterea-a năului coronavirus, cazurli năi crescu exponențial di la ună dzuuă la altă. Tru șaptili dz4li ditu soni, infecțiile tru arada-a cilimeaniloru criscură cu aproapea giumitate andicra di stămâna preţedintă. Aestă situație s’yilipseaşti și tru numirlu di năi internări tru spital, aproapea 800 di ñicăzanţă hiinda tora internaț tru spital. Un total di pisti 20.000 di cazuri năi și 41 di dicese fură raportate luni. Ministrul a Sănătatillei, Alexandru Rafila, avertizeadză tu ligătură cu ună nauă creastire a cazurlor, numirlu a infecţiilor ndzuuă va s’treacă di 40.000. El s’așteaptă ca varianta dominantă Omicron s’ească acutotalui Delta tru România tru aproximativ dauă stămâni, di s’așteaptă di aestă itie la ună scădeare a internărlor tru spital.

Newsroom, 31.01.2022, 17:14

Actualizare Covid-19. Tru România, cilimeanilli duc la transmiterea-a năului coronavirus, cazurli năi crescu exponențial di la ună dzuuă la altă. Tru șaptili dz4li ditu soni, infecțiile tru arada-a cilimeaniloru criscură cu aproapea giumitate andicra di stămâna preţedintă. Aestă situație s’yilipseaşti și tru numirlu di năi internări tru spital, aproapea 800 di ñicăzanţă hiinda tora internaț tru spital. Un total di pisti 20.000 di cazuri năi și 41 di dicese fură raportate luni. Ministrul a Sănătatillei, Alexandru Rafila, avertizeadză tu ligătură cu ună nauă creastire a cazurlor, numirlu a infecţiilor ndzuuă va s’treacă di 40.000. El s’așteaptă ca varianta dominantă Omicron s’ească acutotalui Delta tru România tru aproximativ dauă stămâni, di s’așteaptă di aestă itie la ună scădeare a internărlor tru spital.

Parlament. Parlamentul bicamearal ali Românie ahurheaşti stămâna aesta ună nauă sesiune cu ună discuție di urgență ti ñicurarea-a facturilor la energie. Senatorlli și diputațlli sunt aștiptaț s’adoptă un ordinu di urgență emis tora ma ninti di guvern tu ligătură cu ună nauă schemă di compensare și plafonare. Ună altă prioritate a Parlamentului easti ncllidearea-a dipartamentului special di anchetă a magistrațlor. Un altu proiect di nomu, cari nu fu aprukeatu di Senat, ama easti nică tru debatu tru Camera Deputațlor, easti ti obligativitatea utfilisearilleii certificatlu veardi Covid la loclu di lucru.

Protest. Sindicatili ditu poliție și zăndăñi au tu planu s’nkisească un protest la scară largă ñiercuri, cu 5.000 di participanți, dinintea-a sediului guvernului și a Parlamentului. Elli caftă ună creastire a tiñiillei di cafi mesu. Presa spuni că situația poati s’agiungă apreasă, după ţi liderllii sindicali spusiră că prezidentulu a Senatlui și lideirlu libearalu Florin Cîțu lă tăxi că guvernul va s’acţă tu muabeti tru andamasea di arada di marță și va s’apufusească ună eicizie tru aestă noimă.

Catagrafie. Guvernul s’andămuseaşti adză tra s’apufusească condițiile a unăllei nauă catagrafie a populațiillei și a casiloru amânatu anlu tricut di itia-a pandemiillei. Guvernul ari tu planu s’vulusească trei proiecti di nomu cari reglementeadză organizarea a catagrafiillei, inclusiv ditu videală financiară. Naua catagrafie va s’tănă tu meslu şcurtu și marţu. Ca ti prota, cetățeañilli va s’poată s’llia parti directu la proţes până tu giumitatea a meslui mai, pritu auto-catagrafie. A lucrătorloru cari ufilisescu aestă procedură va lă si da ună dzuuă di CO păltită.

Autoru: Udălu a hăbărlor

Armânipsearia: Taşcu Lala