Hâbări dit bana românească şi internaţională
Bucureşti – Preşedintile român, Klaus Iohannis, participă/ easte dus, ază şi mâne, la Bruxelles, la reuniunea a Consiliului European di veară. Uidisit a Administraţilei Prezidenţială, reuniunea va debuteadză cu un dejun di lucru cu secretarulu gheneral al NATO, Jens Stoltenberg, ună oportunitate tră discutare provocările şi abordările comune la nivelul a ţilor doauă organizaţii în contextul a agresiuniei a li Rusie contra a Ucrainălei. Ulterior, în cadrul a sesiunilor di lucru, liderili europeani va dezbate, întră alte, situaţia din Ucraina, necesitatea a menţânerilei a îndrupămintului european puternic tră aestu stat pi toate palierele, precum şi implementarea sancţiunilor şi continuarea a demersurilor tră antrenarea a li răspundire a Moscovălei tră crimile fapte. Anterior, preşedintile Klaus Iohannis si aflăă, la Haga, la ună reuniune în format restrânsu dedicată a li pregătire a summitului NATO di la Vilnius, di mesulu ţi vine, la care au participată reprezentanţăli a şapte state aliate di pi flancul estic şi di nordu.
Newsroom, 28.06.2023, 21:34
Bucureşti – Senatulu di Bucureşti adoptăă, ază, proiectul di leadze mutrinda reformarea a sistemului a pensiilor speciale în forma aprobată, anterior, di Camera Deputaţâlor. Documentul si referă la pensiile a maghistraţâlor, militarilor, diplomaţâlor, funcţionarilor parlamentari, a personalului a li Curte di Conturi sau aeronautic. Actul normativ pruveade, întră alte, ună creaştire eşalonată a vârstâlei di pensionare di la 60 la 65 di ani, ună vechliime di minimum 25 di ani în specialitate ca maghistraţăli să poată să beneficiadză di pensie di serviciu şi impozitarea cu 15% a sumelor di păradz care depăşescu/ trec di nivelul a salariului mediu net pi economie. Reforma pensiilor speciale nu easte maşi ună obligaţie asumată di România prin PNRR, că şi ună borge/ datorie restantă faţă di români – au spusă reprezentanţăli a Putearilei PSD-PNL, care au susţănută că lipseaşte să hibă eliminate dezechilibrile din societate, iar regulile să hibă tot aţealişi tră toţă. În opoziţie, USR criticăă actul normativ, tră elipsea di reformă reală, iar UDMR apreciee că parlamentarili nu au reuşită să hibă mai curajoşi şi să elimină pensiile speciale, ama că leadzea adoptată reprezintă un pas importantu tră creare un sistem corectu şi echitabil. Aduţim aminte că, aualtaridzuuă, Parlamentul român are adoptată şi un proiectu di leadze mutrinda eliminarea pensiilor speciale a senatorilor şi deputaţălor. Reformarea a sistemului pensiilor speciale easte un jalon/ un sinor în PNRR.
Bucureşti – Deficitulu bugetar a li Românie alinăă la 2,32% di PIB după primili ţinţe meşi a luştui an, di la 1,72% la finalul a mesului apriliu – informăă, ază, Ministerulu a Finanţilor. Fură fapte/ realizate venituri totale di piste 197 di miliarde di lei, pi creaştire cu 10,4%, şi fapte hărgi di piste 234 di miliarde di lei, pi creaştire cu 17,3%. Bugetulu a ţarălei tră aestu an easte construit pi un deficit di 4,4% di PIB.
BUCUREŞTI – Curtea Constituţională a li Românie respinse, ază, sesizarea USR (în opoziţie) şi Forţa Dreaptălei (ună dizidenţă liberală) referitoare la leadzea di modificare a Codului penal mutrinda sancţionarea a protestilor şi stabili că actul normativ, adoptat di majoritatea guvenamentală PSD-PNL, easte constituţional. Uidisit a unui comunicat di presă, Curtea reţânuu că majorarea limitelor speciale a pidepsilor penale şi reglementarea unor forme agravate a infracţiunilor easte di competenţa exclusivă a legiuitorului, atribuţie pi care aestua o/u exeercită în acordu cu politica penală a statului. Parlamentarili USR şi Forţa Dreaptălei au sesizată giudicătorili a Curtilei, pi leadzea di modificare a Codului penal, după ţe sancţiunile mutrinda cutulburarea a ordinilei şi isihiilei publică au devenită mai aspre.
Autor: Newsroom/ Camera ştirilor/ hâbărilor
Armânipsire: Hristu Steriu
