Hâbări dit bana românească şi internaţională
BUCUREŞTI — Executivulu di la Bucureşti adoptăă, ază, ună schemă di agiutor, în valoare di 200 di milioane di euro, dedicată/pitricută a investitorilor cu ună cifră di afaceri iniţială di barim un milion di euro. Tot ază, fură alocate 450 di milioane di lei tră crescătoril’i di bovine, ovine şi păsări. Ministrulu român a li Agricultură, Adrian Chesnoiu, declarăă la finalul/bitisita a şedinţălei di guvernu că România sta ghine la nivelul a stocurilor interne până la noaua recoltă şi că, în urma a evaluărilor, nu si aaflă în zona di riscu din punct di videare alimentar. Tru arada a lui, ministrul român a Finanţilor, Adrian Câciu, afirmăă că, până la giumitatea a anului, executivul va să mai v’ină cu doauă scheme di ajutor di stat ţi va vizeadză mai ahoria zona di prilucrare şi procesare în videarea treaţeril’ei la ună economie bazată pi producţie. Câciu preciză că România nu si aaflă în situaţia să caftă agiutor di la Fondul Monetar Internaţional, di aform’ia că are foarte mulţă păradz la dispoziţie din partea a Uniunilei Europeană. Ună altă misură intrată în vigoare ază fu plata a câte 500 di lei tră piste 240.000 di elevi proveniţ din familii oarfăne. Ministrulu interimar a proiectilor europeane, Marcel Boloş, eixgh’isi că suma reprezintă trei rate lunare/cathe mes alocate în cadrul a programului “Agiutor tră România”, care au totalizată 122 de milioane di lei.
Newsroom, 21.04.2022, 22:43
XXX — Moscova susţâne că lu acâţă/lu cuceri câsâbălu-port Mariupol di la Marea Azov, ţea ţi va permită ligătura directă a reghiun’ilor separatiste proruse din Donbas cu Peninsula Crimeea, anexată tru 2014. Declararea a li victorie a armatălei rusă la Mariupol fu faptă tamam di preşedintile Vladimir Putin, tră care este un succes semnificativ di care avea nivol’ie/ananghe năintea a dzuuălei di 9 mai, în care Moscova sărbătoreaşte DZuua a li Victorie. El anulăă şi ordinulu di asaltu asupra a marilui combinat siderurghic Azovstal, ultima redută a apărătorilor ucrainean’i din zonă, ama menţâne blocada. Guvernul ucrainean are căftată dişcl’idirea a unui coridor uminitar tră evacuarea ţilor circa 500 di soldaţ ucrainean’i răniţ şi a aproximativ 1.000 di civil’i care si aaflă în interiorulu a combinatului asediat. Pi di altă parte, preşedintile american Joe Biden preziintă, ază, ună informare ligată di invazia rusă în Ucraina, în contextul în care lucreadză tră faţirea a unui nou pachet di arme tră Kiev, noteadza Reuters. Noulu pachet tră armamentu urma să hibă în valoare di aproximativ 800 di milioane di dolari, ca şi aţel anunţat siptămâna trecută, ama ninca si lucreadză asupra a detaliilor, declarăă un ofiţial american tră Reuters.
Autor: Camera Ştirilor/ Udălu a Hâbărilor
Armânipsire: Hristu Steriu
