Hâbări dit bana românească şi internaţională

BUCUREŞTI — Preşedintile a Senatului a li Românie, Florin Cîţu, și-u spuse, ază, demisia di la șefia Partidului Național Liberal (PNL, la co-guvernare). Numiroși lideri liberali l’i-au câftată di nâinte, fudzearea. El’i îl’i reproșeadză a lu Cîțu că provoacă tensiun’i în interiorulu a coaliţil’ei guvernamentală, în relația cu PSD, că nu comuunică cu baza partidului şi că are ună imaghine publică pseftă/slabă, care afecteadză scorulu PNL în sondajile mutrinda intențiile di vot. Contestataril’i și-au dor ca șefil’ia a partidului să hibă preluată di premierulu Nicolae Ciucă, di care media afiirmă că are ună imaghine multu mai bună în societate și un dialog coerentu cu parteneril’i di guvernare. Respectat ca militar di carieră, Ciucă easte, ama, protagonistul a unui scandal di plagiat, ligat di teza a lui di doctorat. Fostul premier Cîţu fu aleptu aoa şi maşi giumitate di an, la bitisita mesului septembriu 2021. Atumţea, susțănut în mod manifestu di șefulu a statului, Klaus Iohannis, el amintăă, într-un congres tensionat, alidzerile în fața altui fostu premier, Ludovic Orban, care conduţea PNL ditru 2017. Orban afirmăă că la congres avură loc aţeale mai grave călcări a normilor democratiţe care fură fapte vărnăoară într-un partid politic, tru ultimil’i 31 di an’i” și, în decembriu, însoțăt di alță demisionari din PNL, are fondată un partid nou, intitulat Forța a Dreaptăl’ei.

Newsroom, 02.04.2022, 23:03

BUCUREŞTI – 69.524 di persoane au intrată în ţară, aieri, prin punctile di frontieră, di care 7.365 cetăţean’i ucrainean’i (pi scădeare cu 11 % faţă de dzuua precedentă) — anunţăă, ază, Inspectoratulu Gheneral a Poliţilei di Frontieră (IGPF) din România. Pi la frontiera cu Ucraina au intrată în România 4.047 cetăţean’i ucrainean’i (pi scădeare cu 10,8%), iar pi la ţea cu Ripublica Moldova au intrată 1.480 cetăţean’i ucrainean’i (piscădeare cu 11,2%). Uidisit a sursălei citată, di la declanşarea a liştei criză, până la 1 apriliu, oara 24,00, la nivel naţional, au intrată în România 603.120 cetăţean’i ucrainean’i. În prezentu, controlul di frontieră la intrarea în România prin punctile di treaţire a frontierălei si deruleadză cu operativitate, în conformitate cu pruviderile a leghislaţilei naţională şi comunitară, arterile di control fundalui acoperite cu poliţişti di frontieră român’i până la capacitate maximă — mai precizeadză IGPF.

BUDAPESTA – În Ungaria au loc, mâne, alidzeri parlamentare. Uidisit a sondajilor mutrinda intențiile di vot, partidulu conservator FIDESZ, la puteare, are un liușor avansu asupra a unui cartel format di șase partide di opoziție. Realeadzirea a premierului Viktor Orban, liderulu FIDESZ, easte complicată, spun analiştil’i, di invadarea Ucrainălei di cătră Rusia, care bâgă într-ună noauă lum’ină relațiile a lui strease cu președintile rus, Vladimir Putin. Ungaria nu va pitreacă niţeună armă în Ucraina și va rămână în afoara polimului – declarăă Orban la mitingurile a susțânătorilor a lui. Analiştil’i spun că easte prima oară când Orban, premier ninca ditru 2010, riscă să cheară putearea, în faţa unei coaliţie care m’eardze di la fosta extremă dreapta, Jobbik, ţi si redefini că easte di chentru-dreapta, până la socialişti, succesori a fostului partid unic comunistu, liberal’i şi ecologişti. Uidisit a politologilor, dinclo di clivajile/împârţările ideologhiţe dintre aeste formațiun’i, zborulu di ordine tră întreaga opoziție easte “i ţe s-hibă, în afoară di Orban”. În România, uidisit a altui sondaj, 90% di etniţâl’i maghiari care au şi cetăţenia a Ungarilei veţină susţân lista a alianţălei conservatoare FIDESZ-KDPN (Partidulu Popular Crăştin-Democrat).

BELGRAD — Sârb’il’i va-și aleagă, mâne, preşedintile, parlamentaril’i și noil’i responsabil’i a administrațilei locală. La șefil’ia statului aspiră optu candidaț, iar tră scrutinulu parlamentar anticipat au depusă liste 19 formațiun’i politiţe. Ultimulu scrutin la termen, boicotat di opoziție, fu organizat în iunie 2020 și are dusă la/ are suscitată critiţ severe din partea Comisilei Europeană, ţi remarcăă avantajulu mare di mare ţi presa sârbă lu-are oferită a puterilei, şi l’i-alâvdăă în exces presupusile reușite. Niţe scrutinulu din primuveara aesta nu pare să promită alăxiri majore la cipitulu a putearilei di la Belgrad. Sondajile crediteadză cu piste 50% di opțiun’ile electorale Partidulu Sârbu a Progresului, aflat la guvernare. Aleadzirile prezidențiale, spun analiștil’i, va hibă ună simplă formalitate tră actualul șef a statului, Aleksandar Vucic, aspirantu la un al doilea mandat.

Autor: Camera Ştirilor/ Udălu a hâbărilor

Armânipsire: Hristu Steriu