Hâbări dit bana românească şi internaţională

XXX – Preşedintile a Franţâlei, Emmanuel Macron, şia ţel a Rusiilei, Vladimir Putin, au convenită ază, în cadrulu a unei discuţie cu tilifonea, să acţioneadză pi toate căl’iurile necesare tra să eviită ună escaladare a tensiun’ilor şi tra să conseervă pacea, informeaadză biroulu di presă a preşedinţiilei franceză. Ţel’i doil’i lideri mai conveniră tra să convoacă ună întrunire a grupului di lucru tru următoarile ore, cu scupolu tra să agiungă la un acordu de dănăsire a focului pi linia di contacti ţi sepaară reghiun’ile separatiste din estul a Ucrainălei, nicontrolate di guvernul di la Kiev, di restul a ţarălei. Preşedintile a Ucrainălei, Volodimir Zelenski, feaţe apel ază la dănăsearea imediată a focului tru estul a ţarălei, iu tru dzâlile di ma năpoi si intensificară lăxerile di focuri întră separatiştil’i pro-ruşi şi forţile ucraineane. La Bucuresti, ministerulu a Afacerilor Externe recomandăă puternic a cetăţean’ilor român’i să si afirească, să nu facă niţe ună tulie di deplasări în Ucraina, să manifeestă ună atenţie ahoria şi, totunăoară, să l’ia în considerare părăsirea teritoriului a luştui stat cât mai curundu. Totunăoară, MAE recomandă fermu evitarea a deplasărilor în Peninsula Crimeea şi în zona di estu a Ucrainălei, respectiv în reghiunile Doneţk şi Lugansk, precum şi în zona di frontieră a Ucrainălei cu Federaţia Rusă şi Belarus, aducânda aminte că situaţia di securitate si menţâne tensionată şi fluidă.

Newsroom, 20.02.2022, 22:46

Bucuresti – România raportăă, ază, aproapea 7700 di nale cazuri di COVID, cifra care confirma tendinta discrescatoare. Easte prima oara tru mai ghine di un mes cand suntu raportate sum 10.000 di cazuri nale diagnosticate într-ună singură dzuuă. Ţel mai marile numer di cazuri di persoane infectate cu SARS-CoV-2 di la arhiusita pandemiilei – 40.018 – si înreghistrăă pi 1 februariu. Scădzu şi numerulu a decesilor asociate a infectarilei — fură spuse 68, di care doauă mai vechl’i. Medicil’i atrag, ama, atenţia că pandemia nu si bitisi şi că easte extrem di important să hibă respectate misurile di protecţie sanitara şi să contiinuă procesulu di vaccinare. El’i mai subliniadză că ţealelante state îşi permisiră să anuleadză ună serie di restricţii tamam datorită/bircheavis a ratilor mări di vaccinare, niatinse în România, aflată pi penultimulu loc in UE la aestu capitol. Autorităţăle discuută, tru aestă perioadă, dispre ună relaxare cu jgl’ioate şi nu diunăoară şi subliniadză că deciziile va hibă loate în funcţie di cum evolueadză situaţia din spitale.

LONDRA – Regina Elisabeta a II-a a Marilei Britanie fu testată pozitiv tră COVID-19, anunţăă ază Palatul Buckingham, care precizăă că suverana preziintă simptome lişoare. Starea di sănătate a suveranălei di 95 di an’i, ţel mai longeviv/auş monarhu tru bană din lume, cu 70 di an’i di domnil’e, si aflăă în chentrul a atenţile după ţe tricu ună noapte în spital în octombriu anulu tricut din cauza unei problemă di sănătate care nu fu specificată, şi fu ulterior urminipsită di de medicil’i a l’ei să sta arihate.

BEIJING — La Beijing avut loc, ază, cheremonia di închl’idire a Giocurilor Olimpiţe di iarnă. Ţea de-a XXIV-a ediţie a Giocurilor hibernale, care arhiusi pi 4 februariu, si bitisi cu Norveghia pi primulu loc în clasamentul pi medalii, urmata di Ghermaniia si China. Giocurile di la Beijing fură marcate di cazulu di dopaj a patinatoarilei rusă Kamila Valieva. România are participată la GiO di iarnă di la Beijing cu 21 di sportivi, iar ţel mai bun rezultat a delegaţilei fu loculu 9 obţânut în proba di ştafetă/alâgare pi cumăţ di cale la sanie di Raluca Strămăturaru (simplu feminin), Valentin Creţu (simplu masculin), Marian Gîtlan/Darius Şerban (dublu). Gazdile a v’initoarilei editie, di-tru 2026, va hibă localităţâle italiane Milano şi Cortina-DAmpezzo.

Autor: Camera Ştirilor/ Udălu a Hâbărilor

Armânipsire: Hristu Steriu