Hâbări dit bana românească şi internaţională
Bucuresti — Autorităţâle di la Bucuresti raportară, ază, cama di 12 di m’il’e di nale infectări cu coronavirus tru 24 di ore. Totunăoară, fură spus 75 decese, di care 11 anterioare a intervalului di referinţă. La ATI sunt internaţă 1.155 di pacienţă. Ministrulu a Sănătatilei, Alexandru Rafila, spuse, ază, că, in Romania, si inreghistreadza un trendu ună duţire tua-ngios a infectilei cu coronavirus. El mai spuse ca decizia di renunțare la restricții și ninca şi dare la-na parte a starilei di alertă, la un moment dat, va hibă loată în funcție di anumiţă indicatori importanță, unulu di el’i fuindalui numerulu a paciențălor cu COVID internață la terapie intensivă. Decizia di mutare a starilei di alertă va hibă loată di guvernu cu toț actoril’i implicață în ghestionarea pandemiilei, preciză Alexandru Rafila. Ministrulu a Sanatatilei pledă/zburâ, diz nou, tră vaccinare, în special în cazulu a categoriilor vulnerabile/cu slăbinţe, a cui ritmu scade vertiginos.
Newsroom, 14.02.2022, 22:35
Bucuresti — Guvernulu di la Bucuresti aprobă ază proiectul di leadze tră deshiintarea controversatălei Sectie Specială tră Investigarea Infractiun’ilor din Justitie. Documentul pruveade priluarea a dosarilor care si aaflă in cercetare si a v’initoarilor cazuri di catră alte parchete. Aşi, giudecatoril’i si procuroril’i di tese analtă va hibă cercetaţ di Parchetulu di pi langa Analta Curte di Casatie si Justitie, iar aţel’i di tese mai m’ică di catră parchetile di pi langa alte instante di tese inferioară. Proiectul di leadze va hibă pitricut a Parlamentului tră dezbatire si aprobare. Tot ază, guvernul roman adoptăă si ună schema financiara care va agiută autoritaţâle locale sa treaca piste meşil’i di iarna in care si inreghistrară facturi mări la energhie.
BUCURESTI — In Romania, rata anuală a inflaţilei alinăă la 8,35% în mesulu ianuarie, di la 8,19% în decembrie, în condiţiile în care prămătiile nialimentare si scunchiră cu piste 10%, ţeale alimentare cu 7%, iar serviciile cu aproapea 6 procente, uidisit a datilor publicate ază de Institutulu Naţional di Statistică. BNR prognozeadză ună inflaţie di 11,2% la finalul a trimestrului II, di 10,2% la finalul a trimestrului III di anulu aestu şi di 9,6% la bitisita a trimestrului IV di-tru 2022, conform a Raportului trimestrial asupra a inflaţilei publicat la finele/bitisita a septămânălei trecute. Traiectoria prognozată a ratălei anuală a inflaţilei easte influenţată substanţial di evoluţia v’initoare a preţurilor a produsilor energhetiţe, grevată/ingricată/mărită de incertitudin’i majore, subliniadza Banca Chentrala.
XXX — Cancelarulu gherman Olaf Scholz îl’I câftăă ază a Rusilei, în cadrulu a unei vizită la Kiev, să profită di ofertele di dialog ţi au scupolu să ducă la ună dezamorsare a crizălei şi deade asiguripsiri, în aţeluşi chiro, că Ghermaniia îşi va contiinuă cu apofăsire agiutorulu economic şi îndrupămintul tră Ucraina. “Activităţăle militare a Rusilei la frontiera ucraineană sunt di neachicâsire. Nu exiistă motive rezonabile tră ună ahtare turlie di desfăşurare militară”, subliniee Scholz într-ună conferinţă di presă cu preşedintile ucrainean Volodimir Zelenski. Aestua di mai nâpoi declarăă că ţara lui consiideră controversatulu gazoductu ruso-gherman Nord Stream 2 drept ună armă geopolitică. Di la Kiev, Olaf Scholz m’eardze la Moscova tră discutii, mâne, cu presedintile Vladimir Putin. Ministrulu italian di externe, Luigi Di Maio, va să si deplaseadză mâne la Kiev, iar a daua dzuuă, m’iercuri, la Moscova, in cadrulu tot aţelooruşi eforturi di detensionare a situatilei di la frontiera ucraineana, iu Moscova are masată piste 100 di m’il’e di soldaţă si tehnica militara.
Autor: Camera Ştirilor/ Udălu a hâbărilor
Armânipsire: Hristu Steriu
