Hâbări dit bana românească şi internaţională
BUCUREŞTI – 9.785 di cazuri nale di persoane infectate cu SARS-CoV-2 fură înreghistrate în 24 di ore în România şi fură spuse 36 di decese – informă, ază, Grupulu di Comunicare Strateghică. Are criscută incidenţa a lăndzidzărilor tru multe localităţ, inclusiv Bucureşti, iu si depaşi pragulu di treie cazuri la milea di locuitori şi si intrăa în aşi-numitulu schenariu aroşu. Di la aţist prag, restaurantile, chinematografile, sălile di fitness şi alte activităţ pot să funcţioneadză până la 30% di capacitate. Totunăoară, iintră în vigoare criteriulu a ratălei di vaccinare tru arada a profesorilor şi angajaţâlor a şcoalâlei tră funcţionarea cu prezenţă fizică. Macă pragulu easte sum 60%, elevili fac cursuri online, iar copiili di grădiniţă sta acasă. (…) Ază, Comitetulu naţional tră coordonarea a activităţâlor mutrinda vaccinarea contra SARS-CoV-2 anunţăă că, arhiusinda cu data di 26 ianuarie, copiili cu vârste, cu anili întră 5 şi 11 ani va poată să hibă imunizaţ anti-COVID cu vaccinulu Comirnaty-Pfizer/ BioNTech. Di la arhiusita a campanilei de imunizare contra a coronavirusului la bitisita mesului andreu 2020, in Romania si vaccinară circa 8 milioane di persoane.
Newsroom, 13.01.2022, 23:22
Stockholm – România easte complet aroşie pi harta COVID publicată, ază, di Chentrulu European tră Controlul şi Prevenirea a Lăngorilor. Aesta înseamnă că nivelul di gâilipsire mutrinda situaţia epidemiologhică din ţară fu mutat la 3 di 4. Septămâna trecută, maşi Bucureştiul şi judeţulu Ilfov eara tru aestă situaţie, restul a ţarălei hiinda vearde sau portocaliu. Cu excepţia estului a Europâlei, aproapea toate ţările din UE sunt colorate tru aroşu închlis, aţea ţe înseamnă nivelul 4 maxim di gâilipsire.
Bucuresti – Sindicaliştili din Educaţie protestară, ază, în faţa Guvernului di la Bucuresti şi dinintea a sediilor centrale PSD şi PNL (principalile partide din coalitia la guvernare), di aformia că Executivul nu are majorată veniturile di păradz din sistem uidisit a Leadzilei ale salarizare di-tru 2017. Acţiunea fu organizata di Federaţia a Sindicatilor Libire din Învăţămintu, Federaţia ‘Spiru Haret’ şi Federaţia Naţională ‘Alma Mater’. Ţeale treie federaţii sindicale spun că majorarea salarială di maşi 4% di la 1 ianuarie, care înseamnă ună creaştere a veniturilor cu aproximativ 65 di lei net (circa 13 euro) tră personalul didactic, provocăă ună stare di nemulţunisire generală tru arada a salariaţâlor. Ţeale treie federaţii sindicale din Invatamintu au în desfăşurare şi un referendum mutrinda declanşarea grevălei în sistem.
BUCUREŞTI – Fonduri di piste 1,9 miliarde di euro intrară, ază, în contul a statului român, aestea reprezintă prefinanţarea di împrumutulu acordat a Româniilei, prin Planulu Naţional di Redresare şi Rezilienţă (PNRR), după ţi fură atinse/agiumte obiectivile şi jaloanile din trimestrul IV 2021 – informeadză Ministerulu a Investiţiilor şi Proiectilor Europene (MIPE) di la Bucureşti. Uidisit a sursălei, aestă sumă vine tru completarea primălei tranşe/cumată a prefinanţarilei, pi componenta di grantu, plătită di Comisia Europeană la data di 2 decembrie 2021, în valoare di 1,85 miliarde euro. Aşi, din momentul a aprobarilei şi demararilei ale implementare PNRR, pi 3 noiembrie 2021, ună sumă totală di 3,79 miliarde euro fu acordată a Româniilei. Piste 29 di miliarde di euro va lia, în total, Bucureştiul di la Bruxelles, tră finanţatrea PNRR. Împrumuturile di-tru aţist program, atrapte în condiţii foarte avantajoase, va hibă utilizate tră finanţarea a unor proiecte mări/di anvergură tră România: sute di kilometri di autostradă, dzăţ di mile di locuinţe racordate la reţeale di apă şi canal, facilităţ tră digitalizarea a îndauă mile di IMM-uri sau dzăţ di mile di hectare di reîmpăduriri – mai susţâne MIPE.
Autor: Camera Ştirilor/ Udălu a Hâbărilor
Armânipsire: Hristu Steriu
