Hâbări dit bana românească şi internaţională

București — Maşi 62 di cazuri nale di Covid-19 fură raportate, ază, la nivelul a întreagălei Românie, ditru aproximativ 25 di m’il’e di teste. Autorităţâle anunţară şi treie nale decese. În spitale sunt internaţ sum 300 di pacienţâ, di care 54 la Terapie Intensivă. Ţi cara că numirulu a cazurilor easte m’ic, specialiști și autorităț spun că lâ easte frică di varianta Delta a coronavirusului care va devină dominantă la toamnă și va să si răspândească rapid. A, tru opinia lor, singura modalitate di contracare/închidicare a efectilor nefaste/nibune a liştei variantă easte vaccinarea a unui numir cât mai mare di persoane. Ditru 27 decembrie 2020, cându acâţă campania națională, fură administrate piste 9 milioane di doze a unui numir di aproximativ 4,8 milioane di persoane, di care aproapea 4,7 milioane au loată schema completă. Nemulțan’iisite di aest bilanțu, autoritățâle caută soluții di impulsionare a vaccinarilei.

Leyla Cheamil, 15.07.2021, 22:56

București — Maşi 62 di cazuri nale di Covid-19 fură raportate, ază, la nivelul a întreagălei Românie, ditru aproximativ 25 di m’il’e di teste. Autorităţâle anunţară şi treie nale decese. În spitale sunt internaţ sum 300 di pacienţâ, di care 54 la Terapie Intensivă. Ţi cara că numirulu a cazurilor easte m’ic, specialiști și autorităț spun că lâ easte frică di varianta Delta a coronavirusului care va devină dominantă la toamnă și va să si răspândească rapid. A, tru opinia lor, singura modalitate di contracare/închidicare a efectilor nefaste/nibune a liştei variantă easte vaccinarea a unui numir cât mai mare di persoane. Ditru 27 decembrie 2020, cându acâţă campania națională, fură administrate piste 9 milioane di doze a unui numir di aproximativ 4,8 milioane di persoane, di care aproapea 4,7 milioane au loată schema completă. Nemulțan’iisite di aest bilanțu, autoritățâle caută soluții di impulsionare a vaccinarilei.

București — Parada aeriană, care eara programată tră evenimentile care va aibă loc siptămâna v’initoare — Dzuua a Aviaţilei Română pi 20 alonar, şi, respectiv, cheremonia dedicată a bitisirilei a li misiune a militarilor român’i tru Afganistan, pi 21 iulie/alonar -, fu anulată prin ordin a ministrului a apăraril’ei. Decizia v’ine după incidentul di ază, cându un elicopter american, care participaa la un azboir di anternamentu tra ţeale două evenimente, raportăă ună defecţiune tehnică şi avu zore/ananghe tra să aterizeadză di urgenţă în chentrul a Bucureştiului, tru împlin trafic rutier pi geadeie. Ni-un-om nu fu rănit, iar zim’iile materiale fură minore. Dio aform’ia a li aterizare forţată, doi sturi de iluminat cădzură şi avariară doauă maşin’i. Bitisirea a misiunil’ei a li Armată a Româniilei în Afganistan va hibă marcată printr-ună cheremonie în Bucureşti. Va defileadză pi sum Arcul de Triumfu din chentrul a Capitalăl’ei detaşamente reprezentânda structurile militare care au îndeplinită misiun’i tru aţist teatru di operaţiun’i arhiusinda ditru 2002, până tru mesulu cirişar/iunie a lăştui an, când revenira/si turnară acasă ultimil’i soldaţ român’i. Pi parcursul a prezențălei româneascăi în Afganistan, 27 di român’i îşi chirură bana tru acţiun’i di aludmtă, iar piste 200 fură pliguiţ/ răniţ.

Bruxelles — Comisia Europeană propuse, aieri, misuri ambiţioase tră atindzirea obiectivilor climatiţe a Uniunilei, împreună cu ună distribuire a scupolurilor naţionale di reduţire a emisiilor ie gaze cu efectu di seră asupra a cure — comenteză Reuters – aţeale 27 di state membre va aibă dezbateri aprease. Printră propunerile tră reduţirea a nivelului di CO2 cu 55% faţă di anulu 1990 si numiră creaşterea a costurilor tră emisiile generate di îngăldzare, transporturi şi industrie, taxarea a combustibililor destinaţ/pitricuţ a transporturilor aerieane şi navale sau interziţerea, ditru anulu 2035, a comercializaril’ei a autoturismilor nale diesel şi pi benzină. În cazulu a Româniilei, scupolu/obiectivulu di reduţire a emisiilor di CO2 va crească di la 2% la 12,7%. Aestu plan va hibă negociat cu statile membre şi cu Parlamentul European.

XXX – România lipseaşte să îşi dubleadză eforturile di vaccinare pi parcursul a vearălei, avânda în vedeare faptul că maşi 30% di populaţia adultă fu vaccinată complet, susţâne comisarulu european tră sănătate şi siguranţă alimentară, Stella Kyriakides, care va asească/agiungă, mâne, în vizită, în Romania. Ea adapse că varianta Delta a virusului, mai transmisibilă, deja prezentă în Uniunea Europeană şi care va ciirculă pi scară largă tru aestă veară, constituie un riscu major tră persoanile nivaccinate. Vaccinarea easte şi va hibă ţea mai puternica armă contra a variantilor – mai spuse comisarulu european. Uidisit a unui comunicat a li reprezentanţă a Comisilei Europeană la Bucureşti, Stella Kyriakides va să si adună cu ministrulu a sănătatilei, Ioana Mihăilă şi va facă ună vizită la chentrul di vaccinare di la Petreşti (sud). Discuțiile va să si axeadză pi Strateghia UE mutrinda vaccinurile și pi derularea campanilei națională di vaccinare în România, precum și pi calea pi care sa so m’eargă ligat di propunerile din cadrulu a uniunil’ei europeane a sănătatilei.

Autor: Camera Ştirilor/ Udălu a Hâbărilor

Armânipsire: Hristu Steriu