Hâbări dit bana românească şi internaţională
Bucureşti — Ună Uniune Europeană a v’initorului easte, în viziunea Româniilei, un proiectu indisolubil ligat di ideea di unitate şi solidaritate europeană în beneficiul a tutulor, un proiectu în care lipseaşte să nă preocupă bunăstarea a tutulor statilor membre şi a cetăţeani’lor european’i isa tră toţ. Declaratia fu faptă di presedintile Klaus Iohannis, ază, la arhiusita oficială a dezbaterilei naţională mutrinda v’initorulu a Europălei. Uidisit a presedintelui, valoarea incontestabilă a aluştor principii fu reconfirmată di criza recentă. Ma că ază cetăţean’il’i european’i au acces la vaccin, ma că economiile europeane si îndreg/pregatescu di relansare – aeste lucruri sunt posibile în special di la capacitatea a noastră comună şi a Uniunil’ei în ansamblul a l’ei tra să si mobilizeadză şi să răspundă eficientu a unei criză fără precedentu di mai năinte în istoria proiectului european, sublinie sefulu a statului. La lansarea a dezbateril’ei are participată si comisarulu european tră transporturi, Adina Vălean. Conferinţa mutrinda v’initorulu a Europălei fu lansată la Strasbourg la 9 mai, iar dezbaterile ligate di aesta va să si desfăşoară pi tot parcursul a anului şi în primulu semestru ditru 2022, în videarea a formularil’ei a unor linii directoare mutrinda v’initorulu a Uniunilei Europeană.
Newsroom, 14.07.2021, 00:26
BUCURESTI – Unulu dia ţel’i doil’i pacienţă cu arsuri grave transferaţ di urgenţă tru Ghermănie, după focul/incendiul di la Rafinăria Petromidia( sud-estul Romaniei), muri, ţi cara că starea lui ghenerală fu ună stabilă pi tot parcursul a internaril’ei, transferului şi a tratamentilor di specialitate, si spune într-un comunicat a companiilei Kaz Munai Gas, deţânătoarea a rafinăriil’ei. Ţel de-al doilea pacientu easte tru aest momentu stabil şi răspunde la tratamentu, mai precizeadză compania. Amintim că la intrata a mesului, după ună explozie urmată de un incendiu la Rafinăria Petromidia, ună persoană muri şi alte ţinţe fură rănite, di care doauă fură transportate tru Ghermănie. Procuroril’i dişchlisiră dosar tră ucidere/curmare a banăl’ei, victimare corporală şi distrudzire, toate faptile hiinda din culpă.
BUDAPESTA – Giucătoarea română di tenis Ana Bogdan, loculu 98 mondial, si calificăă azăitru turulu secundu a turneului di categorie WTA 250 di la Budapesta, dotat cu premii totale di circa 235.000 di dolari, după ţe tricuu tru doauă seturi di americanca Varvara Lepchenko (155 WTA). Românca easte cap di serie N.5 si va o aibă ca adversară în turulu următor pi giucătoarea ucraineană Katerina Kozlova (154 WTA). Tot ază, românca Jaqueline Cristian (153 WTA) chirdu in 3 seturi la sârboaica Ivana Jorovic (334 WTA). Aieri, în primul tur a tot aţeauăşi competiţii, Irina Bara (119 WTA) tricuu în trei seturi de italianca Sarra Erani (105 WTA, favorită nr. 8), iar Irina Begu (71 WTA, favorita 4) fu eliminată di slovaca Anna Karolina Schmiedlova (126 WTA).
Autor: Camera Ştirilor/ Udălu a hâbărilor
Armânipsire: Hristu Steriu
