Hâbări dit bana românească si internaționalâ
Gruplu di Comunicari Strategică dimândâ că pânâ azâ, 1 di apriiur 2020, pi teritoriul a Româniillei, furâ confirmati 2.460 di cazuri cu oamiñi infectaț pritu viruslu COVID – 19 (coronavirus) și 92 di oamiñi ți murirâ.
Tașcu Lala, 02.04.2020, 03:11
Ditu arada-a oamiñiloru confirmaț pozitiv, 252 furâ declaraț vindicaț și externaț (84 la București, 56 la Timiș, 26 la Iași, 21 la Caraș-Severin, 12 la Constanța, 20 la Prahova, 8 la Dolj, 5 la Brașov, 8 la Cluj, 5 la Galați, 2 la Bihor, 1 la Brăila, 1 la Mureș, 1 la Neamț, 1 la Alba, 1 Argeș).
86 di oamiñi diagnosticaț cu infecția COVID-19, internaț tru spitalili ditu Craiova, București, Iași, Suceava, Arad, Bacău, Timișoara, Cluj, Neamț, Hunedoara, Constanța, Satu Mare, Sibiu, Ialomița, Oradia, Ialomița, Bihor și Mureș, murirâ.
Di la ațea dit soni hâbâriseari dimândatâ di Gruplu di Comunicari Strategică, furâ nregistrati alti 215 năi cazuri di oamiñi ți ândzidzârâ.
La ATI, tru aestâ oarâ, suntu internaț 57 di paciențâ, ditu arada-a aiștoru 34 suntu pi greauâ catandisi. Catastisea di sănătati a alântoru paciențâ easti toradioarâ staționarâ.
Pi teritoriul a Româniillei, tru carantină instituționalizată suntu 12.218 di oamiñi. Alțâ 119.218 di oamiñi suntu izolaț tu casili a loru și suntu sum monitorizari medicală.
Până tu aestâ oarâ, pi livel național, furâ prilucrati 26.609 testi.
Tru 24-li sâhăț dit soni, s’deadirâ 923 di apeluri, dimecu grirâ cu tilefonlu la numirlu unic di ananghi 112 și 4.826 la linia TELVERDI (0800 800 358), dișcllisâ maxus ti dimândarea cetățeañilor cu hâbări.
Pritu structurli axiziti a M.A.I., până tru aestâ oarâ, eara adrati 260 di dosari penali, cu noima câ featirâ infracțiuni ti ambudyiusearea icâ amânarâ curmarea-a lângorlor, faptâ ți easti pruvidzutâ şi pidipsită di art. 352 alin. 1 Cod Penal.
Tutunâoarâ, tru 24-li sâhăț dit soni, Poliția și Jandarmeria deadirâ, 522 di sancțiuni contravenționale trâ nitiñisearea-a meatriloru di izolari/carantină.
Polițișțâlli aflarâ, tru aesti 24 di sâhăț 6.939 di oamiñi cari nu tiñisirâ apofasea mutrindalui restricţionarea-a urdinarillei. Aluștoru lâ deadirâ sancţiuñi contravenţionali, tru valoarea di 11.366.595 di lei.
Armânipsearea: Tașcu Lala
