Hâbări dit bana românească şi internaţională
XXX – Un cetăţean român di pi nava di croazieră Diamond Princess, aflată tru apile teritoriale japoneze, fu depistat pozitiv cu noulu virus a pneumonii;ei virală (coronavirus), informeadză ază Ministerulu a Afacerilor Externe. El fu pitricut tră izolare şi tratamentu la un spital japonez specializat tră ahtări situaţii. Misiunea diplomatică a Româniilei în Japonia si aaflă în ligătură cu cetăţeanulu român internat şi cu alalţă români aflaţ pi vas. Pi di alta parte, Organizaţia Mondială a Sănătăatilei deade asiguripsiri ază ca creaştirea considerabilă a numirului de infecţii cu noulu coronavirus easte cauzată de ună modificare a metodilor di depistare şi de contabilizare şi nu reprezintă ună agravare a epidemiilei. China anunţăă piste 15.000 de contaminări suplimentare si 254 di nale decese, di diparte ţea mai marea creaştire înreghistrată di cându criza arhiusi în decembrie. Nalile cifre mutara isapea în China la aproapea 60.000 di cazuri confirmate şi la piste 1.360 di morţă.
Eugen Coroianu, 13.02.2020, 23:35
Berlin – Premierulu interimar ali Romanie, Ludovic Orban, partiicipă la Conferinţa internaţională di Securitate di la Munchen, agiumtă, anulu aestua, la ţea de-a 56-a ediţie. El are programate întrevideri cu omologi din mai multe state, pricum şi cu reprezentanţă di cipit a comunitatilei di afaceri si va susţănă ună alocuţiune în cadrulu ‘European Dinner’. Conferinta reuneaşte lideri şi factori di decizie importanţă în materie di securitate şi apărare – şefi di stat şi di guvernu, reprezentanţă a conduţerilor a organizaţiilor internaţionale şi reghionale, inclusiv a Uniunilei Europeană şi NATO. Evenimentul repreziinta ună araste tră politicianili europeani tra să consolideadză ligăturile cu reprezentanţă de nivel din SUA, Africa, Asia Chentrală şi Orientul di Mese.
Autor: Camera a Stirilor/Hâbărilor
Armânipsire: Hristu Steriu
