Hăbări dit bana româneascâ şi internaţională
Bucuresti – Prezidentul francez, Emmanuel Macron, al’i pitricu, viniri, tru una moeabeti telefonica, a prezidentului român, Klaus Iohannis, hăbari că va s-tragă candidatura al Jean-François Bohnert și că va u ndrupască Laura Codruța Kövesi la cumăndusearea a Parchetlui European — să spuni tru un comunicat ali administratie prezidentială di Bucuresti. Ma ninti, Parlamentul European năpoi si spusiandrupămintul tra pentru fosta sefa a Directiei Nationale Anticoruptie dit Romania ti funcţia di procuror-şef european. Adutem aminti ca aesta primveara, legislativlu european apufusi s-u-ndrupască Laura Kovesi ti șefia a Parchetlui European, ama Consiliul UE lu aleapsi candidatlu francez Jean-Francois Bohnert. Ma multe runde di negocieri anamisa di delegațiile a aţilor dauă instituții nu adusiră niţi un rezultat. Uidisitu cu regulamentul di funcţionare a yinitorlui Parchet European, Parlamentul şi Consiliul lipseasti s-număsescă di comun acord procurorlu-şef european tră un mandat di 7 ani, care nu poati s-hibă znuitu.
Daniela Budu, 20.07.2019, 17:57
XXX – Secretarlu di stat roman, Maria Magdalena Grigore, avu, tru arada a vizităl’ei ti u faţi tru SUA, andamusi bilaterali cu analţă funcţionari ONU. Uidisitu cu un comunicat a ministerlui di Externi di Bucuresti, oficialii zburără tră turliili di băgari tru lucru a scupadzlor di dezvoltari durabilă, ti conectivitatea tru dumenea a transporturlor, cooperarea anamisa di România şi Programlu a Naţiunilor Unite tră Dezvoltare, contribuţia ali Romaniei la operaţiunile tră tăneari ali irini, asistenţă umanitară internaţională şi evoluţiile pi plan economic mondial. Maria Grigore cundil’e importanţa ONU tru contextul mondial actual şi semnificaţia ahoryea tră multilateralism. Demnitarlu cundil’e, tutunăoară, progresili fapti di România ca donator emergent, em tru dumenea asistenţăl’ei oficială tră dezvoltari em tru ţi mutreaşti agiutorlu uminitar.
Autor: Udălu a hăbărlor
Armânipsearea: Tãscu Lala
