Hăbări dit bana românească şi internaţională

BRUXELLES — Prezidentul Klaus Iohannis apruche hiratimai tru bitisita a prezidentiil’ei ti şasi meşi romaneşti a Consiliului Uniunil’ei Europene. La conferinţa di presă tru trei, cari ncl’isi, viniri, summitlu di Bruxelles, şefan’l’i ali Comisie europeană, Jean-Claude Juncker, şi a Consiliului european, Donald Tusk, zburără ti atea ţi număsiră rezultati ti anami, prit bitisearea a aţilor 90 di pripuniri legislative, nica şi tru ţi mutreaşti sinurli externi, n’icşurarea a emisiilor di dioxid de carbon şi Europa digitală. Prezidentul Iohannis spusi că mulţă s-aştipta la un mandat mediocru, ama România spusi că easti ma bună andicra di imaginea ţi u ari. El şi spusi haristusearea că, la căftarea a lui, liderl’iii european’i fură simfun’I cu anvărtusearea a agiutorlui ti Republica Moldova (majoritar romanofona) prit meatri concreti. Ti a daua giumitati a anlui, prezidentil’ea a Consiliului Uniunil’ei va s-hibă asiguripsită di Finlanda.

Bogdan Matei, 22.06.2019, 17:02

BRUXELLES — Prezidentul Klaus Iohannis apruche hiratimai tru bitisita a prezidentiil’ei ti şasi meşi romaneşti a Consiliului Uniunil’ei Europene. La conferinţa di presă tru trei, cari ncl’isi, viniri, summitlu di Bruxelles, şefan’l’i ali Comisie europeană, Jean-Claude Juncker, şi a Consiliului european, Donald Tusk, zburără ti atea ţi număsiră rezultati ti anami, prit bitisearea a aţilor 90 di pripuniri legislative, nica şi tru ţi mutreaşti sinurli externi, n’icşurarea a emisiilor di dioxid de carbon şi Europa digitală. Prezidentul Iohannis spusi că mulţă s-aştipta la un mandat mediocru, ama România spusi că easti ma bună andicra di imaginea ţi u ari. El şi spusi haristusearea că, la căftarea a lui, liderl’iii european’i fură simfun’I cu anvărtusearea a agiutorlui ti Republica Moldova (majoritar romanofona) prit meatri concreti. Ti a daua giumitati a anlui, prezidentil’ea a Consiliului Uniunil’ei va s-hibă asiguripsită di Finlanda.

BUCURESTI — Năulu sef a diplomatiil’ei dit Ripublica Moldova (ex-sovietica, majoritar romanofona), Nicu Popescu, va s-facă ună vizită tru Romania viţină pi 1 alunar — dimănd1 ministerlu di Externe di Bucuresti. El aavea zburătă, telefonic, viniri, cu omologlu a lui roman, Teodor Meleşcanu, cari lu asiguripsi di dişcl’idearea păn di mardzină a Bucurestiului ti ună cooperare streasă, tru spiritlu a Parteneriatlui Strategic bilateral tră integrarea europeană a Ripublicăl’ei Moldova. Investit di parlamentu tu 8 di cirişar, năulu Guvernu di Chisinau, cumăndusitu di pro-europeana Maia Sandu, li prilor prerogativele aoa şi ună stamana, dupa blocajlu politic la cari s-agiumsi di niapruchearea a fostului Executiv di ţentru-stanga, controlat di oligarhul Vladimir Plahotniuc, tra s-alasă puterea.

ROMA — Nationala di tineret ali Românie azvimsi, viniri seara, cu 4-2, reprezentativa ali Anglie, la Campionatlu European di fotbal Under-21, cari s-dizvărteaşti tru Italia şi San Marino. Tru ună partida pi cari presa di specialitate u califică ca easti senzationala, tuti golurli s-marcară tru cireclu dit soni. Român’il’i fură egalaţ di dauă ori, ama agiumsiră diznău tru avantaj si transară mecilu tru minutili dit soni. Tru idyea Grupa C, Franta azvimsi Croatia cu 1-0. Azvingăoari si tru mecilu di debut, 4-1 cu Croatia, Romania easti lider, cu 6 puncti si golaveraj 8-3, deapoa yinu francezl’i, tut cu 6 puncti si golaveraj 3-1. Aţeali dauă echipe va ş-disputa, luni, protlu loc, calificarea tru semifinale si, impliţit, la Agiocurli Olimpiţi di anlu ţi yini, di Tokio. România easti la a daua participare la un turneu final, după atel dit 1998, organizat Bucuresti si la cari bitisi pi loclu dit soni dit optu participanti.

Autor: Udalu a habarlor

Armanipsearea: Tascu Lala