Hăbări dit bana românească şi internaţională
Tașcu Lala, 18.05.2019, 17:50
BUCURESTI — Tru Romania, Administraţia Naţională di Meteorologie apufusi ună atenţionari di Cod galbinu di ploi cabaia mări tră 16 di judeţe dit nordul, estul si tentrul a teritoriului, valabilă până dumănică tahina, cum şi ună informare di instabilitate atmosferică tră tută văsilia, valabilă până marţă, ti prăndzu. Uidisitu cu meteorologil’i, va s-da ploiuri torenţiale, va –bată chiritlu, fărtuna vijelii şi grindina. Cantităţile di apă va s-năstreacă di 25 l/mp şi pi locuri ma n’iţ 40 -50 l/mp. Cama di 3.000 di pompieri feaţiră intervenţie, tru dzălili dit soni, tra s-agiută autorităţl’i şi bănătorl’i dit dzăt di localităţ dit văsilie ti scutearea a apil’ei dit izbi şi nicuchirati, dupu marli ploiuri ţi cădzură, nival’iurli di pi ohturi şi viiturli rapide. Nai ma zn’iipsiti fură giudeţili Bistriţa Năsăud si Mures, dit tentrul a văsiliil’ei, Gorj, si Teleorman, sud, Hunedoara, sud-vest, Maramureş (nord). Ază, maximili termiţi va s-hibă anamisa di 20 si 28 di grade Celsius. Bucuresti, ti prăndzu avea 26 di gradi C.
BUCURESTI — Nai ma marli exerciţiu di comunicaţii şi informatică di la nivelu ali Alianţă Nord-Atlantică – Steadfast Cobalt 2019 — va s-ahurhească, dumănică, Otopeni, aproapea di Bucuresti. La exerciţiu l’ia parti cama di 1.200 militari români şi xen’i, dit 35 di structuri dit domenea a sistemilor di comunicaţii şi informatică ali NATO — cundil’eadză Ministerlu român ali Apărari, tru un comunicat. Programat să s-bitisească la 2 dicirişar, Steadfast Cobalt 2019 ş-pripuni instruirea deadun, tră s-da suportul multinaţional, tru operaţiili dizvărtiti di NATO şi exersarea a procedurlor standard ţi suntu ananghi ti băgarea tru lucru ali interoperabilitati resursili umane şi tehniţi.
BUCURESTI — Echipa masculina di handbal CSM Bucureşti amintă,tru premiera, Cupa Challenge, sâmbătă, după ţi azvimsi formaţia portugheză AM Madeira Andebol SAD cu scorlu 26-20, tru manşa a daua a finalăl’ei, disputată pi teren propriu. Tru prima mansa, tru Portugalia, ateli daua echipe bitisiră la egalitate, 22-22. Cupa Challenge easti lugursită treia ca valoare dit competitiile continentale intercluburi. Deţinătoarea a cupăl’ei easti Potaissa Turda (nord-vestul Romaniei). Alte trei parei româneşti nica amintară trofeulu pănă tora: CSA Steaua Bucureşti (tru 2006), CS UCM Reşiţa (sud-vest, tru 2007, 2008, 2009) şi HC Odorheiu Secuiesc (ţentru, tru 2015), chiro tru cari CSU Bucovina Suceava (nord-est) fu finalistă tru 2009. Aduţem aminti ca, la feminin, CSM Bucureşti fu eliminata, meslu aestu, dit cirecurli di finala a Ligăl’ei Campionilor, di frantuzoaicele di la Metz, dupa ţi, tru treiil’i an’I dit soni, s-calificară cafi oară tru aşi număsitlu Final Four, a deapoa tru 2016 amintă şi trofeulu.
Autor: Udalu a habarlor
Armanipsearea: Tascu Lala
