Hăbări dit bana românească şi internaţională
Bucuresti — Embistimen’il’i ortodocşi (majoritari) şi greco-catoliţ dit România yiurtusescu, azâ, Pastele ica Anyearea a Hristolui, nai cama mari sarbatoare a crestinatatil’ei. Tu n’eadza noaptea, embistimen’il’i dusira la bâseriţ icâ mănăstiruri, iu loară lun’ina di la prefţâ şi cântarâ “Hristolu Anye !”. Lun’ina fu adusă di Ierusalim, di la murmintul a Domnului iu fu apreasă tru cadrul a ţeremoniil’ei di sâmbata a Foclui Sâmtu dit Bâsearica a Nyearil’ei. Tru Pastorala ti di Pasti, Patriarhul a BOR, Daniel, cândâseaşti ca prit zboru şi faptă bună, s-aduţem harauuâ şi lun’ină tru suflitili a aţilor oarfân’i, lândzidz, auşi, ftohi, di jeali şi armaşi fârâ agiutori/ singuri. S-nu agârşimu niţi român’l’ii cari suntu anamisa di xen’i, şi s-fâtem arigeaie trâ sănătatea şi mântuirea a lor — nica ngrâpseasti Patriarhul.
Leyla Cheamil, 28.04.2019, 16:02
Bucuresti – Prezidentul Klaus Iohannis lă pitricu, ază, a român’ilor un mesaj di Paşti, tru cari lă ură sărbători lun’inate. Hristolu Nye ! Vruţ român’i, vă or sărbători lun’inate, cu isihie şi irin’e tru suflit, deadun cu vruţl’I a voşţă !, spusi Iohannis tru mesajlu video postat pi un şingir di socializare. Si premierlu Viorica Dancilă lă ură a românilor un Paşte cu harauuă, sănătate şi să s-hărsească di momentili ţi va li treacă deadun cu vruţl’I a lor. Uidisitu cu un comunicat di presă, premierul spuni, tru mesajlu a lui, că Sărbatorli Pascale aduc vluyiseari, pistipseari şi nădie, nă aproachi ma multu di divinitatea care easti tru oamin’i şi nã da şansa ti ună nauă ahurhită. “Sâmta Sărbătoare a nyearil’ei s-aducă tră tuţ român’il’I isihie sufletiască şi prucuchie iara tră Armata ali Românie, năi seamne cu hăiri şi pricunuşteari pi plan intern şi internaţional”, pitricu, tru arada-l’i, ministrul Apăraril’ei Naţionale, Gabriel Leş, tru mesajlu a lui cu ocazia a Sărbătorilor Pascale.
Autor: Udãlu a Hâbărlor
Armânipsearea: Taşcu Lala
