Hăbari dit bana românească şi internaţională
Tașcu Lala, 23.03.2019, 18:55
BUCURESTI – Instituţiile tru cari românili ma largu au mari pistipseari suntu Armata şi Băsearica, tru vasilie, a deapoa NATO şi Uniunea Europeană tru plan internaţional – spuni un sondaj INSCOP, adrat tru perioada 5 – 13 di marţu, la cumandul ali Fundaţie Konrad Adinauer. Uidistu cu cercetarea sociologică, Armata ma largu easti instituţia internă tru cari românili au nai ma analtu nivel di pistipseari – 68%, deapoa Băsearica – cu 55 di proţente, dauli tru lişoară creaştire andicra di meşli di ma nainti. Yinu deapoa Jandarmeria – cu 48%, Poliţia – 43, DNA – 40 si Preşedinţia – 38. Tu alantu capu suntu partidile politiţi si Parlamentul, cu ună cota di pistipseari di maşi 11 protente. Tru atea ţi mutreaşti instituţiile internaţionale, pi prima poziţie tru toplu a pistipsearilei suntu NATO – cu un capital di pistipseari cabaia mari şi multu di multu di 52%, a deapoa yini UE – cu 49. Eroarea maximă admisă a datilor easti di plus/ minus 3%.
WASHINGTON – Premierlu român, Viorica Dăncilă, fati, di ază pănă martă, ună vizită tru Statele Unite, tra s-l’ia parti la Conferinţa a Comitetlui Americano-Israelian tră Politiţ Publiţi (AIPAC). Vizita u faţi la călisearea ţi l’iu pitricu prezidentul AIPAC, Morton Fridman, şi directorlu executiv, Howard Kohr. Uidisitu cu un comunicat a Executivlui di Bucuresti, vizita yilipseaşti darea silă a dialoglui bilateral şi s-ncadreadză tru gaeretli niacumtinati a Guvernului tra s-anvărtuseadză şi s-creasca parteneriatili pi cari România li ari cu Statili Uniti şi Israel.
Paris — Aşi-număsitili veste galbini mutară cap, diznău, pi geadei, sămbătă, tră a 19-a sâmbătă consecutivă di ascumbuseari, mutriţ cu ngătan di un dispozitiv di securitati vărtos, di la ună stămână după actili de vandalism fapti pi Champs-Elysees Paris, iu prefectura ali poliţie dimandă dzăt di arestări. Nisa, iu lipseasti s-ahurhească dumănică vizita ufitială a prezidentului chinez Xi Jiping, ndauă dzat di persoane, născănti nviscuti tru veste galbini, nu tin’isiră interdicţia tra s-manifesteadză tru ună piaţă dt misuhorea a căsăbălui. Executivlu nu apruche manifestaţiile tru ma multe locuri emblematice Paris, Nisa şi Bordeaux şi dimănda anvartusearea a forţelor de ordine cu militari dit operaţiunea antiteroristă Sentinelle, timil’iusită după atentatele teroriste din 2015. Işită tru migdani tru brumar ca semnu di protestu andicra di criştearea a taxilor la carburanţi, minarea s-teasi – aparent fără lideri reprezentativi – şi nu s-asteasi unăoară cu marea dezbatere naţională lansată di Emmanuel Macron tra s-da apandisi la aştiptărli a francezlor.
Autor: Udălu a Hăbărlor
Armânipsearea: Taşcu Lala
