Dzuua ali Culturâ Naționalâ, yiurtusitâ di tuti posturli SRR
Tuti posturli ali Suțatâ Româneascâ di Radiodifuziune yiurtusescu, mâni, 15 di yinaru, cultura, tu tuti formili a llei.
România Internațional, 14.01.2024, 18:28
Tuti posturli ali Suțatâ Româneascâ di Radiodifuziune yiurtusescu, mâni, 15 di yinaru, cultura, tu tuti formili a llei.
Radio România Cultural va s-da directu di la Gala a Tinirlor Scriitori/Cartea di Poezíi a anlui 2023, iventu ti 14-a edițíi a Dzuuâelli ali Culturâ Naționalâ.
Radio România Muzical va s-yiurtuseascâ tutâ dzuua cultura naționalâ. Omlu a dzuuâelli easti cunuscutlu dirijor Sergiu Celibidache.
Radio România Actualităț lu ari invitatu spețialu ali emisiuni “Soțlli di la Radio” pi Radu Vancu, ațelu ți amintă 14-a edițíi ali Carti di poezíi a anlui.
Studiourli teritoriali ali Suțitati Românâ di Radiodifuziuni, Antena a Satilor, Radio România Internațional, Redacția Minorităț, Radio Trei Net andreapsirâ programi fapti casten ti sârbâtoarea ali culturâ naționalâ.
Ş-tut mâni, Aghenția di Presâ RADOR Radio România scoati tu padi unu documentaru extinsu ti simasia a dzuuâelli di 15 di yinaru.
Armânipsearea: Mirela Biolan Sima
