Prima pagină » Actualitate » HÂBARLI trâ SARS-CoV-2: 4026 cazuri năi di SARS-CoV-2 tru Românie

HÂBARLI trâ SARS-CoV-2: 4026 cazuri năi di SARS-CoV-2 tru Românie

4.026 di cazuri năi di oamińi infectaț cu SARS-CoV-2 eara nregistraț, andicra di ațea ditu soni dimândari, dupu ți eara adrati 30.325 di testi pi livelu naţionalu, hâbârisi, viniri, Gruplu di Comunicari Strateghică (GCS).

Mariana Chiriță, 18.10.2020, 19:48

Suntu cazuri cari numata avea adratâ ma ninti unu testu pozitiv, cundilleadzâ GCS.

Cama di 4.000 di năi cazuri COVID-19 suntu raportati tru aesti ditu soni 24 di sâhăț, tru Românie, trâ a treia dzuuâ arada. Isapea SARS-CoV-2 agiumsi la 172.516, uidisitu cu hăbărli dimândati viniri di Gruplu di Comunicari Strateghică (GCS).

Numirlu a paciențâloru la Tearapie Intensivă agiumsi pi unu nău recordu: 726.

Până adză, 16 di sumderu, pi teritoriul ali Românie, eara spusi tutu cu tutu, 172.516 di cazuri di oamińi infectaț cu năulu coronavirus (COVID – 19). 127.076 di paciențâ furâ vindicaț.

Dupu testili ți eara adrati pi livelu naționalu, andicra di ațea ditu soni raportari, eara nreghistrati 4.026 di cazuri năi.

Tu vahtea di kiro 15.10.2020 (10:00) – 16.10.2020 (10:00) eara dimândaț 75 di morță (43 bârbaț și 32 di mlleri), isapea, tutu cu tutu, a morțăloru cu COVID-19 agiumsi acși la 5.749.

Ditu arada a morțăloru tru 24-li sâhăț ditu soni, 3 morță eara nregistraț pi ilikia di 20-29 di ańi, 3 pi ilikia 40-49 di ańi, 8 morță pi likia di 50-59 di ańi, 20 morță pi ilikia di 60-69 ańi, 22 morță pi ilikia di 70-79 ańi și 19 morță pi ilikia di 80 di ańi ș-cama. Tuț morțălli nreghistraț suntu ditu arada-a nâscântoru paciențâ cari avea alti lângori/ comorbidităț.

Tru unitățli sanitari di profilu, tutu cu tutu, numirlu a oamińiloru internaț cu COVID-19 easti di 9.838.

Până azâ pi livelu național, eara prilucrati 2.800.912 di testi, ditu aestea 30.325 di testi eara adrati tru 24-li sâhăț ditu soni, 18.337 tru baza-a definițiillei di cazu și a protocolui medical și 11.988 cu câftarea.

Pi teritoriul ali Românie, 17.874 di oamińi confirmaț cu infecția-a năului coronavirus suntu tru izolari la domiciliu, iara 9.155 di oamińi suntu tru izolari instituționalizată. Tutunâoarâ, 42079 di oamińi suntu tru carantinâ acasâ, a deapoa tru carantină instituționalizată suntu 45 di oamińi.

742 di oamińi, nâpoi furâ testaț şi reconfirmaț pzitivu cu COVID-19, dimândă, viniri, Gruplu di Comunicari Strateghică.

“Ahoryea di cazurli nău confirmati, dupu testarea disnău a pacienţâloru cari ma ninti eara pozitivi, 742 di oamińi nâpoi eara confirmaț pozitivi”, cundilleadzâ GCS.

Ampârțarea pi giudeți a aluștoru cazuri easti aesta di ma nghiosu:

* Alba – 5

* Arad – 11

* Argeş – 21

* Bacău – 18

* Bihor – 17

* Bistriţa-Năsăud – 1

* Botoşani – 12

* Brăila – 8

* Braşov – 35

* Buzău – 7

* Călăraşi – 3

* Caraş-Severin – 0

* Cluj – 21

* Constanţa – 11

* Covasna – 10

* Dâmboviţa – 7

* Dolj – 12

* Galaţi – 26

* Giurgiu – 5

* Gorj – 17

* Harghita – 20

* Hunedoara – 19

* Ialomiţa – 0

* Iaşi – 51

* Maramureş – 6

* Mehedinţi – 1

* Mureş – 11

* Neamţ – 19

* Olt – 2

* Prahova – 21

* Sălaj – 16

* Satu Mare – 9

* Sibiu – 30

* Suceava – 24

* Teleorman – 17

* Timiş – 22

* Tulcea – 5

* Vâlcea – 30

* Vaslui – 1

* Vrancea – 2

* Bucureşti – 176

* Ilfov – 13

Poliţişțâlli şi geandarmilli deadirâ, tru 24-țli sâhăț ditu soni, 5.995 di sancţiuni contravenţionali, ți custusescu 906.255 lei, câțe eara câlcati pruviderli a Nomlui 55/2020 tu ligâturâ cu niscânti apofasi trâ priyinearea şi combâtearea-a zńiiloru ți li fați pandemia di COVID-19, dimândâ GCS.

Tutunâoarâ, pritu structurli abilitate ali Poliţie, gioi isapea eara cu 6 infracţiuńi ti ambudyiuseari alumta cu lângorli, lucru pruvidzutu și pidipsitu di art. 352 Cod penalu.

Tru 24 di sâhăț ditu soni, eara nreghistrati 2.235 di apeluri la numirlu unic di ananaghi 112 şi 1.182 la linia TELEVEARDI (0800.800.358), dișcllisâ maxusu ti hâbârisearea-a cetăţeańilor.

Ministerlu ti Lucri di Nâuntru dișcllisi, ahurhindalui cu 4 di alunaru, unâ linie TELEVEARDI (0800.800.165) la cari pot s’hibâ sesizati călcărli a normiloru di viglleari sanitară. Apelurli suntu priloati di un dispeceratu tru sistem integratu şi repartizati trâ structurli teritoriali ti verificarea-a lucârloru sesizati.

GCS dimândâ s’hibâ acâțati tu isapi maș hâbărli ți suntu cadealihea tu simfunie cu izvurli ufițiali şi s’caftâ ti urminii şi alti hâbări la linia TELEVEARDI – 0800.800.358. Numirlu TELEVEARDI nu easti un numiru di ananghi, ama easti unâ cali telefonică ahârdzitâ orlea zorlea ti hâbârisearea-a cetăţeańiloru, valabilă ti apelurli naţionali, di luni până vinirea, tru vahtea di kiro 8,00 – 20,00.

Numirlu a româńilor di nafoara-a vâsiliillei confirmaţ cu năulu coronavirusu agiumsi la 6.828 şi ațelu a morțălor armâni la 126, dimândă, viniri, Gruplu di Comunicari Strateghică (GCS).

Ditu arada-a cetăţeańiloru ți suntu tu alti stati, 6.828 eara confirmaţ câ suntu infectaţ cu năulu coronavirus: 1.917 tru Italia, 1.253 tru Spania, 124 tru Franţa, 3.013 tru Germania, 159 tru Marea Britanie, 36 tru Ungaria, 28 tru Olanda, 2 tru Namibia, 4 tru SUA, 122 tru Austria, 22 tru Belgia, 6 tru Japonia, 2 tru Indonedzia, 8 tru Elveţia, 3 tru Turchia, 2 tru Islanda, 2 tru Belarus, 93 tru Gârție, 9 tru Cipru, 2 tru India, 2 tru Ucraina, 7 tru Emiratili Arabi Uniti şi câti unu tru Argentina, Tunisia, Irlanda, Luxemburg, Malta, Brazilia, Vârgâria, Kazakhstan, Suedia, Ripublica Congo, Qatar şi Vatican.

Uidisitu cu dimândarea-a GCS, ditu ahurhita-a epidemiillei di COVID-19 şi până tu aestâ oarâ, 126 di cetăţeańi româńi ti suntu tu xeani, 31 tru Italia, 19 tru Franţa, 43 tru Marea Britanie, 11 tru Spania, 14 tru Ghirmânie, 2 tru Belgia, unu tru Suedia, unu tru Elveţia, unu tru SUA, unu tru Brazilia, unu tru Ripublica Congo şi unu tru Gârție, murirâ.

Ditu arad-a cetăţeańiloru româńi confirmaţ cu năulu coronavirus, 797 furâ declaraţ vindicaţ: 677 tru Ghirmânie, 90 tru Gârție, 18 tru Franţa, 6 tru Japonia, 2 tru Indonezia, 2 tru Namibia, unu tru Luxemburg şi unu tru Tunisia.

Până tu dzuua di 15 di sumedru, eara raportati 4.417.239 di cazuri tru UE / SEE, Regatlu Unit, Monaco, San Marino, Elveţia, Andorra. Nai cama multi cazuri eara nreghistrati tru Spania, Franţa, Regatlu Unit, Italia şi Ghirmânia.