Chivernisea ali Românie bitisi tuti proțedurli preliminari ninti ta s-voteadzâ, sâmbătâ, proiectul a nomlui a bugetlui di stat ti 2025.
Trei suspecțâ ti arâchearea a niscântoru lucri veclli ditu yiștearea dațicâ româneascâ di la Muzeulu Drents ditu Assen furâ loaț di poliția olandezâ tu câsâbălu Heerhugowaard, tu naia Olanda di Ncheari
Tu sesiunea di marțâ, chivernisea di București fu di câbuli cu calindarlu a alidzerilor prezidențiali ți yinu. Uidisitu cu documentul, protlu turu di scrutinu easti apufâsitu ti 4 di mai, iara doilu ti 18 di mai.
Apofasea ti anulari a rezultatilor a alidzeriloru lipseaști s-hibâ loatâ di nai ma marli organ electoralu, iara putearea ți u ari Curtea Constituționalâ (CCR) ta s-adarâ ahtari lucru, lipseaști s-hibâ bâgatâ tu practico mași tu catastisi dip ahoryea, scoati tu migdani, Comisia di Veneția tu unu raportu mutrindalui anularea a alidzeriloru prezidențiali ditu Românie.
Prezidentul di ma ninti al PNL, Crin Antonescu, fu vulusit ti candidat ali coaliție ți easti tora la puteari PSD-PNL-UDMR ti alidzerli prezidențiali ditu yinitoru
Țeremonii militari și relighioasi, spectacoli și expoziții s-facu adzâ tu tuț mărlli câsâbadz ali Românie, ți yiurtusescu Fâțearea Unâ a Prințipatilor Români. Tu bâserițlli ortodoxi s-feațirâ dyeavasi, iara câmbăñilli bâturâ ti unu minutu. Aoa ș-166 di añi, tu 24 di yinaru 1859, Alexandru Ioan Cuza fu aleptu cumândaru a Valahillei, dupâ ți fu aleptu cumândaru ali Moldovâ tu 5 di yinaru.
Huzmikearlli a Senatlui ali Românie și reprezentanțãlli a lor sindicali cutugursescu planurli dimãndati ñiercuri di prezidentulu a Senatlui, Ilie Bolojan, ta s’ncllidã 180 di ipotisi di lucru ditu aproapea 800 și ta s’ñicureadzã parculu auto și cumata di naftã/ cota di combustibilu cu 20 tru sutã. Prezidentulu american Donald Trump spusi că nãi sancțiuni contra ali Rusie suntu „di cãbuli”/„posibile” ma s’hibã di Mosscova nu nkiseaşti pãzãrãpserli ta s’bitiseascã cu polimlu ditu Ucraina, dimãndã Aghenţia France Prece (AFP).
Ripublicanlu Donald Trump, 47-lu prezidentu a Statilor Uniti ali Americâ, s-turnă la Casa Albâ ti doilu mandat.
Liderllii a suţatãllei di guvernămintu di București s-adunară ñiercuri ti prota a loru andamasi di estanu. Aeșţă apufusiră că protlu tur a alidzerloru prezidențiali să s’ţănă tru 4 di mai și doilu tru 18 di mai. Coaliția lu aleapsi și aţelu di ma ninti lider PNL, Crin Antonescu, ti harea di candidat comun a lor ti antriţearea prezidențială. Elli apufusiră, tutunăoară, ca bugetlu ti 2025 s’hibă părăstisitu ninti di 27 di yinaru, aţea turlie tra s’poată s’aibă izinea a Parlamentului tru prota stămănă a meslui şcurtu.
Chivernisea ali coaliție PSD-PNL-UDMR deadi giuratlu la Pâlatea Cotroceni di cara apruche votlu di ânvestiri ti Parlamentul ali Românie.
Prezidenta ali Comisie Europeanâ, Ursula von der Leyen, pitricu un mesaj cu furnia a âncllidearillei a 35 di añi di la Ribilipsirea/Ximutarea Româneascâ.
PSD inși pi protlu locu la alidzerli parlamentari, a dapoaia yinu AUR, PNL şi USR.
Cama di 2.500 di militari româñi și xeñi loarâ parti, dumânicâ, la tradiționala urdinari di 1 di Andreu, andreaptâ București.
Curtea Constituțională a Româniilei dimăndă viniri că amână tră 2 di andreu debatlu ti ună căftari a unlui ditu candidațlli la prezidenţille ta s’anuleadză rezultatili a protlui turu a alidzerloru prezidențiali, Cama di 18 miliuñi di alegători români sunt aștiptaț ti scrutinlu di dumănică, ti Dzuua Națională, tră ş-aleagă Parlamentul național, ţi ari 300 di deputaț și 166 di senatori.
Prezidentulu ali Românie Klaus Iohannis și premierlu Marcel Ciolacu pitricură hiratimati adză al Donald Trump tră victoria a lui tru alidzerli prezidențiale ditu SUA. „România easti un aliat strateghic vărtosu și angajat al SUA. Prin gaereţli a noastre comune, va s’aduţemu irine și prucukietu văsiliili a noastre și nu maş, cu viglleari sinferurli a noastre comune”, angrăpsi prezidentulu ali Românie pi un şingiru di socializare.
