Hâbări ligate di Crimeea
Bogdan Matei, 20.03.2014, 18:24
BRUXELLES — UE lo apofase tra să anuleadzâ summitulu cu Rusia, pruvidzut tru cirişar, ca reacţie faţă di alichirea a Crimeil’ei di cătră Moscova – anunţă, azâ, preşedintile francez François Hollande, la reuniunea a Consiliului European di primuveară. Romania easte reprezentatâ di preşedintile Traian Băsescu, care, pi fondul a crizâl’ei din Ucraina, caftâ ca a Republicâl’ei Moldova viţinâ (ex-sovietica, majoritar romanofona) să-l’i hibâ oferită unâ perspectivă clară trâ integrarea tru UE, dispre care dzâse ca easte ţea ma buna soluţie trâ garantarea a securităţii.
(Bogdan Matei)
MOSCOVA — Liderulu a reghimului separatistu din reghiunea pro-rusa Transnistria (estul a Republicâl’ei Moldova, majoritar romanofona), Evgheni Şevciuk, si află la Moscova, trâ discuţii cu vicepremierulu rusescu, Dmitri Rogozin. Aestu declară că executivulu di la Moscova easte pregătit să l’ia în considerare un eventual agiutor economic trâ reghiunea separatistă, dupa ţi Şevciuk acuză instituirea di cătră naua puteare di la Kiev a unei aşi-dzâsâ blocadâ, de-a lungul a frontierâl’ei anamisa di Ucraina si Republica Moldova. Presa susţâne că Transnistria l’i-are câftatâ a Moscovâl’ei să pruveadă în leghislaţia l’ei posibilitatea a li admitere a li reghiune separatistâ în componenţa a Rusil’ei. Amintim ca Transnistria are iesitâ, de facto, di sum controlul a Chisinaului tru 1992, dupa un conflictu armat soldat cu sute di morţâ şi bitisit unâoarâ cu interventia a trupelor ruseşti di partea a separatistilor.
(Bogdan Matei)
Berlin – Ministrulu roman di Externe, Titus Corlăţean, sumcundil’e, la Berlin, importanţa a minoritatil’ei ghirmanâ din România şi a comunitatil’ei româneascâ di-tru Ghirmanie, dispre care dzâse ca formeaza ligături solide anamisa di aţele daule state. Corlatean salută prezenta tru leghislativulu di la Berlin a primului ghirman orighinar din România, în persoana a deputatului Bernd Fabritius, preşedinte a Federaţil’ei a Saşilor Transilvănean’i. Tru discutiile purtate cu ministrulu roman, aestua aprecie cadrulu legal generos pi care România lu-are creatâ trâ protecţia a identitatil’ei culturale şi lingvisticâ a minoritatil’ei ghirmanâ.
(Bogdan Matei)
