Habari dit bana romaneasca si internationala

Bucuresti — S-hibă ţi instituţie di învetămintu din România ea lipseaşte să respectă fără exceptie leazdea română, aesta nehiinda aplicată discriminatoriu pe criterii etniţe, relighioase sau de altă natură, sustâne Ministerulu di Externe di la Bucuresti (MAE), dupa ţe suspendarea activitatilei a unui liceu din Targu-Mures (chentrul a tarâleii) fu criticata de Ungaria veţina. Uidisit a MAE, iţe minduită di prezentare a situatilei de la Liceulu Romano-Catolic din Târgu-Mures drept ună nirespectare a drepturilor a persoanilor apartinânda a minoritătâlor nationale easte contrară a realitătlei, di aform’ia că există numeroase exemple de unităt de învetămintu care confirmă asiguripsirea de cătră Statulu român, la ţeale mai analtile standarde, a dreptului la educatie în limba maternă trâ minoritatea maghiară. Ambasadorulu a României in Ungaria, Marius-Gabriel Lazurca, fu convocat, aieri, de Ministerulu ungar di Externe. Secretarulu de stat în Ministerulu ungar di Externe, Levente Magyar, declarăă că Guvernul de la Budapesta decise sa suspendă pi termen nedeterminat susţânerea a candidaturâlei a li Românie în diferite organizaţii internaţionale, cum easte Organizaţia trâ Cooperare şi Dezvoltare Economică (OCDE). Activitatea liceului fu suspendata di aform’ia că, di punctu de videare juridic, aestua nu mata există, pri-tru ună decizie judecătorească definitivă.

Florentin Căpitănescu, 06.09.2017, 22:11

(Florentin)

Bucuresti – Raportul a Comisilei di anchetă a Parlamentului a Romaniilei mutrinda aleadzerile prezidentiale di-tru 2009, adoptat aieri, sustâne că si constatară actiuni concrete ale Presedintil’e si Guvernului de atumţea trâ fraudarea scrutinului, în favoarea a candidatului Traian Băsescu, care, aşi, are amintată un nou mandat. Uidisit a raportului, aeste actiuni fură premeditate si perfectu sincronizate. Avanda in vedeare faptul că diferenta dintră aţel’i doil’i candidat fu maşi di 70 de m’il’e di voturi, adica aproximativ 0,7% di voturile valabil exprimate, amploarea actiunilor fu de natură sa alâxească rezultatulu a alidzerilor, se spune in raportu. În documentu sunt precizate ca infractiuni posibile constituirea unui grup organizat în vedearea a comiteril’ei de infractiuni electorale, falsu intelectual, uz de fals si abuz în serviciu. Reprezentantâl’i a principalâlei formatiune de opozitie, PNL, si retrapsiră năinte di votulu asupra a raportului, acuzanda elipsea a unei dezbatire amplă asupra a luştui. Comisia va pitreacă raportul a institutiilor competente. Si Parchetulu Gheneral deşcl’ise un dosar mutrinda prezidentialile di-tru 2009, pe care, ama, lu clasăă. Ambile anchete furăt deşcl’ise după dezvăluirile a unui controversat jurnalistu, care sustânu că prezidentialele fură influenţate de analţâ funcţionari a statului, inclusiv de şefi a unor instituţii di forţă. Scrutinulu fu amintat di reprezentantulu a Dreaptâlei, Traian Băsescu, dinintea social-democratului Mircea Geoană.

(Florentin)

BUCURESTI — La Bucuresti, PNL şi USR depusiră, la Camera Deputaţâlor, ună moţiune simplă contra a ministrului ale justiţie. Semnataril’i a documentului afirmă că amendamentile depuse di Tudorel Toader la leadzile a li justiţiei reprezintă un atac la independenţa actului de justiţie şi ună minduită de anulare a progresilor înreghistrate tru aestu domeniu. Virulentu criticat di opozitie, societatea civila si presa, proiectul de modificare a leadzilor ale justitie stipuleadză, întră alte, că preşedintele a ţarâl’eii nu va mai numească şefil’i DNA şi DIICOT, pruveade treaţirea a li Inspecţie Judiciară la Ministerulu a Justiţil’ei si majorarea a li vecl’ime trâ promovarea maghistraţâlor. Moţiunea urmeadză să hibă dezbătută în plenulu a Camerâl’ei a Deputaţâlor marţea v’initoare, iar votulu easte pruvudzut ună dzuuă mai târdziu. Pi de alta parte, senatoril’i PNL si USR anuntară că, tot martea v’initoare, va depună ună motiune simpla contra ministrului ale Educatie, Liviu Pop. Semnataril’i sustân, intră alte, că anulu scolar 2017-2018 arhiuseaşte fără manualile de clasa a V-a si fără autorizatii de functionare trâ scol’iuri (di peste 31 de m’il’e di unităt de învetămint, maşi 6.500 au avize si autorizatii).

(Florentin)

BUCURESTI — Ambasadorulu a Maril’ei Britanie în România, Paul Brummel, are discutată ază, la solicitarea lui, cu ministrulu roman di resortu, Tudorel Toader, dispre modificările la leadzile ale justiţie. El declarăă după adunare că aceste alăxiri leghislative lipseaşte să aibă ca scupo faţirea mai sănătoasă a lumtâl’ei anti-corupţie şi a statului di dreptu. Paul Brummel sublinie că depinde di România să decidă conform a Constituţil’ei şi conform a procedurilor parlamentare ţe sistem di justiţie va, iar iţe modificare lipseaşte să implică discuţii cu toate părţâle interesate Martâ, ministrulu a justiţil’ei, Tudorel Toader, avu ună adunare pe tut aţeauăsi tema şi cu ambasadorulu a SUA, Hans Klemm, la final ofiţialul american declaranda că discuţia fu ună fructuoasă şi completă, în spiritulu ale cooperare în cadrulu a Parteneriatului Strateghic.

(Corina Cristea)