Habari dit bana romaneasca si internationala
(Roxana Vasile)
Roxana Vasile, 02.07.2017, 18:28
(Roxana Vasile)
XXX – Celula de criză interinstituţională di Bucuresti cari kiverniseasti situaţia a cetateanlui roman Iulian Gherguţ, arăkit tru Burkina Faso, lo di habari ti difuzarea, dumanică, a unui material video cu aestu — dimanda, dumanica, ministerul di Externe. Uidisitu cu ministerlu, lansarea a unui ahtari mesaj tru spaţiul public s-ngrapseasti tru tiparlu di arada a situaţiilor di aesta turlie, a deapoa autoritatli romane actioneadza permanentu ti ndridzearea ali catastisi. Arkit tru apriliu 2015, Ghergut cafta, tru anregistrarea video, agiutorlu a prezidentului ali Românie şi a guvernului di Uagadugu tra sa-l’i pazarapseasca eliberarea, direct ica indirect. Uidistu cu centrul american specializat ti monitorizarea pi internet a minărlor jihadiste, filmul fu postat di filiala a pareiil’ei terorista Al Qaeda dit Mali. Aestu ari apeluri idyealui fapti di alţa tinti ostatit xen’i, cum şi mesajlu a unui prezumptiv arakitor, uidisitu cu atea ti până tora nu avura pazarapseri propriu-dzasi di eliberare.
LONDRA — Nai cama ghini cotată agiucătoari română di tenis, Simona Halep, di fara armaneasca, loclu 2 WTA, va s-agioaca, luni, contra ali Marina Erakovic dit Noua Zeelandă, loclu 129 WTA, tru primlu tur a turneului di Wimbledon, nai ma vecl’iu şi cu anami dit ateali 4 di Mari Şlem. Anlu ti tricu, tru arada a aidyiului turneu britanic pi iarbă, Halep fu sfert-finalistă, iara tru 2014 – semifinalistă. Tut tru primlu tur la Wimbledon, românca Monica Niculescu (51 WTA) va s-agioaca cu Magdalena Rybarikova (Slovacia), aflată pi loclu 85 tru lume. Sorana Cîrstea (62 WTA) va s-alumta cu olandeza Kiki Bertens (24 WTA), iara Irina Begu (69 WTA) va i aiba adversară britanica Naomi Broady (108 WTA). Neise, Ana Bogdan (114 WTA), cari intra tra prota oară direct pi tabloulu printipal la un turneu di Mari Şlem, va u andamuseasca chinezoaica Ying-Ying Duan (64 WTA). La ficiori, românlu Marius Copil, loclu 85 ATP, va-lu aiba adversar, tru turlu unu, germanlu Peter Gojowczyk, 140 ATP.
(Roxana Vasile)
Armanipsearea: Tascu Lala
