Habari dit bana romaneasca si internationala (31.10.2016)

Bucureşti — Angajaţiâl’i di-tru sectorulu medical romanescu, afiliaţ a Federaţilei Sanitas, intrară, ază, în grevă ghenerală. El’i sunt nimultaniipsiţ di inechităţâle salariale di-tru sistem si spun că nu va să renunţă la grevă până când aţistea nu va hibă rezolvate. Uidisit a organizatilei sindicală, maşi ună treime di angajaţ asiguripseaşte continuitatea actului medical, iar cazurile urgente nu sunt afectate. Aestua easte ultima etapă a actiunilor di protest a Federatilei, care arhiusiră tru agh’izmăciune. Lideril’i SANITAS şi reprezentanţâl’i a Ministerului a li Sănătate au discutată, ază, ama negocierile si bitisiră fără un rezultat concret. Ministerulu a lucurlui transmise a Federatilei Sanitas ca greva declansata nu indeplineaste conditiile legale trâ declansarea conflictului di lucru.

Leyla Cheamil, 31.10.2016, 21:32

Bucureşti — Angajaţiâl’i di-tru sectorulu medical romanescu, afiliaţ a Federaţilei Sanitas, intrară, ază, în grevă ghenerală. El’i sunt nimultaniipsiţ di inechităţâle salariale di-tru sistem si spun că nu va să renunţă la grevă până când aţistea nu va hibă rezolvate. Uidisit a organizatilei sindicală, maşi ună treime di angajaţ asiguripseaşte continuitatea actului medical, iar cazurile urgente nu sunt afectate. Aestua easte ultima etapă a actiunilor di protest a Federatilei, care arhiusiră tru agh’izmăciune. Lideril’i SANITAS şi reprezentanţâl’i a Ministerului a li Sănătate au discutată, ază, ama negocierile si bitisiră fără un rezultat concret. Ministerulu a lucurlui transmise a Federatilei Sanitas ca greva declansata nu indeplineaste conditiile legale trâ declansarea conflictului di lucru.

(Leyla Cheamil)

CHISINAU – Preşedintile a Republicâleii Moldova (ex-sovietica, majoritar romanofona) va hibă aleptu tru al doilea tur di scrutin, pi 13 brumar, întră socialistul pro-rus Igor Dodon şi reprezentanta a partidilor pro-europene, Maia Sandu. Uidisit a rezultatilor ofiţiale, dupa numirarea a cvasitotalitatilei a voturilor exprimate, aieri, tru primulu tur, Dodon si-are clasată primulu intră aţel’i naua candidat, cu 48% di sufragii, iar Sandu a daua, cu 38 di procente. Rata di participare fu aţea ma scădzuta din istoria aleadzirilor prezidenţiale sau parlamentare din Republica Moldova. Observatoril’i a Organizaţilei trâ Securitate şi Cooperare în Europa au constatată că aleadzirile fură democratiţe, iar libertăţâle fundamentale a omului fură respectate.

(Leyla Cheamil)

Londra — Ministrulu roman a Apararilei, Mihnea Motoc are susţânută, ază, la Londra, la Conferinţa multinaţionala în domeniul a apărarilei contra a rachetilor balistiţe, ună alocuţiune tru care expuse ţeale mai importantile repere a cooperarilei dintră România şi SUA în domeniul apărarilei antirachetă, cu accentu pi operaţionalizarea a bazâlei di la Deveselu (sud). El sumcundil’e rolul importantu a Româniilei în procesulu di realizare a capabilitatilei di apărare contra a rachetilor balistiţe la nivel Aliat, pri-tru asumarea găzduirilei a elementilor a sistemului SUA dislocat în Europa. Mihnea Motoc are sumcundil’iate, diz nou, caracterulu defensiv a li capabilitate, aparniondalui di la obiectivulu urmărit, di protejare populaţia şi teritoriulu Aliat di fuvirsiri din afoara spaţiului euro-atlantic.

Ministrulu Motoc si-are adunată cu directorulu a Aghenţiilei trâ Apărare Antirachetă a SUA, viceamiralulu James D. Syring. Ministrulu a Apărarilei dzâse că proiectulu comun în domeniul apărarilei contra a rachetilor balistiţe duse la creaştirea a securitatilei a li Românie şi a spaţiului Euro-Atlantic şi la faţirea ma sânâtoasă a Parteneriatului Strateghic dintră România şi SUA.

(Leyla Cheamil)

Bucuresti — Pe 1 noiembriu si implinescu 88 di ani di candu Radio Romania are lansată primul a lui semnal in eter. Prima emisiune radio ofiţiala are debutată, pi 1 brumar 1928, pri-tru zborulu a profesorului Dragomir Hurmuzescu, fizician si promotor a li radiofonie romanescă. Ninca di la înhiinţare, radioulu public si-are afirmată ca promotor şi susţânător al culturâlei şi civilizaţilei românească, vector importantu în formarea spiritului civic şi a coeziunilei comunitară. In prezentu, Societatea Romana di Radiodifuziune easte ună structură faptă di treie canale nationale si ma multe reghionale, ama si un canal international, care difuzeadza emisiuni tru dzaţe limbe zeane, in română si tru dialectul aromân. Ază, la Radio România, fu DZua Porţâlor Dişcl’ise, candu ascultătoril’i avurăt ocazia sa intre in culisile a transmisiilor în direct şi l’i-au cunoscută pi realizatoril’i di emisiun’i şi radiojurnale.

(Leyla Cheamil)