Habari dit bana romaneasca si internationala (29.09.2016)
Bucuresti – Preşedintile a Romaniilei, Klaus Iohannis, declară, azâ, la Bucuresti, ca UE şi autoritatâle di la Londra lipseaşte să menţână una relaţie cât mai aprucheată după Brexit. Prezentu la reuniunea Biroului a Grupului a Partidului Popular European, sefulu a statului apreciet ca easte important ca procesul di negociare să hibă ghestionat pri-tru dialog, intr-ună manieră transparentă, ordonată si predictibilă. Tutunâoată, presedintile Iohannis dzâse ca Brexit-ul, migraţia si terorismul sunt mările provocari a li UE.
Florentin Căpitănescu, 29.09.2016, 22:06
(Florentin)
Budapesta – Un gardu di protecţie la graniţa româno-ungară va hibă construit maşi cara aţest lucru va hibă inevitabil, declară, ază, Janos Lazar, şefulu di cabinet a premierului ungar. Aestua spuse că autorităţâle române di vigl’iare a frontierâlei isi desfăşoara activitatea cu profesionalism. Cathe dzuuă, maşi îndoi refugiat asesc din Romania, mult ma putâni dicat di-tru Sârbie si Croatia, preciză ofiţialul maghiar.
(Florentin)
Bucureşti – Comisarulu european trâ politiţ reghionale, Corina Creţu, faţe, di ază, ună vizită în România, trâ discutare cu autorităţâle di la Bucuresti dispre priorităţâle a Comisilei Europeanâ şi absorbţia fondurilor comunitare. Comisarulu va viziteadză proiecte finanţate pri-tru fonduri europeane şi va participă la ună serie di conferinţe, adunări cu membri a Guvernului, Parlamentului şi reprezentanţâ a administraţilei locală. Pi parcursul a luştui an, comisarulu european atrapse di mai multe ori atenţia asupra a riscurilor ghenerate di slaba absorbţie a fondurilor europeane. Pâradzâl’i comunitari alocaţ trâ dezvoltarea infrastructurâlei riscă să arămână nihârgiuiţ, di aform’ia că tru actualul exerciţiu bugetar nu si are loată ninca niţiun proiectu, are explicată Corina Creţu. Trâ exerciţiul bugetar 2014-2020, Romania are alocata suma di 22 di miliarde di euro. (Aura Spiridon)
Bucuresti — In Romania, Parchetul General arhiusi urmărirea penală in rem trâ instigare la fals intelectual în cazulu a tezâlei di doctorat a şefâlei DNA, Laura Codruţa Kovesi. Ancheta fu arhiusită pi timel’ilu a autodenuntului a deputatului Sebastian Ghiţă, care sustâne că, împreună cu alţâ demnitari, are falsificat un raportu di expertiză ţi vrea să urma să u exonereadzâ pi Laura Codruţa Kövesi di acuzaţiile di plagiat. Uidisit a lu Ghiţă, cercetat tru ma multe dosare di procuroril’i DNA, fapta fu comisa tru 2012.
(Florentin)
Bucuresti – Primile şase avioane F16 agiumsiră, ază, în România. După cheremonia di aieri di la Baza Aeriană portugheza Monte Real, piloţ români instruit doi an’i li adusiră la Baza Aeriană di la Feteşti (sud-estu). Aparatile di azboir pi care va operedză aestia au tricută printr-un proces di modernizare şi va poată să interacţioneadză tru tut aţealişi condiţii cu toate alante avioane multirol pi care li au statile membre NATO. Escadrila di F16 va hibă completată tru dauă faze, treie avioane va mai hibă livrate până la bitisita anului şi ninca treie tru 2017. România decise aoa şi trei ani să acumpâră din Portugalia 12 aparate di tip F 16 di producţie americană, la mâna a daua, la un pret di 628 di milioane di euro.
(Daniela Budu)
