Habari dit bana romaneasca si internationala
Bucuresti – România treati cu hairi tru aestu chiro şi ari un sistem politic ma sănătos andicra di Polonia, Ungaria şi Bulgaria, iara rata a creaştiril’ei economica easti la un nivel analtu tu comparaţie cu alte state europene, spuni analistul şi scriitorul american Robert D. Kaplan tru un interviu acordat AGERPRES. El cundil’e că easti dukimasitu că român’il’i s-plângu ma largu că ari lucri cari nu s-duc cu hairi şi că nica ari corupţie ama ideea easti că el’i au tru amprotusa lucarli ma importante. Kaplan lugurseasti că România şi SUA suntu ma aprukeati tora andicra di poati s-aiba elpidha varnu iara aestă aprukeari easti yilipsita şi di atea că România easti una vasilie dit Europa Centrală şi di Estu cari nu ari un partid pro-arus, una facţiune pro-arusă.
Valentin Țigău, 07.02.2016, 19:40
New York – Consiliul di Securitate al ONU s-andamuseasti ti ananghi, aza, New York, după ti Coreea di Nord lansa, sarnoaptea, una rachetă cu aradză lungă di acţiune, tra plasarea a unui satelit pi orbită. Reuniunea fu caftată di Statele Unite şi Japonia, membri a Consiliului, şi Coreea di Sud, cari spun ca easti zborlu di fapt di un altu testu balistic a Phenianului. Secretarul general al ONU Ban Ki-moon cafta ali Coreii di Nordu s-curma acţiunile provocatoare. Comunitatea internationala condamna testul balistic a regimului comunistu di Phenian, cari ari loc la un mes di la tel dit soni testu nuclear a nord-coreenilor. Phenianul easti deja agudit di sancţiuni internaţionale greali dupu aminarli a lui balistice şi după trei testi nucleare, fapte tru sumedru 2006, mai 2009 şi scurtu 2013.
HAGA — Prezidentul ale Comisie tra afaceri europene ditu Camera a Deputaţilor ditu legislativlu roman, Ana Birchall, l’ia parti di aza, Haga, tu Olanda, la Conferinţa a Organelor parlamentare Specializate tru Afaceri Comunitare şi Europene ale Parlamentelor Uniunii Europene (COSAC). Protili teme cari va s-hiba zburati mutrescu priorităţle ali prezidentie olandeza a Consiliului Uniunil’ei Europene. Intra aesti s-aradapsescu migraţia, securitatea graniţelor UE, finanţele europene şi zona euro, consolidarea a pieţal’ei interne europene ica relaţia ditru Uniunea Europeană şi Marea Britanie. Olanda asigură Prezidentil’ea rotativă a Consiliului UE tru prilul semestru a anlui 2016.
Bucuresti — Simona Halep (3 WTA) u azvimsi Petra Kvitova cu 6-4, 3-6, 6-3, dumanică, la Cluj-Napoca, tru un meci contandalu tra primlu tur a Grupal’ei Mondiala a Fed Cup. Tru un altu meci dit arada ali competitiei, Monica Niculescu (37 WTA) kiru, tru trei seturi, dinintea ali Karolina Pliskova (13 WTA). Cehia ari patru titluri, tru tintil’I an’I dit soni, tru Fed Cup.
