Habari dit bana romaneasca si internationala (22.09.2016)
WASHINGTON – România îşi faţe ma mări eforturile tra să răspundă a provocărilor globale – pricum urfâneaţa, alâxirile climatiţe, terorismul, conflictile – în spiritul a solidaritatilei internaţională şi a responsabilitatilei comună – are susţânută premierulu roman, Dacian Cioloş, în discursul spus tru Adunarea Ghenerala a ONU, la New York. El preciză că, în prezentu, România asiguripseaşte preşedinţil’ia Comisilei pregătitoare a Tratatului trâ Interziţirea Totală a Experienţilor Nucleare, iar forţe militare şi di poliţie române partiicipă la operaţiuni di menţânire a pacil’ei. România va sa alocă, în continuare, resurse politiţe, diplomatiţe, financiare şi umane importante trâ menţânirea a stabilitatilei reghională şi globală, preciză şefulu a guvernului roman. DZuua di ază, premierulu u consacră a discutiilor cu secretarulu gheneral a li Agenţie trâ Alimentaţie şi Agricultură a ONU şi cu oamenil’i di afaceri americani ţi investescu în România. El si-are adunată şi cu membri a comunitatilei românescă din metropola americană. Aualtaridzuă, premierulu Dacian Cioloş are discutată cu omologu-său canadian, Justin Trudeau, in principal di liberalizarea vizilor trâ români şi are participată la summitulu dedicat a crizâlei a migranţâlor.
Corina Cristea, 22.09.2016, 22:22
(Corina Cristea)
BUCURESTI — Hil’ia ţea marea a fostului presedinte a li Romanie, Traian Basescu, Ioana Basescu fu plasata sum control judiciar, ea hiinda cercetata tâ instigare la abuz in serviciu si spilare di pâradz. Tutunâoară, fostul ministru roman a dezvoltrilei tru guvernul Emil Boc, deputatulu Elena Udrea fu plasată sum control judiciar într-un nou dosar, mutrinda finanţarea campanilei electorală trâ aladzirile prezidenţiale di-tru 2009, amintate di Traian Basescu. Elena Udrea şi Ioana Băsescu suntu mutrite cu şubeie s-nu furâ implicate în dosarulu a fostului secretar di stat tru Ministerulu a Dezvoltarilei, Gheorghe Nastasia, uidisit a unor surse judiciare. Avocatulu a li Nastasia confiirmă că fostul secretar di stat easte urmărit penal di DNA trâ loare mită, ruşfete.
(Corina Cristea)
Bucuresti – Preşedintile a Oficiului European di Alumtă Antifraudă (OLAF), Giovanni Kessler, salutăă, la Bucureşti, eforturile a autorităţâlor române tru alumta antifraudă. El ninca dzâse că Departamentul trâ Alupta Antifraudă easte partenerulu principal a european’ilor şi modelulu di succes a strateghiilei antifraudă din România, cu scupolu să facă ună societate ma bună, fără corupţie. Kessler si-are adunată, la Vama Albiţa (estul a Romaniilei), cu reprezentantâ a autorităţâlor di ghiumbruche din România, Ucraina şi Republica Moldova (ex-sovietica, majoritar romanofona). Principala tema fu cooperarea transfrontalieră, cu scupolu sa previna (ncheadica) si sa combata traficulu ilicit la frontierile externe a li UE.
(Florentin)
