Habari dit bana romaneasca si internationala (21.09.2016)

Bucuresti – Presedintile roman Klaus Iohannis lu apruche, ază, la Bucuresti, pi sefulu a Comandamentului aliat trâ transformare, gheneralul francez Denis Mercier. In cadrul a ntrividearilei, aţeli doili analt ofiţiali salutară deciziile adoptate la summitulu NATO di la Varşovia di-tru alonar, în special aţeale destinate a consolidarilei a posturâlei di descurajare şi apărare a Aliantâlei Nord-Atlantică, pricum si mesajulu puternic di unitate, solidaritate si angajamentu a aliatâlor, transmis cu aestă ocazie. Pi di altă parte, sefulu a statului roman punctă necesitatea ca NATO să continuă eforturile trâ asiguripsirea a securitatilei si stabilitatilei la Marea Neagră. Tru arada lui, gheneralul francez are sumcundil’iată importanta specială a componentâlei practică a cooperarilei la nivel aliat, în forma a instruirilei în comun si a desfăsurarilei di exercitii multinationale, trâ creastirea a interoperabilitatilei la nivelul a fortilor si, implicit, a capacitatilei di reactie a NATO într-un mediu di securitate marcat di provocări.

Florentin Căpitănescu, 21.09.2016, 22:22

Bucuresti – Presedintile roman Klaus Iohannis lu apruche, ază, la Bucuresti, pi sefulu a Comandamentului aliat trâ transformare, gheneralul francez Denis Mercier. In cadrul a ntrividearilei, aţeli doili analt ofiţiali salutară deciziile adoptate la summitulu NATO di la Varşovia di-tru alonar, în special aţeale destinate a consolidarilei a posturâlei di descurajare şi apărare a Aliantâlei Nord-Atlantică, pricum si mesajulu puternic di unitate, solidaritate si angajamentu a aliatâlor, transmis cu aestă ocazie. Pi di altă parte, sefulu a statului roman punctă necesitatea ca NATO să continuă eforturile trâ asiguripsirea a securitatilei si stabilitatilei la Marea Neagră. Tru arada lui, gheneralul francez are sumcundil’iată importanta specială a componentâlei practică a cooperarilei la nivel aliat, în forma a instruirilei în comun si a desfăsurarilei di exercitii multinationale, trâ creastirea a interoperabilitatilei la nivelul a fortilor si, implicit, a capacitatilei di reactie a NATO într-un mediu di securitate marcat di provocări.

(Mihai)

Bruxelles — Comisia di afaceri europeane deade, aieri, un aviz negativ asupra a li propunire a CE di sancţionare a statilor a Uniunilei Europeană cu 250.000 di euro trâ catheun migrantu pi care refuză să-l aproache in baza a cotilor stabilite la Bruxelles. Preşedintile a Comisilei di afaceri europeane din Camera Deputaţâlor, Ana Birchall, reafirmăă că propunirea easte inacceptabilă, nu soluţioneadză problema di fond şi tinde să inducă ună criză profundă în spaţiul comunitar. Ea aduse aminte că România easte al doilea contributor în acţiunile Frontex, aghentie care este în prima linie a combaterilei a li migraţie, şi easte multu activă la acţiunile Interpol, Europol si BESA (Biroul European de Sprijin pentru Azil). (Aura Spiridon)

New York – Premierulu roman, Dacian Cioloş, are ază, la New York, întrivideri bilaterale cu preşedintile a Elveţiei, Schneider-Ammann, a li Palestină, Mahmoud Abbas şi cu reprezentanţâl’i a comunitatilei românească di New York. Dacian Cioloş si aaflă di aieri în SUA tra să participă la sesiunea a Adunarilei Gheneralăe a Organizaţilei a Naţiunilor Unite. Aieri, premierulu Dacian Cioloş are discutată, cu omologulu a lui canadian, Justin Trudeau, tema chentrală hiinda liberalizarea a vizilor trâ români şi are avută ună serie di intrivideri bilaterale. Aseara, în cadrul a summitului organizat di preşedintile american Barack Obama si dedicat a crizâlei a migranţâlor, şefulu a guvernului roman declarăă că România recunoaşte pi dimplin responsabilitatea comună di ghestionare afluxul mare di refugiaţ şi aduse aminte că România deade agiutor uminitar a statilor afectate.

(Aura Spiridon)

New York – Ministrulu roman di Externe, Lazăr Comănescu, participăă, aieri, la New York, la Reuniunea Ministerială a statilor francofone, organizată în marja a Adunarilei Ghenerale a ONU. In interventia lui, sefulu a diplomatiilei romană aprecie ca francofonia lipseaşte să-şi consolideadză poziţia în cadrul a guvernanţâlei mondială, pri-tru faţirea ma sânâtoasă a parteneriatilor cu alte organizaţii internaţionale, pricum ONU. Comanescu insistăă si asupra a rolului care îl’i v’ine a Organizaţilei Internaţională a Francofoniilei (OIF) tru bâgarea în practichie a Aghendâlei 2030 di dezvoltare durabilă. Tutunâoară, el anunţăă că România are dor să organizeadză, la Bucuresti, tru 2018, Forumulu economic reghional francofon. Pi aghenda reuniunilei si-au aflată teme pricum fluxurile migratorii si ghestionarea a lâxirilor climatiţe.

(Florentin)

Bucuresti – În cadrul a campanil’ei di subscripţie publică trâ achiziţionarea a operâlei “Cuminţenia (Frunimeaţa) Pământului”, realizata di sculptorulu roman Constantin Brâncuşi, si-au adunată, până tora, putân piste 900 di m’il’e di euro. Ministrul a Culturâlei, Corina Şuteu, preciză că 200 di m’il’e di persoane ffeaţiră donaţii şi că si caftă soluţii trâ prilundzirea termenului până la care sunt dişcl’ise conturile – 30 agheazmăciune. Proprietaril’i a operâl’ei, aflată într-ună colecţie privată, acceptară, ninte cu sase meşi, oferta di 11 milioane di euro propusă di comisia di negociare mandatată di Guvern. Di aţeale 11 milioane, Executivulu are anunţată că va sa plătească ţinţe, iar, trâ restul, fu lansata subscripţia publică. Realizată tru 1907, ”Cuminţenia Pământului” (Fronima Locului), aarada di opire pricum ”Sărutul” (Bâşearea) şi ”Rugăciunea” (Paracalisirea), marcheadză ţea mai apreciata perioadă di creaţie a marilui artistu.

(Florentin)