Habari dit bana romaneasca si internationala (17.10.2016)
Bucuresti — In Romania, sefulu a Consiliului Superior a Magistraturâlei (CSM), Mircea Aron, anuntăă, ază, ca are sesizată Inspectia Judiciară în cazulu a apelului cătră parlamentari faptu di presedintile a Senatului, Călin Popescu-Tăriceanu, dia refuzare, până la bitisita a legislaturâlei, să si mai pronuntă asupra câftărilor DNA. Uidisit a presedintelui CSM, Tariceanu aduse atindzire a independentâlei a li justitie. “Ma că dosarile au astiptată ahtânta an’i, înseamnă că nu easte niţiună urgentă”, aprecie Tăriceanu, a cure apel fu publicat pi pagina ofiţiala a Senatului a li Romanie. Tutunâoarâ, el sustâne ca DNA “nu mata slujeaste Justitia, di aform’ia ca agiumse, di multe ori, un instrumentu ufilisit trâ anihilarea adversarilor politiţ”. Tăriceanu fu pitricut in giudicata di procuroril’i DNA, trâ comiterea infracţiunilor di mărturie mincinoasă şi favorizarea a făptuitorului. Acuzatiile fură formulate dupa declaratiile pi care el li deade intr-un dosar in care sunt anchetate retrocedari ilegale di terenuri. Fost premier intră 2004 si 2008, Tariceanu easte co-presedinte a unei formatiune di chentru-dreapta recentu inhiintate, Partidulu Alianta Liberalilor si Democratâlor (ALDE).
Florentin Căpitănescu, 17.10.2016, 18:28
(Florentin)
BUCURESTI – Arhiepiscopulu ortodoxu a li Constanţâ (sud-estul a li Romanie), Teodosie, fu bâgat sub control judiciar trâ 60 di dzâle di procuroril’i anticorupţie, care îl cercetează trâ loare di mită, ruşfete, şi obţânirea pi nindreptu di fonduri europene. Mesulu ţi tricu, arhiepiscopulu fu bâgat sum urmărire penală, arada di alţâ prelaţ ortodocşi cu funcţii di conduţire, într-un altu dosar di corupţie. Teodosie agiundze, aşi, primulu ierarh a li Bisericâ Ortodoxâ, confesiune majoritara in Romania, care intră trâ a doua oară în atenţia procurorilor DNA. (Bogdan Matei)
WASHINTON — Sefulu a Statului Major General a li Armatăi Română, gheneralul Nicolae Ciucă, partiicipă, la Washington, la Conferinţa trâ combatirea terorismului, în formatulu a şefilor apărarilei, la invitaţia preşedintelui a Comitetului Întrunit a Şefilor di State Majore a Forţilor Armate a Statilor Unite, gheneralul Joseph F. Dunford Jr. Pe aghenda reuniunilei si aaflă subiecte referitoare la stadiul şi perspectivile a campanil’ei contra a fuvirsirilor teroriste a li DAESH, participarea Armatâlei a li Românie la misiuni şi operaţii internaţionale di combatere a terorismului, pricum şi evoluţia şi perspectivile di modernizare a Forţilor Armate a li Românie. (Bogdan Matei)
XXX — Ţea ma ghine cotata giucatoare romana di tenis, Simona Halep, si mentâne pi loculu 4 in ierarhia WTA, data tru şteare ază. Halep easte, deja, calificata la Turneulu a Campioanilor, rezervat a primelor optu clasate di-tru ierarhia mondiala si care va aibă loc la Singapore, in perioada 23-30 sâmedru. Lidera WTA si mentâne Angelique Kerber, di-tru Ghirmanie, urmata di americanca Serena Williams si di poloneza Agnieskza Radwanska. Alte patru giucatoare din Romania figureadza in Top 100: Irina Camelia Begu easte in continuare pi 28, Monica Niculescu dipuse un loc, pi 51, iar Sorana Carstea alină ună pozitie si easte pi 83. (Bogdan Matei)
