Hâbări dit bana românească si internatională

BUCURESTI — Bucuresti va s-tana, luni şi marţa, treilu Summit a Iniţiatival’ei a atiloru Trei Amări, una platformă politică informală, la nivel prezidenţial, cari aduna ateali 12 di state membre ale UE aflate anamisa di Baltica, Adriatica şi Amarea Lae – Austria, Vargaria, Croaţia, Cehia, Estonia, Ungaria, Lituania, Letonia, Polonia, România, Slovacia şi Slovenia. Uidisitu cu administratia prezidentiala, initiativa ari ca prot scupo dezvoltaria economică a aistor state prit creaştirea ali interconectivitati, maxus pi axa Nord-Sud, tru trei domenii printipali – transport, energie, digital. Tru arada a summitului, va s-tana prima ediţie a Forumlui di Afaceri a Iniţiatival’ei. Prezidentul Klaus Iohannis va s-discl’ida, luni, aestu forum, a deapoa va s-l’ia parti la una sesiune plenară deadun cu omologil’i dit Croaţia, Kolinda Grabar-Kitarovic, dit Polonia, Andrzej Duda, dit Austria, Alexander van der Bellen, nica ş-cu comisarlu european tra Dezvoltari Regională, Corina Creţu. Prezidentul ali Comisie Europeana, Jean-Claude Juncker, va s-l’ia parti, tru premiera, la Summitlu a Iniţiatival’ei a atilor Trei Amări. Protili dauă summituri ale Iniţiativa s-tanura Dubrovnik, tru 2016, şi Varşovia, tru 2017.

România Internațional, 16.09.2018, 16:14

BUCURESTI — Bucuresti va s-tana, luni şi marţa, treilu Summit a Iniţiatival’ei a atiloru Trei Amări, una platformă politică informală, la nivel prezidenţial, cari aduna ateali 12 di state membre ale UE aflate anamisa di Baltica, Adriatica şi Amarea Lae – Austria, Vargaria, Croaţia, Cehia, Estonia, Ungaria, Lituania, Letonia, Polonia, România, Slovacia şi Slovenia. Uidisitu cu administratia prezidentiala, initiativa ari ca prot scupo dezvoltaria economică a aistor state prit creaştirea ali interconectivitati, maxus pi axa Nord-Sud, tru trei domenii printipali – transport, energie, digital. Tru arada a summitului, va s-tana prima ediţie a Forumlui di Afaceri a Iniţiatival’ei. Prezidentul Klaus Iohannis va s-discl’ida, luni, aestu forum, a deapoa va s-l’ia parti la una sesiune plenară deadun cu omologil’i dit Croaţia, Kolinda Grabar-Kitarovic, dit Polonia, Andrzej Duda, dit Austria, Alexander van der Bellen, nica ş-cu comisarlu european tra Dezvoltari Regională, Corina Creţu. Prezidentul ali Comisie Europeana, Jean-Claude Juncker, va s-l’ia parti, tru premiera, la Summitlu a Iniţiatival’ei a atilor Trei Amări. Protili dauă summituri ale Iniţiativa s-tanura Dubrovnik, tru 2016, şi Varşovia, tru 2017.

BUCURESTI — Una fucurina di pesta porcina africana fu confirmata, aza, tru premiera, tru judetlu Dambovita din sudlu al Românie. 13 judete suntu, tora, pi harta ali epidemie, majoritatea tru sud-estu si sud, ama zn’iipsiti suntu si 3 giudeti dit nord-vest. Numitlu a fucuriniloru agiumsi la 900, a deapoa viruslu fu aflatu tru cama di 200 di localitat. Fura tal’eat suti di n’il’i di pravdza. Guvernul di Bucuresti cafta ali Comisiei Europeana agiutor financiar tra fermierl’ii zn’iipsit di pesta porcina africana.

BUCURESTI — Echipili masculine di tenis ali României şi Poloniei suntu la egalitate, 2-2, tru turlu trei a Grupal’ei a II-a a zonal’ei Europa-Africa a Cupal’ei Davis, după ti polonezul Hubert Hurkacz lu azvimsi Marius Copil, aza, Cluj-Napoca (nord-vestul ali Romanie). Tut aza, s-dizvarteasti partida cari apufuseasti echipa amintatoari si cari s-tani anamisa di romanlu Adrian Ungur şi polonezlu Kamil Majchrzak. La dublu, Florin Mergea si Horia Tecău amintara, aza, dinintea a precl’il’ei poloneza Lukasz Kubot/Marcin Matkowski. Dupa meciurli di sambata, scorlu eara 1-1. Marius Copil lu azvimsi Kamil Majchrzak, iara Adrian Ungur chiru dinintea al Hubert Hurkacz. Echipa amintâtoari va s-promoveadzaa tru Grupa I, Zona Europa/Africa, a Cupal’ei Davis, dit cari România retrograda tu insita a anlui ti tricu.

Autor: udalu a habarloru

Armanipsearea: Tascu Lala