Habari dit bana romaneasca si internationala
XXX — Prezidentul Klaus Iohannis spusi, sâmbătă, tru un mesaj pi Twitter, că România condamnă ma largu ufiisirea a armatlor chimiti tru Siria şi easti solidara andicra di acţiunile a partenerlor a l’ei strateghit. Si Ministerlu roman di Externi condamnă susto ufilisirea a armatlor chimiti tru iti circumstanţi, tru itido kiro, deapoa fatearea a nascantor ahtari acti nu au niti un thimel’iu, şi cundil’eaza tra s-da giueapi, dupu ancheta, a persoanilor stipsiti ti fatearea a unlui ahtari actu. Declaratiile s-fac dupu ti Statili Unite, Marea Britanie şi Franţa lansara, asarnoaptea, nai ma vartoasa ataca contra a nascantor tinti siriene di anda nckisi polimlu tivil, ca apandisi la asi dzasa ufilisiri a armatlor chimiti di regimlu di Damascu contra a cetatean’ilor a lui. Prezidentul american, Donald Trump, dimanda că s-featira atacuri di precizie, cu rachete, contra a nascantor ţinti asociate cu amplasamenti di armati chimiti a guvernului sirian. Premierlu britanic, Theresa May, declara că atacurli fura limitate şi concepute s-nu da sila a mintireasilor dit reghiune, a deapoa prezidentul francez, Emmanuel Macron, lugursi că acţiunile siriene era una fuvirseari contra a securitatil’ei colectivi. Rusia, care ndrupasti regimlu al Bashar Al-Assad, cutugursi ataca fapta contra a unui stat suveran, ama cundil’e că facilităţli a l’eo militari dit Siria nu fura zn’iipsiti di bombardamente. Tru teren, tut sambata, forţi di securitate a regimlui sirian intrara tru casabalu Douma, atel dit soni fief a aribel’ilor tru Ghouta di Estu, ninga Damasc. Aoa si una stamana, casabalu fu tufichisitu cu una ataca chimica, tu cari fura cama di 40 di oamin’i vatamat. Regimlu sirian nega iti turlie di responsabilitati.
Tașcu Lala, 14.04.2018, 18:22
BUCURESTI – Comisia Europeană varnaoara nu feati interventie tra dizvartearea individuală a proceselor ti suntu pi rolu ali justitie dit Romania — cundil’e prezidentul a aistei, Jean Claude Juncker. El apandasi, ase, a cartil’ei ti u apruke, meslu ti tricu, di la premierlu roman, Viorica Dăncilă, prit cari aesta cafta limbidzari a executivlui comunitar tu ligatura cu una adresă dit 2012, pitricuta a ministrlui român ali Justiţie di atumtea, tru ligătură cu nascanti dosari. Juncker cundil’eadza că informaţiile caftati aoa si şasi an’i avura scupolu tra s-agiuta ndridzearea a misiunil’ei tehniti dit brumar 2012, fără ca Bruxellesul s-caftă informaţii ligati di substanţa a cazurlor. El aduti aminti că Mecanismul di Cooperare şi Verificare ti Justitia romaneasca cafta nica dit ahurhită cooperarea anamisa di Comisia Europeană şi autorităţli di Bucuresti.
BUCURESTI – Gruplu ArcelorMittal spuni că ari cabilea tra s-vindă Combinatlu siderurgic di Galaţi (sud-estul Romaniei). Deadun cu alti tinti unităţ di producţie, dit Italia, Macedonia, Cehia, Luxemburg şi Belgia, uzina di Galaţi easti pi una listă pi cari gruplu u niinta la Comisia Europeana. Până tru 23 di mai, specialiştil’i european’i va s-faca isapi desi vindearea a aistor şasi unităţ siderurghiti va s-poata ica nu s-u ndreaga producţia di cileki a gruplui ArcelorMittal, sinfirisitu s-ancupăra nai ma marli combinat siderurgic dit Europa, di Ilva, Italia. Executivlu comunitar lugurseasti că, prit ancupararea a combinatului italian, ArcelorMittal va s-aiba una poziţie dominantă pi pazarea continentală di cileki, catastisi ti poati s-hiba echilibrată masi cara va s-traga mana di la alti combinati ti li ari gruplu tru Europa. Arcelor Mittal eastiuna companie multinaţională, lugursita nai ma marli producător di cileki dit lumi, cu 310.000 di lucratori tru 60 di vasilii. Gailipsiti ca va s-yina un altu investitor, cari poati s-adra restructurări, sindicatili di pi platforma siderurgică di Galati, iu lucreadză aproapea 7000 di lucratori, caftara să zburasca ti aesta catastisi cu premierlu Viorica Dăncilă.
Autor: Udălu a Hâbărilor/ Camera Ştirilor
Armanipsearea: Tascu Lala
