Habari dit bana romaneasca si internationala
Roxana Vasile, 01.11.2017, 16:33
Bucureşti — Cama di 600 di persoane l’ia parti, di ază, kiro di dauă dzali, Bucureşti, la conferinţa a mul’erloru francofone Creaţie, inovaţie, antreprenoriat, creaştire economică şi dezvoltare: mul’erli spun murafeti!. Oficiali dit 48 di state francofone zburascu ti ndrepturile şi acceslu a mu’erloru la piaţa a luacrlui ili ti contribuţia a aistoru la inovaţie şi antreprenoriat. Preşedintele român, Klaus Iohannis, declara, tru discl’ideari, că rolu a mul’erloru tru economie easte yilipsitoru tra aestu kiro şi yinitor. El saluta, tutunaoara, pripunerea ca la conferinţa di Bucureşti să s-ndreaga un singiru a antreprenoriatlui feminin francofon. Concluziile a conferinţal’ei di Bucureşti va s-hiba bagati tru una Strategie a Francofoniil’ei tra egalitatea anamisa di mul’eri si bărbaţ.
Bucureşti – Dauă pampori militare româneşti andrupascu pareia naval NATO di alumtă contra a minelor marine şi l’ia parti, anamisa di 31 di sumedru şi 14 di brumaru, la operaţiunea di avigl’eari a traficlui maritim dit Lamarea Lae, disvartită tru simfunie cu angajamentele ti s-li lo România şi li ambartita andicra di Alianţa Nord-Atlantică. Fregata românească Regele Ferdinand va s-asigruripseasca comanda a aistei parei, dit care fati parti şi dragorlu maritim Lupu Dinescu, deadun cu pampori dit Vargaria şi Turchia. Forţele Navale Române aduc aminti că, după aspardzearea a catastisil’ei di securitate dit vitinata estică a României, ahurhindalui cu 2014, numirlu a exerciţiilor şi misiunilor disvartiti di NATO tu Amarea Lae criscu cabaia.
Autoru: Roxana Vasile
Armanipsearea: Tascu Lala
