Habari dit bana romaneasca si internationala (05.09.2016)
Berlin — Tru aţea de-a daua dzuă a vizitâlei a lui ofiţială tru Ghirmănie, premierulu Dacian Cioloş si-are adunată, în landul Bavaria, cu lideri politiţ şi reprezentanţâ a unor companii di top, di cipit di-tru aestă ţară. Premierulu român lâ zburâ a emburilor ghirmani dispre oportunităţâle pi care li oferă Romania a investitorilor, mai multu în ţi mutreaşte cercetarea şi dezvoltarea. Easte a 4-a adunare pi care premierulu român u avu cu mediul di afaceri ghirman. Prima adunare di aestu gen avu loc aieri, iar ază premierulu Dacian Cioloş are discutată cu echipa managerială a companiilei bavareză auto BMW, iar după aţea cu reprezentanţâli a Comitetului estic ghirman. Dacian Cioloş avu şi ună întrivideare cu preşedintele a parlamentului bavarez, Barbara Stamm, iar vizita si bitisi cu ună adunare la Cancelaria landului Bavaria cu premierulu bavarez Horst Seehofer. Premierulu Dacian Cioloş si aaflă trâ a daua oară anuluaestua tru Ghirmănie, după vizita ofiţială pi care u desfăşură tru musulu gh’inar la Berlin, iu si-are adunată cu cancelarulu ghirman Angela Merkel. Ghirmănia easte principalul partener economic a li Românie, iar landul Bavaria easte considerat motorulu di dezvoltare a economiilei ghirmană.
Valentin Țigău, 05.09.2016, 22:01
Valentin Tigau
Bucuresti – Preşedintile roman, Klaus Iohannis, are participată, ază, la Geneva, la cheremonia di anâlţare a drapelului naţional cu ocazia a aderarilei a li Românie la Organizaţia Europeană trâ Cercetare Nucleară – CERN. Uidisit a unui comunicat a li Administraţie Prezidenţială, Klaus Iohannis easte însoţât di ună delegaţie di cercetători români care colaborează cu CERN, pricum şi di doi olimpiţ naţionali la Fizică. Ofiţialul roman are discutată cu sefil’i a Organizaţilei Europeană trâ Cercetare Nucleară şi vizită principalile facilităţi a CERN. Aghenda a vizitâlei a preşedintelui a li Românie include si ună adunare cu cercetători români care lucreadză la CERN sau colaboreadză la proiectile a Organizaţilei. Pi 17 alonar 2016, România agiumse ţel de-al 22-lea stat membru cu ndrepturi dimpline a CERN, ţel mai marile chentru di cercetare la nivel mondial în domeniul a fizicâlei a particulilor elementare.
(Daniela Budu)
Beijing – SUA nu va elimină sanctiunile contra a Rusilei, cât chiro nu si îndeplinescu acordurile di la Minsk, are declarată presedintile american Barack Obama, în cadrul a unei conferintă di presă la summit-ulu a liderilor di-tru G20. Easte importantu ca daule părtâ să agiungă la ună adunare tru următoarile ndauă siptămâni, să stabilească ună succesiune conform a cure va să si îndeplinească aţel document — ninca spuse Obama. Azâ, ultima dzuuă a summit-ului G20 din China fu dedicată a adunărilor bilaterale la nivel analtu. La reuniune fu zburâtă şi ieşirea a Marilei Britanie di-tru UE. Premierulu britanic, Theresa May avu asiguripsiri din partea preşedintelui american, Barack Obama, că Washingtonulu va da prioritate a negocierilor cu UE trâ acordul di liber-alâximintu. Tru arada lui, preşedintile a Consiliului European, Donald Tusk, atrapse atenţia că Europa easte la limita a capacitatil’ei di aprucheare a refugiaţâlor.
Valentin Tigau
