Habari dit bana romaneasca si internationala (04.02.2017)
BUCURESTI — Bucuresti ahurhira disnau, aza tahina, protestile andicra di Ordonanţa di Urgenţă prit cari Guvernul PSD-ALDI mutreasti s-alaxeasca Codurli penale. Noaptea ti tricu, sute di mii di romani isira, diznau, pi geadei, tru Capitala, tru provincie si tru diaspora, tra si spuna opozitia andicra di prevedirile a ordonantal’ei, ti cari spun ca exonereadza di raspundirea penala personaje polititi di prim-plan si functionari dit administratia tentrala si locala. PSD dimanda ca intenţioneadză s-organizeadza, stămâna yinitoare, un miting di susţanire a guvernului Sorin Grindianu. Social-democraţl’i spun că nu va s-hiba zborlu ti una contramanifestaţie şi ca si susţinătorl’i a lor au ndreptul să s-facă avdzaţ. Ministrul a Lucarlui, Lia Olguţa Vasilescu, spusi că filialele PNL şi USR (in opozitie) dit tuta vasilia vor s-aducă Bucureşti cât ma mulţa membri di partid la manifestaţiile antiguvernamentale. Demisionar, gioi, di furn’ii di constiinta, dit Executivlu PSD-ALDI, fostul ministru tra IMM-uri şi Comerţu, Florin Jianu, pirmitusi, la canalu american di televiziune CNN, că legislaţia di alaxeari a codurlor fu adoptată fără informarea a membrilor dit guvernu. Aestă decizie, loată aprindu n’ercuri, nu easti un lucru corectu, spusi Jianu. Prezidentul Klaus Iohannis u sesiza Curtea Constitutionala, semnalândalui un conflict juridic, di turlie constitutionala, anamisa di Guvern, di una parte, si sistemul di justitie si Parlament, di alanta. CSM, Avocatul Poporului si Procurorul General contesta, tru arada a lor, pruviderli a ordonantal’ei. A ambasadilor cari şi spusira gailipsearea andicra di situatia di Bucuresti la si adavga şi reprezentanţa diplomatică ali Suedie. Mesajlu easti idyealui cu atel przentat di ambasadile a Statilor Unite, Belgie, Canada, Franţa, Germania, Olanda şi Marea Britanii, cari avertizeadza că acţiunile a Guvernului baga tru piricl’I parteneriatele cu România, bazate pi valori comune, spetifice ali Uniuni Europene şi NATO. Tru una declaratie tra Radio Romania, purtatorlu di zbor a Departamentului american di Stat, Mark Toner, spusi ca, prit abrogarea ali ordonanta, Executivlu poate sa u ndrupasca credibilitatea a vasilil’ei tru ocl’I a comunitatil’ei internaţionala si sa u tana s-ma largu atractivitatea tra investiţii şi creaştirea economica.
Bogdan Matei, 04.02.2017, 18:12
BUCURESTI — Comisiile andamusiti di buget-finanţe a Parlamentului di Bucuresti duti ma largu, discuţiile tra proiectului a bugetlui di stat tra 2017. Raportul lipseasti s-hiba adrat până dumanica seară, tra ata ca documentul s-intra luni tru dezbaterea a plenului. Tru numa a Cabinetlui PSD-ALDI, ministrul Finanţelor, Viorel Ştefan, deadi asigurări că proiectul tin’iseasti principalele direcţii apufusiti tru programlu di guvernare, ntra cari n’icsurarea a TVA di la 20% la 19%, ica eliminarea a impozitului pi venit tra pensiile ma n’it ica isa cu 2000 di lei (echivalentul a circa 400 di euro). Bugetlu easti adrat pi una creaştere economică di 5,2% şi pi un dificit di maxim 3% şi va s-da izini tra respectarea a angajamentilor asumate di România prit alocarea a 2% dit PIB tra Apărari. Opoziţia di dreapta lugurseasti, ama, că estimările di venituri cari sed la thimel’ilu a bugetlui sunt supraestimate.
BERLIN — A prezidentului ali Romanie, Klaus Iohannis, al’I si decerna Medalia Ayiu Yioryi, tru arada a unui eveniment organizat di Opeara Semper dit Dresda (estul Germaniei), tra angajamentul a lui politic continuu tru favoarea a proiectului european şi a valorlor a lui”. Uidisitu cu un comunicat emis, sâmbătă, di Administraţia Prezidentiala di Bucuresti, prezidentul preciza ca aproaki medalia tru numa la tuta România şi u dedica ti sutata româno-germana”. El isisi membru a comunitatil’ei germana dit Romania, Iohannis nica spusi că Europa lipseasti să spuna a lumil’ei una faţă politică ma apufusita şi ma angajată tru soluţionarea a problemilor cu cari s-ampuliseasti, tra apărarea a fundamentilor a proiectului european şi ali democraţie. Anamisa di personalităţle a curi la si deadi aestă distincţie s-aradapsescu Christian Wulff, fostu prezidentu ali Germanie, Günther Oettinger, fostu comisar european, José Manuel Barroso, fostu prezidentu ali Comisiei Europena ica Jean-Claudi Juncker, fostu premier a Luxemburgului şi actual prezidentu a executivlui comunitar.
Autor: Bogdan Matei
Armanipsearea: Tascu Lala
