Habari dit bana romaneasca si internationala (02.02.2017)
Bucuresti — Preşedintile roman, Klaus Iohannis, spuse, ază, ca are sesizată Curtea Constitutionala a Romaniilei in ligatura cu ordonanta di urgenta care modifică leghislaţia penală. Sefulu a statului sustâne că easte zborulu di un conflictu juridic di natură constitutională întră guvernu, sistemulu di justitie si parlamentu. In replica, Liviu Dragnea, liderulu PSD, aflat la guvernare, afirmăă că aţeasta ordonanta nu elibereadza corupţâl’i si nu dânâseaşte procesulu in care easte acuzat di falsu intelectual. El ninca spuse că iţe tentativă di subminare a activitatilei a Guvernului PSD — ALDE easte ună tentativă di destabilizare a ordinilei di dreptu din România, pri-tru tropuri mai mult sau mai putân legale. Pi di alta parte, Florin Jianu, ministrulu trâ Mediul di Afaceri, Comerţu şi Antreprenoriat demisionă din Guvernu, declaranda ca asi îl’i dicteadza conştiinţa. Tot ază, DNA câftă di la Ministerulu a Justiţilei documente în orighinal care au ligătură cu elaborarea şi emiterea a ordonanţâlei di urgenţă di modificare a Codurilor Penale. Informaţia apare într-un comunicat a Ministerului di Justiţie în care instituţia acuză DNA di imixtiune gravă în activitatea executivului.
Leyla Cheamil, 02.02.2017, 21:24
(Leyla Cheamil)
Bucuresti — Presedintile a Romaniilei, Klaus Iohannis, criticăă ministerulu di Interne trâ modul in care actionă aieri dicseară candu, in timpul a manifestatilei pasnică di amploare care avut loc in Bucuresti, grupuri izolate si-au dedată la violente. Manifestantâl’i protesta faţă di decizia guvernului Grindeanu trâ modificare Codurile Penale pri-tru ordonaţe di urgenţă. Presedintile sustâne ca Internile si Jandarmeria fură di ninte prevenite tru ţi mutreaşte riscul a unor ahtări incidente, pri-tru care si-are urmarită sa si compromita demonstratia. In replica, ministrulu di Interne, Carmen Dan, declarăă ca nu are loată informari dispre intentii di provocări la manifestatiile di m’iercuri dicseara. In Bucuresti si tru ma multe politii din tara continuară, aieri dicseara, protestile faţă di decizia guvernului trâ modificare Codurile Penale pri-tru ordonanţa di urgenţă. Sunt aţeale ma ample proteste di-tru ultimil’i 25 di an’i. Manifestantâl’i câftară retradzirea a ordonantâlei si demisia a guvernului. Şi românil’i din diaspora au ieşită în stradă, dzâlile trecute, tru ma multe capitale europeane tra să-şi expriimă solidaritatea cu aţel’i din ţară.
(Leyla Cheamil)
Bruxelles — Situatia creata in Romania di modificarile aduse di guvernu a leghislatil’ei penală si amplile proteste di strada care lâ urmară fu dezbatuta, ază, in Parlamentul european. Eurodeputatâl’i romani di-tru PPE au câftată retradzirea a ordonantâlei di alâxire a codurilor penale, in timp ţi reprezentantâl’i ALDE si PSD, la guvernare, spun că protestataril’i vor surparea a unui Guvern leghitim. Comisia Europeană câftă a Guvernului a li Românie să reevalueadză ordonanta. Tru arada lor, ambasadile a Franţâlei, Ghirmaniilei, Olandâlei, Belghil’ei, Canadâlei şi Statilor Unite di la Bucuresti si-au exprimat profunda gâilipsire referitoare la acţiun’ile Executivului. In opinia lor, aestea submineadza progresile a Româniilei tru ţi mutreaşte statulu di drept şi alumta contra a corupţilei di-tru ultimil’i dzaţe an’i.
