Fondurli europene – performanţa şi contraperformanţă
România agiumsi la giumitataea a perioadal’ei di accesari a fondurlor europene tru Exerciţiul financiar 2014-2020, a deapoa nivelu di absorţie easti zero, fu semnalu di timbihi faptu di comisarul european tra Politică Regională, Corina Creţu, tru vizita ti u feati Bucureşti. Tru consecinţă, autorităţli lipseasti s-l’iantraoara meatri tra deblocarea si absorbţia a paradzlor bagat la dispoziţie di UE. După moeabetea cu premierlu Sorin Grindianu, Corina Creţu declara că easti di mari simasie ca fondurli ali Uniuni Europene s-hiba hargiuti tru una turlie strategica şi tru simfunie cu priorităţli di investiţii ali Românie, apufusiti tru Acordul di Parteneriat. Exerciţiul financiar 2007 – 2014 s-ncl’idi cu una rată ali absorbţie di 90% s-cama, agiumsi cu isapea Corina Creţu, ama, dit ateali 19 miliardi di euro fura amintati masi 17 di miliardi, paradz cari fura investiţ tru economia românească şi cari s-ved tru cafi localitate, tru cafi judeţ.
Ştefan Stoica, 17.03.2017, 12:42
Tru aestu kiro, Comisia aşteaptă ca Bucureştiul s-aleaga autorităţli di gestiune şi control. Uidisitu cu ti spuni domna Creţu, easti ananghi ca fondurli structurale şi di investiţii s-acata idyea cali cu finanţarea a programlui naţional di dizvoltare locală. Premierlu Grindeanu sa spusi susto tra deblocarea a nascantor dumenii cari poati s-da izini tra amintarea a paradzlor europeni. Sorin Grindianu: “Tru aesta doi mesi s-loara apofasi atea turlie câ tru perioada yinitoari tuti autorităţli di managementu s-hibă acreditate până tru insita a anlui. Tutunaoara, tru chirolu ti yini va s-hiba simnati contracti di finanţari pi Programlu di Competitivitate pi axa di IT. A deapoa, tut aşi, tru perioada yinitoari va s-videt un numir multu mari di ghiduri di finanţare. Aesti lucri va s-hiba lansate tru meslu april”.
Di altă parte, România poati s-aminta fonduri europene tra modernizari cama di 280 di spitale şi unităţi sanitare, ti va s-dzaca va s-hiba tut cu tut 250 di miliun’I di euro, cundil’e comisarlu european tra Politică Regională. Tru printipal, easti zborlu ti reabilitarea şi extinderea a 42 di spitale judeţeani. Un dit obiective va s-hiba atel ca populaţia dit zonili rurale s-aibă acces direct la servicii di sănătate di calitate. Comisarlu Corina Creţu feati moeabeti şi cu ministurlu delegat tra Fonduri Europene, Rovana Plumb. România — cundil’e aestu dit soni – ari ca prot scupo tru aestu an amintarea di la Comisia Europeană 5,2 miliardi di euro dit fondurile aferenti tra Politica di Coeziune, Politica Agricola Comuna şi Politica di Pescuit.
Autor: Ştefan Stoica
Armanipsearea: Tascu Lala
