Aproapea ici tiva ti Ceauşescu
Ateali dauă condiţii imposibile suntu ca Nicolae Ceauşescu s-gindzea s-baneadza una sută di ani şi comunismul s-armanea tu lucru până tu dzalili a noastre. Aesti performanţe imposibile avea anaghi cama di 28 di ani ca ază s-nu putem sa zburamu libiru di comunism şi Ceauşescu. Ateali două noţiuni s-alathusescu şi kirura dauli tu andreu 1989, când comunismul s-asteasi ca ideologie conducătoare unică tu stat şi Ceauşescu, liderlu autocrat a regimului comunist, fu executat. Nicolae Ceauşescu, avinatu tu andreu 1989, fu conducătorul absolut şi absurdu ali Românie kiro di aproapea un cirecu di secol. S-aminta aoa si una sută di ani, la 26 di yinaru 1918, tu una familie modestă, di agricultori. Feati zanatea di cizmar, ama aleapsi subversiunea comunistă. Avu şi tihi di un moment favorabil, tu bitisita a doilui polim mondial, când armata sovietică feati dit comunism crunta mira ali României şi ali Europa di Est tra ma ghini di patru dicenii.
Marius Tiţa, 31.01.2018, 10:04
Cara imposibilu vrea sa s-faca di dauă ori, România vrea s-videa, tu aesta oara di iarnă, ateali nai cama groteşti spectacoli publiti.
Ateali dauă condiţii imposibile suntu ca Nicolae Ceauşescu s-gindzea s-baneadza una sută di ani şi comunismul s-armanea tu lucru până tu dzalili a noastre. Aesti performanţe imposibile avea anaghi cama di 28 di ani ca ază s-nu putem sa zburamu libiru di comunism şi Ceauşescu. Ateali două noţiuni s-alathusescu şi kirura dauli tu andreu 1989, când comunismul s-asteasi ca ideologie conducătoare unică tu stat şi Ceauşescu, liderlu autocrat a regimului comunist, fu executat. Nicolae Ceauşescu, avinatu tu andreu 1989, fu conducătorul absolut şi absurdu ali Românie kiro di aproapea un cirecu di secol. S-aminta aoa si una sută di ani, la 26 di yinaru 1918, tu una familie modestă, di agricultori. Feati zanatea di cizmar, ama aleapsi subversiunea comunistă. Avu şi tihi di un moment favorabil, tu bitisita a doilui polim mondial, când armata sovietică feati dit comunism crunta mira ali României şi ali Europa di Est tra ma ghini di patru dicenii.
Ceauşescu eara un cadru tinir şi di yinitor a comunismului tu ofensivă. Tu 1965, liderul comunist di atunci, Gheorghe Gheorghiu-Dij, muri. Easti cunuscut tra atea că apraftasi fudzearea a askeriloru sovietice dit România şi s-arati di di Moscova. Dit len turlii di furn’ii, vecl’ii lidiri comunişti lu aleapsira tu framtea a lor Nicolae Ceauşescu. La 48 di ani, Ceauşescu eara nai ma tinir şef di stat comunist şi alăsa impresia a unui reformator. Tu 1968, România nu l’ia parti la aputrusearea ali Cehoslovacie di cătra truili a statelor partenere dit Tratatlu di Varşovia, tra sa u pidipseasca tra naetli reformatoare. Ceauşescu organiza un multu giunescuu miting, Bucureşti, di u agudi sertu actiunea a Tratatlui di Varşovia, dit cari, dimes si fătea parte. Amintaticlu di imagine fu babageanu, ahurheasti vizitili tru ţărle occidentale, nica şi tu America, s-hibă aprukeatu di liderl’ii a lumil’ei libera. Tru ahuhrita a an’ilor 70 vizitează China şi Coreea di Nord şi easti amintatu di paranoicul cult al personalitatil’ei cari s-practica aclo.
Ti scurtu kiro, Ceauşescu va va s-tana la el acasă, tu România, lahtaroasili spectacole di adulare aproapea mistică. Dzuua lui di amintari, 26 ianuarie, reprezenta un apogeu zorlea ti straxeari a cultului personalitatil’ei, cu spectacole babageani, ti ascumbusea dzat di n’il’i di oamin’i alxiţ tu masi amorfe cari disimna cu trulu a lor taparli a cuplului prezidenţial, hlambura a partidlui comunist şi len turlii di lozinci bombastice. Cu kirolu, represiunea agiumsi tut ma sertă, iara cultul a personalităţii agiumsi diplo, intrândalui tu cadru şi Elena Ceauşescu, nicukira al Nicolae şi tovarăşa a partidlui. Tu anii 80, situaţia economică ali Românie cadi, inclusiv di furn’ia a nascantor proiecte faraonice, iara Ceauşescu ordona paltearea a borgil’ei externe ninti di vade. Tuti agiundzea la exportu, kiro tru cari populaţia numata tani keptu la condiţiili greale di bana. Arcoarea stăpueaşte ţara, la patru decenii di la bitisearea a polimlui s-baga diznau tu lucru cartelele di raţionalizare a alimentelor, iara politica pro-natalistă fati traghedii. Tu 1989, Europa easti azvarnuită dit un cap tu alantu di revoluţii ma multu ica ma puţan irin’eatiti cari li surpa regimurile comuniste. Dupu un kiro cadi si ma urâta preacl’e di dictatori, Elena şi Nicolae Ceauşescu, unaoară cu regimul comunist cu cari s-confundă. Nicolae Ceauşescu fu un dictator comunist criptostalinist. Aca nu eara dit barnul a liderilor cari adusira comunismul tu ţările a lor, cându Stalin domnea la Moscova, Ceauşescu dusi ma latrgu un ahtari regim pi cari altoi experienţe di propagandă dit China maoistă şi Coreea al Kim Is Sen. Mintatura agiumsi lahtaroasa tra populu român cari pălti un tribut di sândzu, tu 1989, tra s-ascăpa di Ceauşescu şi regimlu comunist.
Armanipsearea: Tascu Lala
