Festivalu Enescu 2013 – tu ahurhitâ
Festivalu Enescu 2013 – tu ahurhitâ
România Internațional, 30.08.2013, 11:33
Festivalu Enescu 2013 – tu ahurhitâ
Ari magii! U dzâc organizatorl’ii ali unâ dit nai ma mărli evenimenti culturali a anlui tu Românii – Festivalu Internaţional “George Enescu”, ţi agiunsi la XXI – a ediţii. Dealihea un regal di turlii muzicalâ multu aştiptat di tuţ meloman’ii, va s-hibâ di la 1 şi pânâ pi 28 di Yismârciun, Bucuresti şi tu ma mulţâ câsâbadz dit vâsâlii. Festivalu aduţi pi scenili româneşţâ niscânţâ dit nai ma cânâscuţl’ii artişţâ di tora. Aşi, mări numi dit muzicâ, cum suntu pianistul şi dirijorlu Daniel Barenboim, pianista-fenomen Yuja Wang, orchestri di top, cap di afiş tu iţi colţu dit lumi, ca Staatskapelle Berlin, Royal Concertgebouw Orchestra, Pittsburgh Symphony Orchestra va s-cântâ ti tuţ ţi s-hţrsescu di muzica clasicâ. Baia recitaluri, spectacoli di operâ şi balet, concerti, conferinţi, workshopuri di compoziţii, simpozionlu di muzicologii, concerti tu tutâ vâsâlia şi tu Pâzarea a Festivalului dit Bucureşti, tuti aesti manifestări va li avdzâţ şi la Radio România, care va s-pitreacâ-n direct cama di 10.000 di minuti di muzicâ, interviuri cu interpreţl’ii, interviuri adrati aclo, live, cu personalităţli dit sălili di concertu.
Ş-ma multu, tu dzâlili di 20, 21 şi 22 di Yismârciun, Radio România îndreadzi seri tematiţi ti publiclu a festivalului. Printrâ oapiţl’ii aluştui ghinicânâscut evenimentu easti şi pianista Alexandra Dariescu. La maşi 27 di an’i, este prota pianistâ dit Românii ţi cântă pi scena Royal Albert Hall anamisa di Orchestra a Filarmonicâl’ei Regalâ di Londra, la evenimentul iu furâ prezenţâ şi membri ai Casil’ei Regalâ ali Românii. Vidzutâ di di BBC Music Magazin ca “unâ steauâ tu amintari”, Alexandra Dariescu şi-ahurhi carierea la ghinicânâscuta Carnegie Hall dit New York. Tu vâsâlii va s-aibâ loc, Brasov, concertul ali unâ dintrâ nai ma avdzâtili ansabluri di muzicâ di camerâ britaniţi, The Schubert Ensemble, cântâtorl’i hiindalor fan’i ai compozitorlui George Enescu. Tu idyul chiro, festivalu aduţi Bucureşti ş-unlu dit nai ma cânâscuţl’ii pianişţâ di la nivel internaţional, cari luă dauâ premii Grammy şi ţi adră cariera ma ghini di 35 di an’i. Easti zborlu di americanlu Murray Perahia, cari va s-cântâ, pi 28 di Yismârciun, pi scena a Ateneului Român di Bucureşti. Tu atunţea, tu idyea searâ, Bucureşti eastii aştiptat un altu mari evenimentu – concertul al Royal Philarmonic Orchestra sum cumândisearea a maestrului român Cristian Mandeal, cari va s-yurtuseascâ bitiseara aţil’ei de-a XXI-a ediţii a Festivalului.
Evenimentul poartâ numa a unlui dit nai ma cânâscuţl’ii artişţâ român’i, George Enescu – violonistu, pianistu, compozitor, dirijor, pedagog, şi di a curi numâ s-azburâ cu veneraţii tu tutâ lumea.
