Urminii di la FMI

Fondul Monetar Internaţional recomaandă trâ economia Româniil’ei un ameastic echilibrat di politiţ monetare şi fiscale şi susţânirea a investiţiilor, cu scupolu ca ritmul di creaştere înreghistrat anulu trecut să hibă menţânut. Aflaţ la Bucureşti, reprezentanţâl’i a Fondului au subliniată, la întrividearea cu premierulu social-democrat Viorica Dăncilă, importanţa sa si facă mai bună colectarea bugetară şi menţânirea hărgilor publiţe tru limite sustenabile. Şefa Guvernului afirmăă că misurile economiţe şi fiscale adoptate di Executiv sunt viabile şi că anulu aestua estimeadză ună creaştere economică di 6,1%, bazată pi investiţii, în special di fonduri europeane. Chiro di aproapea doauă siptămân’i, misiunea FMI feaţe ună analiză a economiil’ei romanească, ună procedură anuală realizată trâ statile membre care nu au un acordu în derulare cu aestă instituţie. El’i avură adunări ahât cu autorităţâle, cât şi cu reprezentanţâ a partidelor politiţe, sindicatilor, asociaţiilor di afaceri, mediului academic şi a bănchilor.

Bogdan Matei, 19.03.2018, 22:11

Fondul Monetar Internaţional recomaandă trâ economia Româniil’ei un ameastic echilibrat di politiţ monetare şi fiscale şi susţânirea a investiţiilor, cu scupolu ca ritmul di creaştere înreghistrat anulu trecut să hibă menţânut. Aflaţ la Bucureşti, reprezentanţâl’i a Fondului au subliniată, la întrividearea cu premierulu social-democrat Viorica Dăncilă, importanţa sa si facă mai bună colectarea bugetară şi menţânirea hărgilor publiţe tru limite sustenabile. Şefa Guvernului afirmăă că misurile economiţe şi fiscale adoptate di Executiv sunt viabile şi că anulu aestua estimeadză ună creaştere economică di 6,1%, bazată pi investiţii, în special di fonduri europeane. Chiro di aproapea doauă siptămân’i, misiunea FMI feaţe ună analiză a economiil’ei romanească, ună procedură anuală realizată trâ statile membre care nu au un acordu în derulare cu aestă instituţie. El’i avură adunări ahât cu autorităţâle, cât şi cu reprezentanţâ a partidelor politiţe, sindicatilor, asociaţiilor di afaceri, mediului academic şi a bănchilor.

Primăveară capricioasă

Precipitaţiile abundente şi touchearea rapidă a neauăl’ei, provocată di îngâldzarea bruscă a chirolui, umflară debitulu a multor cursuri di apă din România. Uidisit a Ministerului di Interne, fură afectate/zim’isite di inundaţii dzăţ di localităţ di-tru numiroase zone, ţeale ma grealile situaţii si spusiră în centrul a ţarâl’ei. Ministrul di resortu, Carmen Dan, si duse/m’earse personal tru localităţile afectate, iu vru să-l’i convingă pi localniţ/oamin’il’i di aclo aflaţ în calea apilor umflate/a v’initurilor să-şi părăsească/alasă casile, gospodăriile până cându treaţe pericolul.

Reuniuni reghionale la Bucureşti

Şefulu a diplomaţiil’ei română, Teodor Meleşcanu, fu amfitrionulu a omologilor a lui bulgar, Ekaterina Zaharieva, şi grec, Nikos Kotzias, cu care, în cadrul a – di tora – consacratâl’ei trilaterală Bucureşti-Sofia-Atena, analizăă dosare cu relevanţă strateghică tru plan regional. Au figurată pi agendă Balcanil’i di Vestu, Viţinata Estică, reghiunea a Maril’ei Laie, Strateghia a li Dunăre şi perspectivile a procesului di pace di-tru Orientul di Mesi. Ţel’i treil’i miniştri apreciară că fondurile comunitare au la timel’iu principiul a solidaritatil’ei europeană şi că v’initorulu buget a li Uniune lipseaşte să hibă echilibrat şi să nu sacrifică subvenţiile trâ agricultură sau trâ coeziune. Tut la Bucureşti, miniştril’i a Apărăril’ei di-tru noauă state ex-comuniste, oficialităţ a NATO şi reprezentanţâ a Statilor Unite reafirmară că flancul di-tru apirită a Alianţâl’ei Nordu-Atlantică lipseaşte consolidat. Prezenţa aliată avansată easte materializată pi întregulu flancu estic a Alianţâl’ei, ahât tru nord-estu, tru arealul baltic, cât şi tru sud-estu, pi teritoriulu românescu şi la Amarea Laie — si felicităă gazda a reuniunil’ei, ministrul român di resortu, Mihai Fifor. Bucureştiul, în parteneriat cu Varşovia, repreziintă motorulu a aşa-numitâl’ei “Iniţiative B9”, tru care mai sunt membre Bulgaria, Cehia, Estonia, Letonia, Lituania, Slovacia şi Ungaria. Reprezentanţâl’i a lor vrură să-şi armonizeadză poziţiile năintea a summitului aliat di la Bruxelles, di-tru alonar.

Solidaritate cu Marea Britanie

Ministerulu di Externe di la Bucureşti transmise, într-un mesaj difuzat m’iercuri, că România easte solidară cu Marea Britanie şi condaamnă fermu utilizarea unui aghentu neurotoxic di tip militar pi teritoriul a unui stat aliat. Reacţia si faţe după ţi premierulu Theresa May aprecie că Moscova easte câbate di înfârmâcarea, tru sud-vestul a Angliei, a fostului aghent dublu rus Serghei Skripal, a li hil’e a luştui şi a unui poliţistu britanic. Numiroase boţ a comunitatil’ei internaţională calificară, pi nângă aestă, înfârmâcarea a lu Skripal drept ună călcare gravă a normilor şi a acordurilor internaţionale mutrinda armele chimiţe.

Dalgă unionistă tru Republica Moldova

Agiumse la circa 120 numirulu a comunilor şi câsâbadzâlor din Republica Moldova (ex-sovietică, majoritar românofonă) iu primaril’i şi consiliile locale adoptară declaraţii simboliţe di reunire cu România. Aeşti edili locali, pricum şi tuţ adepţâl’i a reunificaril’ei suntu aştiptaţ, mesulu aestua, la Chişinău, la marea adunare populară ţi va marccheadză împlinirea a 100 di an’i di la Unirea a Basarabil’ei cu România. Iniţiat di Alianţa trâ Centenar, formată di organizaţii civiţe di-tru Republica Moldova, România şi diaspora, mitingul are scupolu să reafirmă convindzirea a luştor că Unirea easte unica soluţie di restabilire a averului istoric, di aderare la UE şi di integrare tru NATO, di asiguripsire a bunăstaril’ei si libertatil’ei. Provincie cu populaţie majoritar românească tru componenţa a imperiului ţaristu, Basarabia si uni cu România la bitisita primului polim mondial, pi 27 marţu 1918. Uniunea Sovietică u anexăă diznou, pri-tru un ultimatum, tru 1940, iar pi ună parte a teritoriului a liştei fu creata actuala Republică Moldova.

Carte românească tru Ghirmănie

La doauă dechenii după ţi-l’i mai fu acordat aestu statut, România fu, siptămâna aeasta, diz nou, invitata di onoare a Panairului Internaţional di Carte di la Leipzig, di-tru estul a li Ghermănie, care adunăă piste 2.500 di expozanţâ di-tru 48 di ţări. La importantul evenimentu, dedicat a li promovare a lecturâl’ei şi unulu di aţeale mai vecl’i di aestu gen din lume, su adunară cu publiculu scriitori român’i deja consacraţ tru spaţiul ghermanofon, ca Nora Iuga, Mircea Cărtărescu, Norman Manea sau Filip Florian, ama şi autori tineri, ca Lavinia Branişte sau Bogdan-Alexandru Stănescu. Fură promovate cama di 40 di traduţeri di-tru literatura română, majoritatea îndrupâte di Chentrul Naţional a Cartile’i din cadrul a Institutului Cultural Român.

Autor: Bogdan Matei

Armânipsire: Hristu Steriu