Protili evenimenti a stamanal’ei ti tricu (14.01.2017)
Iarna greaua tru Romania
România Internațional, 14.01.2017, 19:11
Morţa, n’il’i dioamin’I armasira ca tru pundie, trafic rutier, feroviar şi aerian cuturburat, şcol’iuri si gradiniti ncl’isi, probleme tru alimentarea cu energie electrică, aeasti suntu ndaua di zn’iili a tufanil’ei si arcoaril’ei cari u agudira România tru aestă stămână.. Nai cama zn’iipsiti fura sudlu si estul a vasiliil’ei. Tru tentru, mercurlu a temometrelor dipsi până la minus 32 di gradi C, iara tru capitala la minus 21 di gradi. Bucuresti geadeili fura anvaliti di neauă, iara circulaţia a mijloacelor di transportu tru comun s-feati cu dificultate. Una situaţie gailipsitoare s-nregistreaza pi Dunare, iu debitlu scădzu dramatic. Autorităţli ncl’isira, temporar, pi nascanti sectoari circulaţia pi fluviu, di furn’ia a sloiurilor di gl’eţu cari suntu un piricl’iu tra pampori. Dit furn’ia a arcoaril’ei, s-nregistrara valori di consum istoriti, em la gaze naturale, em la energia electrică, sistemlu funcţionândalui la capacitatea a lui maximă. Ti atea guvernul di Bucuresti aproba una apofasi cari pruveadi, ntra altele, că pot s-hiba interzise exporturli di energie electrică tru situatii di criză, tru perioada 16 di yinar — 15 di scurtu.
Discuţii mutrindalui bugetlu di stat 2017
Bucureşti, prezidentul Klaus Iohannis, premierlu social-democrat Sorin Grindeanu, şi ministrul a Finanţelor, Viorel Ştefan, featira moeabeti tra proiectul di buget pi 2017. Andamusea s-tanu ptu havaia a gailipserloru ligate di atea că meatrili pi cari naulu executiv li adopta stămâna ti tricu pot s-aduca zn’iie a echilibrului bugetar. Easti zborlu ti majorări di salarii şi scutiri di contribuţii şi impozite la pensii — una gaereti financiar considerabila, iara Klaus Iohannis vru să ştiba cum va s-hiba chivernisiti efectele a aistor meatri. Şeflu a statlui lugurseasti că executivlu şi Parlamentul lipseasti s-yina cu un buget sustenabil, cu un deficit sum 3% dit PIB şi una alocari di 2% tra Apărare. Construcţia a bugetlui tra 2017 s-fati cu maximă responsabilitate, deadira asiguripseri membril’i a Executivlui.
Guvernul poate s-apufuseasca OUG tu chirolu a vacanţal’ei parlamentara.
Executivlu poate s-apufuseasca Ordonanţe tu chirolu a vacanţal’ei parlamentare, apufusi Curtea Constituţională a Româniil’ei. CCR nu apruche tru unanimitate sesizarea formulată di PNL, USR şi PMP pi aestă temă. Prezidentul a Curtil’ei, Valer Dorneanu, exighsi că obiecţiile ligate di tin’isearea a Regulamentului Camerel’ei a Deputaţlor nu ţani di competenţa a instanţal’ei constituţionale. Partidile dit opoziţie argumentara ca nomlu di abilitare poati s-da izini a cabinetlui Grindianu s-alaxeasca nomuri organice prit ordonanţe simple, atea ti va s-hiba contrar cu Constituţia. Contestaţia ali opoziţie fu una mindueari tra s-ambudyiuseasca activitatea a executivlui, avea spusa liderlu PSD Liviu Dragnea.
Mecanismul di Coopearare si Verificari s-duti ma largu
România prezintă tuti condiţiile ca, cestan, Mecanismul di Coopearare şi Verificari (MCV) s-hibă bitistu, declara, gioi, ministrul ali Justiţe, Florin Iordache, dupa una andamusi cu secretarul general adjunctu a Comisiil’ei Europene, Paraskevi Michou. Ia ti spusi Florin Iordache: Aestu mecanism, cari fu funcţional şi cari spusi an’i arada proogresele cari România li feati, demonstreadză că, tru aestu momentu, România prezintă duri garanţii atea turlie că tute autorităţile cari mutrescu domeniul juridic dit România funcţionează tru condiţii multu bune.” Oficialu european cundil’e, ama, că MCV nu va s-hiba scos tru 2017 acă, tru dzatil’i an’i dit soni, România nregistra progrese. Michou exighisi că tradzearea mana di la Mecanismu tani di atea ti va s-adara Guvernul şi Parlamentul şi ca reformele realizate s-hiba sustenabile şi ireversibile. Paraskevi Michou spusi: Anlu aestu MCV nu va s-hiba scos. Va s-prezentăm raportul pe 2016 şi va s-armanem discl’işi tra cooperari tra anlu yinitor. Vinim aoa tra s-pitritem mesajlu că vrem una coopearare streasă cari s-ducă la scutearea a MCV, ama aestu lucru tani di atea ti Guvernul şi Parlamentul va s-dara, tani di tin’isearea a tutulor condiţiilor apufusiti şi că reformele fapti suntu sustenabile şi ireversibile”. Mecanismul di Coopearare si Verificari fu bagat tru 2007, ca una condiţie a aderaril’ei ali României şi vargarie la UE şi ari tru amprotusa reforma ali justiţie, alumta contra ali corupţiei şi combaterea a crimal’ei organizate.
Suspendari la chipita tru Serviciul Român di Informaţii
Numirlu doi tru Serviciul Român di Informaţii, generalu Florian Coldia, fu, practic, suspendat dit funcţie, după un cavga cari implică presupusi ligături a aistui cu un fostu deputat, Sebastian Ghiţă, controversat om di afaceri, cercetat tru ma multi dosare di coruptie. Apofasea a SRI yini după ti Sebastian Ghiţă, kirut fără tor şi dat tru pusputeari internaţională, lu stipsi Coldea di ilegalitaţ. Directorlu SRI, Eduard Hellvig, apufusi adrarea a unei comisii speciala şi dimanda că până la bitisearea a verificărlor prilo borgili al Coldea.
Autor: Andreea Bojoi
Armanipsearea: Goga Nacu
