Ma mărli evenimenti a stămânăllei ţi tricu 08.01 – 14.01.2023
COVID, arăţimiși ixiki di yitrii tru România
Daniela Budu, 14.01.2023, 12:29
COVID, arăţimiși ixiki di yitrii tru România
Sistemul sanitar românescu lipseaşti s’ţănă keptu, tru aestă perioadă, a multiloru infectări cu arăţim isezonieră și COVID, ama și a unei nauă lumaki di coronavirus cari alănci tru aestă stămână și tru România. Specialiştilli estimeadză că kipita a dalăllei di arăţimi va s’ahibă agiumtă tru săptămânile yinitoare, iara ună scădire a numirului di lăndzidzări va s’hib tăş tru a daua giumitati a meslui ţi yini. Ună contribuție importantă la creașterea a numirului di pacienți, spun specialiștii, va u aibă și șculiili cari ș-dişcllisiră, di luni, porțăli ti un nău modul, tru mplină catandisi di alertă epidimiologică. Lăndzidzărli tru numiru mare u creaşti criza diterminată di ixikea a niscăntoru yitrii e lipsa unor yitrii ditu farmacii, maxusu a aţiloru pediatriţi pi thimellilu di paracetamol, ibuprofen I niscănti antibiotice. După un şingiru di andamasi cu producători și distribuitori di yitrii, cum și cu reprezentanți ali industrie farmaceutică, ministrul Sănătatillei, Alexandru Rafila, diadi asigurări că tru România nu easti criză di yitrii antiinflamatoare şi antitermice.
Alexandru Rafila:“Tru România nu ari criză ni di ibuprofen, ni di paracetamol, andicra di alti văsilii ditu Europa, cari au tru momentul di tora discontinuităţi tru furnizarea di paracetamol. Tru România nu avem aastă problemă di itia a fabricilor di yitrii cari produc aoa, tru văsilia a noastră, aesti substanţe şi ari ahât variantili ti adulţă, ama şi variantele di ufiliseari pediatrică”.
Tu arada a loru, producătorii di yitrii cundilleară că va s’asiguripsească, ma largu, aprovizionarea cu aesti produse. Situația easti mult mai ndilicată tru cazul a yitriilor ti yitripsearea a lăndzitsloru di harkinu. Prezidentulu ali Federaţillei Asociaţiilor lăndzitsloru di harkinu, Cezar Irimia, declară că pacienţii reclamară nica ditu ahurita-a anlui că nu ari şapti yitrii oncologice. Ministrul a Sănătatillei spuni, alliumtrea că nu ari maş trei yitrii, ditu cari dauă suntu tru depozite.
Misuri economiţi și deficit comercial record
Banca Naţională a României u criscu rata dobânzii di politică monetară la 7% pe an, cu scupolu tra s’ayălisească inflaţia şi creastirea a păhadzloru. Specialiştii BNR estimeazdă că, pritu aestă misură, rata anuală a inflaţiei va să scadă lişoru tru aestu trimestru şi ma accentuat cama deapoa, asi că ditu vaară indicatorul s’nu mata s’năstreacă 10 procente. Neise, naua majorare a dobândăllei-clleaie va s’determina, nai ma probabil, şi creastiri a dobândzălor practicate di bănţăli comerciale, maxus tru cazlu a mpărmuturlorur, ama scădearea anticipată a inflaţiei, spun specialiștii, poate s’reprezinta un semnu că procesul di majorare a dobândzălor s’aproaki di bitisită. Analistul economic Dragoş Cabat lugurseaşti că eara important să ducă ninti tendinţa di creştere a dobândăllei-clleaie tra s’nă asiguripsimu că inflaţia va s’agiungă pi unu plafon şi va s’intra deapoa pi ună traiectorie di scădeari.
Dragoş Cabat: “Importantu easti că s-dusi inti cu aestă tendinţă di creaştere a dobândăllei di politică monetară, tra s’avem cât ma ntrăoară ună ayăliseari a creastirillei inflaţiillei. Aestu easti lucrul nai ma important tora ti conomia românească, mai important dicât creastirea economică şi dicât creditele pe cari le au cata 600.000 di români, cari, sigura, suntu afectaţi di aestă majorare di dobândă”.
După doi ani s’cama di pandemie și cu polimu la sinuri, niţii deficitul balanțăllei comerciale a României nu easti tru ună situație ma bună. Institutul Național di Statistică dimăndă un record di 31 di miliardi di euro tru proţlli 11 di meşi ditu 2022, cu aproape 10 miliardi di euro ma mare andicra di diferenţa anamisa di importuri şi exporturi tru idyea perioadă a anlui anterior.
Analistul economic Constantin Rudniţchi: “Avem un record unic tru istoria României. Parţial, poati s’hibă exighisitu pritu atea că şi pe plan european, şi plan global, traversăm ună perioadă inflaţionistă. Dimi, avem ună creastire valorică importantă tru materie di importuri, aesta easti fără s’hibă pi dauă. Ama anaparti di aeastă explicaţie a inflaţiei, cadealihea, ari ună zonă nevralgică a României, dimi că importurile sunt, ma largu multu mări, tru kirolu anda producţia internă şi exporturile nu potu s’ţănă keptu la anănghiserli ali economie naţională”.
Tru aestu kiro, Guvernul di la București caftă surse diverse di împrumut, ahât di pe piaţa internă, cât şi externă, tră deficitul bugetar di nai puțăn 160 di miliardi di lei (circa 32 di miliardi di euro) estimat tră aestu an şi datoria veaclle ţi lipseaşti s’hibă diznău refinanţată.
Muabeţ bilaterale
Continuă muabeţle tră soluţionarea problemelor semnalate di partea română tu ligătură cu Nomlu mutrinda minorităţile naţionale ditu Ucraina, document adoptat şi promulgat, tora ma ninti, la Kiev. Șeful diplomației române, Bogdan Aurescu, a discutat telefonic, miercuri, cu omologul Dmitro Kuleba, convenind lansarea di consultări cuprinzătoare mutrinda aesti probleme, cari s’includă muabeţ la nivel di experţi şi ună andamasi, tru perioada yinitoare, a atiloru doi miniştri. Legea a generat preocuparea autorităţilor di la Bucureşti trăcă reprezentanţii comunităţii româneşti ditu Ucraina nu au fost consultaţi tru procesul di elaborare a documentului, cari a fost adoptat tru lipsa unui aviz al Comisiei di la Veneţia. Mai mult, trucă di la sfârşitul anului trecut, partea română a transmis o listă cu prevedirile ditu lege pe cari le considiră că au un efect negativ asupra românilor ditu statul vecin.
Tut tru aestă stămână, Bogdan Aurescu zbură pi tilefunu și cu omologlu a lui suedez, Tobias Billström, aesta arada ti aderarea României la Schengen. România s’hărseasti di agiutorlu ali Suediei tră aderarea la spaţiul di liberă circulaţie, confirmă oficialul suediz, cari adăvgă că țara a lui, cari u ţăni tru prota giumitati a anlui preşedenţia Consiliului UE, tăeaşti s’cilăstăsească şi s’ndrupască gaereţli ali României tru direcţia finalizarillei aderarea. Tu arada a lui, Bogdan Aurescu cundille importanţa coordonării di către preşedenţia suediză a dialogului cu tuţ partenerii europeni implicaţi tru aestu dosar. Cilăstăsearea ti aestu subiect fu spusă și cu ucazea a evenimentului di lansare la Bucureşti a prezidenţiillei suedeze a Consiliului UE, cari s’ţănu tut aestă stămână.
Autoru: Daniela Budu
Armânipsearia: Taşcu Lala
