Evenimentu Top – Cama marile evenimete a siptamanal’ei
Lundzearea a catandisiei di ananghiseari tu România
România Internațional, 11.06.2021, 17:38
Chivernisea di Bucuresti apufasi lundzearea a catandisiei di ananghiseari cu nica 30 di dzali ahurhindalui cu 12 di cirisear. Fura habanisiti ma multi apofasi di strimturari. Prit aesta, fu apufasit numirlu di persoani cari pot s-l’ia parti la iventuri privati, numta, patigiun’i, la nai multu 200 di insi nauntru. Condiţia easti ca participanţaii s-hiba vaccinaţ, testaţ negativ I s-tricura prit landzidzari. Tutnaoara, criscu numirlu di la 500 la 1.000 numirlu a participanţalor la activităţli culturali, artistiti, di discurmari, cari spun ca s vaccinati i ca fura landzit i s- testara. Criscu şi numirlu a persoanilor cari pot s intra tu piscini, sălili di sport i fitness, di la 50% la 70% dit capatitatea a spaţiului, iara numirlu a participanţalor poati s hiba ma mari cara tut suntu vaccinaţ. Purtatea a măstiei armasi obligatorie tu spaţiili comuni.
Situaţia ali pandemie şi ali vaccinari
România easti tu scenariul veardi, numirlu di cazuri nai di landzidzari cu naoulu coronavirus tut scadi, asi cum a mortalor landzidz cu Sars-Cov-2. Campania di imunizari tu scara naţionala scadi dipriuna, cu un ritmo di vaccinari ma scadzut. Dit 27 di andreu 2020, di la nchisita a campaniei fura administrati ma multu di 8,4 milioani di dozi ti 4,5 miliun’i di insi, dit cari majoritatea aprucheara doauli dozi. Șeflu a campaniei naționala di vaccinari, Valeriu Gheorghiţă dzasi că România easti prit arada a vasiliilor ti asiguripseasti lisor vaccinarea anti-COVID — oamen’ii pot să -si aleagă turlia di vaccin, pot să spuna iu suntu centrili di vaccinari, s-organizează evenimenti di turlie maraton, iara operatorii economici privaţi au cabilea să s- vaccineaza bas la loclu ti lucru, cu parei mobili.
Alaxeri tu ti mutreasti pensionarea
Guvernul ali sutal’ie di chentru-nandreapta di București apruche proiectul di nom ti scoati cumulul ali pensie cu tin’ia di la stat, proiectu ti va s-hiba zburat tu reghim di ananghi tu parlamentu. Aestu pruveadi criştearea opţională a ilichiei di pensionari. Asi, după umplearea di 61 di an’i la mul’eri si 65 di an’i la bărbaţ, lucratorii dit sistemlu public românescu va s poata, cara va s vor, s-armana până la 70 di an’i, s aproachi pensie şi tin’ie la stat. Tin’ie cari vrura să si duca ninti activitatea pot să s alasa lucurlu. Ari ama și excepții di la pruviderli a proiectului di nom — va s l’ia pensie şi tin’ie, tu idyiul chiro demnitarii, personalul didactic păltit cu oara, asistenţii personali și maternali i membrii ali Academie Româna. Dit opoziţie, viteprezieintul PSD, Sorin Grindeanu, dzac că sutiial-democraţii luyursescu că documentul ari pruvideri ti calcă Ledzea fundamentala și va l ataca la Curtea Constituţională.
Mutrinda progresili fapti di autoritățili di București dit arada MCV
Comisia Europeană deadi habari că va s monitorizeadza evoluţia ali situaţie dit România dit arada a Mecanismului di Cooperari şi Verificari dit domeniul ali justiţie şi alumpta contra ali arusfeti. Executivlu comunitar dzati ca tora, una tendinţă pozitivă şi ghinueasti faptul că estan criscu reforma şi remedierii a jgljioatirlor ninti cari s feati tu iamea 2017-2019, sum administraţia social-dimocrată. Comisia tipusi raportul ti progresili di București dit cadrul MCV nica di la intrarea ali Românie la UE, tu 2007, și a curi scupo easti ti andridzearea ali justiţie. CE critică tu aestu raport numasearea, a procurorlui general a vasijei şi a şeflui DIICOT, cu tut avizlu negativ a Consililui Superior ali Magistratura. Şi CSM aproachi una bilă laie.
Vizită di stat a prezedintelui a Israelui tu România
Prezidentul a statlui Israel, Reuven Rivlin, feati una vizită di stat di 3 dzali tu România, tu aniversărea, tu 11 di cirisear, a 73 di an’i di ligaturi diplomatiti bilaterali fara curmari. Tu protili doauă dzali ali vizita, a prezidentul a Israelui avu lacardii cu omologlu a lui, Klaus Iohannis, a susţinut avu cuvenda u plenlu andamusit a Parlamentlui di Bucureşti și disfeati forumlu di afaceri România – Israel, deadun cu premierlu Florin Cîţu. Prezidentul Klaus Iohannis dzasi că România şi Israelu au ligaturi ahoryea, strateghiti. Șeflu a statlui român dzasi, di alta parti, că em israelienii, em palestinienii au ndreptul să baneadza tu isie şi securitati. Tu arada a lui, prezidentul Rivlin adusi aminti că România fu singura ţară dit bloclu comunistu cari varnaoara nu danasira ligăturli diplomatiti cu Israelu. România andrupasti vartos prota strategie contra a antisemitismului tu scara UE. Tu idyiul chioro, cooperarea economică anamisa di România şi Israel ari un potenţial ti anami cu hairi ti dauli vasilii dzasi Reuven Rivlin. Gioi, dzuua dit soni, deadun cu reprezentanţa ai forţalor aerieni israelieni şi români, prezidintul a Israelului lo parti la teremonia di comemorari a aschirladzlor — șași israelieni și un român — cari s-chirura bana tu un accidentu di elicopter tu 2010, Bucegi.
Ediția 2020 a Campionatlui European di fotbal la startu
Amânatu cu un anu di furn’ia ali pandemie cu naulu coronavirus, Campionatlu European di Fotbal agiumsi la startu, competiția s disfeati, la Roma, tu Italie, una di nai znisiti vasilii di pandemi. Antritearea s-fati tu premieră, tu 11 casabadz di ma multi vasilii membri UEFA. Tu premieră, Bucureştiul va s-organizeadza patru meciuri, 3 dit grupa C şi una dit optimili dit soni. In prota partida va s-andamuseasca pareili ali Avstriii și ali Machidunii di Nordu, tu arada a grupaei, dit cari fac parti Țărili di Nghios și Ucraina. Tu 17 di cirisear va s-alumta Ucraina și Machidunia di Nord dapoia, tu 21 di cirisear, va s-hiba partida anamisa di Ucraina și Austria.
Textu Andrea Bojoi( Armanipseari Aurica Piha)
