Eveniment Top 19.08.2016

Corina Cristea, 19.08.2016, 22:22

Funeraliile (aradzle di ngrupare) a reginâl’ei Ana a Româniil’ei

A li vâsiloan’e Ana a Româniil’ei îl’i fu adus, siptămăna aestă, un ultim omagiu, naintea a înmurmintaril’ei di sâmbătă, la necropola regală di la Curtea de Argeş (sud), prima capitală a principatului medieval Ţara Românească. Soţia a ultimului suveran a li Românie, Mihai, muri la arhiusita a luştui mes luni, la vârsta di 92 di an’i, în Elveţia. Sicriulu, cofciugulu, cu trupulu niînsufleţât fu adus în ţară marţâ şi depus la Castelul Peleş di Sinaia (sud), iar ulterior adus la Bucureşti, în Sala Tronului di-tru Palatulu Regal, iu, chiro di dauă dzâle, fu permis accesulu a publicului. Greu lândzid, regele Mihai nu avu izinea a medicilor trâ asistare la funeralii. În vârstă di 94 di an’i, Regele Mihai îşi vizităă nicuchira cathe dzuuă în clinica elveţiană iu fu azvimtă, pi 1 agustu, di cancer. Născută la Paris, tru 1923, prinţesa Ana de Bourbon-Parma si vidzu prota oară cu Regele Mihai la Londra, tru 1947. Tru tut aţeluşi an, pi 30 adreu, într-un momentu în care ţara si aflaa sum ocupaţie militară sovietică şi eara condusă di un guvern comunistu marionetă, Suveranulu fu stress tra să abdică şi să si exileadză. Din Statele Unite, di-tru Marea Britanie sau din Elveţia, el li giră acţiunile a Comitetului Naţional Român, prezentat ca un guvernu în exil, ţi cara că democraţiile occidentale nu-l’i recunoscură niţiunâoară aţistu statut. Regele Mihai putu să si toarnă în România maşi după Revoluţia anticomunistă di-tru 1989 şi îşi lo nâpoi cetăţenia română, retraptă di comunişti, şi ună parte di proprietăţ. El promovă, ca ambasador special, tru mările cancelarii occidentale admiterea a Româniil’ei tru NATO, tru 2004, şi tru Uniunea Europeană, tru 2007

Rectificare bugetară la Bucureşti

Guvernul di la Bucureşti aprobă, m’iercuri, prima rectificare a bugetului di stat şi a bugetului a asiguripsirilor sociale pi 2016. Premierulu Dacian Cioloş preciză că rectificarea are ca principal scupo finanţarea a politiţâlor publiţe, ţi cara că 2016 easte an electoral. Principalile beneficiare a li rectificare suntu ministerile a Sănătatil’ei, a Educaţil’ei şi Lucrului. Sănătatea lo aproapea 570 di milioane di lei în plus (piste 125 di milioane di euro) trâ plata salariilor majorate a personalului medical. Sume suplimentare va să hibă ufilisite şi trâ finanţarea programilor di sănătate ică trâ asiguripsirea a medicamentilor compensate şi gratuite, ună prioritate în domeniu hiinda şi combatirea a infecţiilor nosocomiale din spitale. Tru Educaţie, di-tru suma di piste 1 miliardu di lei aprucheată (piste 220 milioane di euro) va să poată să hibă plătite, di la 1 agustu, salariile majorate sau corectate a personalului didactic şi a ţilui auxiliar di-tru înviţămintul universitar şi preuniversitar. Tutunâoară, suntu avute în videare şi programe destinate a elevilor. Ministerulu a lucurlui apruche cama di 2,8 miliarde di lei (circa 620 milioane di euro) trâ plata a ndrepturilor sociale.

Acord în domeniul a Sănătatil’ei

La Bucureşti, reprezentanţâl’i a medicilor, ministrul a sănătatil’ei, Vlad Voiculescu, şi aţel a lucrului, Dragoş Pâslaru, au simnată ună declaraţie comună tru care si spune că iniţiativa di creaştire a salariilor şi di plată a gărdzâlor suplimentare, di la 1 octombrie, pri-tru raportarea la salariul majorat, easte un pas importantu cătră normalizarea a remuneraţil’ei în sectorulu sanitar. Ministrulu a sănătatil’ei spune că easte zborulu di ună reparaţie a modului di plată, di flexibilizarea timpului de lucru şi eficientizarea sistemului di sănătate. Impactul bugetar easte di 100 di milioane di lei (echivalentul a vârâ 22 di milioane di euro) trâ salarizarea corectă a gărdzâlor. Costurile urmeadză să hibă suportate di-tru bugetulu a sănătatil’ei şi să v’ină la pachet cu ună serie di misuri di eficientizare şi di eliminare a hargil’ei di-tru sistem, inclusiv tru ţi mutreaşte achiziţiile publiţe. Nalile decizii v’in la ndauă dzâle după ţi, di la 1 agustu, fură majorate salariile trâ angajaţâl’i di-tru sistemulu sanitar. Majorările sunt cuprinse/acâţate întră 300 (circa 70 euro) şi 900 di lei (circa 200 di euro) şi di eale beneficiadza 163 di m’il’e di persoane.

Fostul viceguvernator a BNR, Bogdan Olteanu, fu arestat preventiv

Fostul viceguvernator a BNR, Bogdan Olteanu, fu arestat, vineri, trâ 16 dzâle, decise Analta Curte di Casaţie şi Justiţie. Anterior, el fu plasat în arest la domiciliu într-un dosar tru care easte acuzat di trafic di influenţă. DNA îl acuză că, în perioada alonar-brumar 2008, în calitate di preşedinte a Camerâl’ei a Deputaţâlor din partea PNL, are solicitată şi aprucheată di la un om di afaceri suma di 1 milion di euro şi îndrupâmintu electoral tra sâ hibă ca apandise numirea a unei persoană pi postul di guvernator a li Delta Dunării. Bogdan Olteanu easte primulu oficial a BNR reţinut vârâoară di procurori. Banca Chentrala are precizată că ancheta vizeadză activitatea lu Bogdan Olteanu desfăsurată ninte ca aestua sa agiungă viceguvernator, tru 2009.

Raport mutrinda inflaţia

Banca Naţională a Româniil’ei prognozeadză ună inflatie di minus 0,4% trâ finalul a luştui an, cu un punctu procentual sum estimarea anunţată tru mesulu mai, di 0,6%, uidisit cu Raportul trimestrial asupra a inflaţiil’ei prezentat, siptămăna aestă, di guvernatorulu Mugur Isărescu. Trâ finalul a anului v’initor, banca chentrală estimeadză ună inflatie di 2%, şi, iara, pi scădeare faţă di prognoza di-tru Raportul di-tru mai, di 2,7%. Trâ 2018, guvernatorulu BNR apreciadză că inflaţia va să hibă disupra a ţintâl’ei/nişanil’ei di scupo di 2,5%.

Autor: Corina Cristea

Armânipsire: Hristu Steriu