Europa cu ma multi vitezi
Un produs, nica si alimentar, ancupărat dit Occidentu easti calitativ ma bun andicra di un ti poartâ una marcă di idyea turlie ancuparat dit România. Român’il’i cari urdinară şi ancupărară nai ma puţan unaoara dit vasiliili di tu Ascapitata duchira aestu fenomen. Dimec, anamisa di mustiradzl’i — nai cama mulţa ocazionali – a duken’ilor occidentali sa zbura di multu kiro di un diplo standardu a calitatil’ei tra produsi andicra di cratlu di iu suntu ancupărati! Tru bitisita a stămânal’ei ti tricu, habarea isi tru migdani tru spaţiul public românescu, iara autorităţli di Bucureşti dimandara că va s-ahurheasca verificări, tru condiţiile tru cari, ma multu, acuzaţia fu lansată şi di alti vasilii, central-europeani.
Roxana Vasile, 27.02.2017, 12:22
Cehia, Ungaria, Polonia şi Slovacia s-plângu, şi eali, di una calitate ma slabă a parmatiilor alimentari andicra di ateali di idyea turlie dit Occidentu şi îl’i stipsescu producătorl’i că baga ingredienti di calitate inferioară tru produsili destinati tra statili ma oarfani ali Uniuni Europeani. Easti multu ghini să s-facă verificări – spuni prezidentul a Federaţiil’ei a Patronatilor dit Industria Alimentară “Romalimenta”, Sorin Minea, cari aduti aminti, ama, că tru România multi ori easti andamusitâ sintagma “nai cama n’iclu paha “, atea ti nu poati s-asiguripseasca nai ma bună calitati. El spuni tutunaoara, că, tru aestu kiro, easti imposibil să s-apufusească standardi comuni la nivel european.
Ia ti spuni Sorin Minea: “Easti zori sa spunem ca s-adara nascanti produse spetiali tra vasiliili dit Apirita. Producătorl’i vindu atea ti la si cafta. Tru cazlu tru cari un singir di duken’I cafta un produs cari s-hibă acatat nolgica di nascanta parametri şi un tadi paha, producătorlu atel produs va lu adară. Nchisindalui di la premisa că vasiliili dit Apirita suntu ma oarfani, atel’I cari suntu acatat cu vindearea tru vasiliili dti Apirita da produsi ma ieftini. Mai ieftin s-apriduti prit ma slab calitativ. Alanta spuneari că nascanti suntu ma dulta tru Ascapitata ica tru Apirita ica alti suntu cu zahari, aesta ngrapseasti pi etichetă. Ahât chiro cât producătorlu ngrapseasti pi etichetă ingredientili şi ti baga tru produs, nu akicasescu cate easti stipsitu.”
Şi pan tru soni ! Nu tuti produsili internaţionali ancupărati tru România suntu ma ieftini andicra di ateali dit vasiliili dit ascapitată. Pahadzl’I tru moneda naţională – leulu – suntu, nica s-ma multu, echivalati la centimă cu ateali tru euro ica tru dolari. Aşi că, până la bitisearea a verificărlor a autorităţlor tra s-veada cum suntu lucarli, prezidentul a Asociaţiil’ei tra Protecţia a Consumatorlor, Sorin Mierlea, spuni ti pot s-adara consumatorl’i tra sa s-harseasca di produsi di una calitate ma bună: “Cetăţeanlu român lipseasti s-l’ia atitudine dimec s-faca sesizări. Va s-putem s-avem una cazuistică şi putem s-bagam zori a autorităţlor publiti tra s-faca pan tru soni borgea, tra s-aiba un studiu, tra s-hiba tru idyiul contextu cu alanti state membre ali Uniuni Europeani.” Pan tru soni, producătorl’i spun că diferenţili di compoziţie suntu dati di … gusturli locale.
Autor: Roxana Vasile
Armanipsearea: Tascu Lala
