Dzuua Internațională a I’Ilei, yiurtusită tru Belgia
Dzuua Internațională a I’Ilei românească fu yiurtusită la Château di la Solitudi, castelu di patrimoniu ditu Bruxelles.
Tașcu Lala, 26.06.2024, 17:51
Comunitatea românească si moldovenească ditu Regatlu ali Belgie yiurtusiră tu bitisita-a stămănăllei ţi tricu Dzuua Internațională a I’Ilei, nsimnată cathi anu la 24 di cirişaru. Simpoziumlu a I’Ilei s-ţănu la Château di la Solitudi, castelu neoclasicu di patrimoniu, akinduritu nolgicadi pădurea Forêt des Soignes.
Simpoziumlu s’dizvărti ti un kiro di dauă dzăli și fu andreptu di suţata CASA Bruxelles, cu agiutorlu a Departamentului tră Româñilli di Iuţido si tru parteneriat cu Ambasada ali Românie și Ambasada ali Ripublica Moldova tru Regatlu ali Belgie.
Un numiru importantu di organizații și suţati românești și moldovenești ţi eara viniti tru Belgia, ama și a născăntoru ditu România și R. Moldova cilăstăsiră ti dizvărtearea-a aluştui iventu și hărsiră laolu ţi lo parti emu cu arădz artistiţi, emu cu produse tradiționale românești.
Evenimentul fu dişcllisu di ambasadorlu ali Românie Andreea Păstârnac și aţelu ali Ripublica Moldova, Viorel Cibotaru, cari spusiră tu zborlu a lo9ru tru intervențiili a loru la angrăpsearea, la 1 di andreu 2022, a cămeaşiljlei cu altiță pi Lista Reprezentativă a Patrimoniului Cultural Imaterial ali Umanitati a elementelor „Artăllei cămeaşillei cu altiță – element di identitate culturală tru România și Republica Moldova” și consacrarea a Dzuuăllei Internaționale a I’iIlei.
Călisitu maxus la andamasea di dişcllideari fu doamna Varvara Buzilă, etnograf și cercetător științific al Muzeului Național di Etnografie și Istorie di Chișinău. La debaturli ditu cadurlu a evenimentului lo parti un public, nei tu numiru, sinfirisitu s’nveaţă ti etnografie și folclor, măyia-a creațiillei mutrinda cămeaşa românească cu altiță, tranziția di la tradiționalu la modernitati.
Tru a daua dzuuă a simpozionlui, fură zburăti cu sinferu ligătura anamisa di cămeașa cu altiță și sărbătoarea a Sânzienelor, purtătoari di I’ie, am și yilipsearea tru literatura română și imortalizarea artistică a mitlui sânzienilor.
Autoru: RRI
Armănipsearea: Taşcu Lala
