Dzuua a Ascultătorlui la Radio România Internaţional
Astiptăm s-nă zburaţ ti nai cama importanti alaxeri dit bana a voastră di furn’ia ali evoluţie tehnică. Vă calisim s-nă spuneţ ica s-nă angrapsiţ cari fura aesti si cum va influenţara.
Irina Adamescu, 16.10.2014, 14:00
Dumanică, tu 2 di brumar 2014, ndridzem anlu aestu «Dzuua a Ascultătorlui» la Radio România Internaţional. Cum agiumsi tra s-hiba una adeti, vă calisim s-loaţ parti activ, cu una contribuţie la tema ali emisiuni. Aesta arada vă intribăm : “Ti alaxeari tehnică va influenţa apufusitor bana?”
Tru lumea a noastră alaxerli yin una dupa alanta ntraoara. Ază easti tra achicaseari orlea zorlea că nidzem pi distanţi mari cu avoionlu, ama va aduţet aminti cum urdinam tru ficiurami? Atumtea cându, vahi, pitricut a unlui soţ ti eara la n’il’I di kilomeatri alargu atel dit soni a vostru instantaneu, va minduit cum s-adra cadurli aoa si 10, 20 ica 30 di an’i ? Vă aduţet aminti pi ţi înviţat s-adraţ protili isachi la şcoală ? Pi abac, riglă ica pi calculator? Acaţat nica s-lucraţ pi machina di ngrapseari ninti ca ea s-fu arnită di pi birouri di computerlu personal ? Vă aduţet aminti pi ti s-asculta muzică şi câtă independenţă adusi casetofonlu protabil, ama cum s-alaxi preayalea-ayalea telefonlu fixu tru smartphonlu dit dzuua di aza?
Aesti suntu masi ndaua exempli. Astiptăm, vrut ascultători, s-nă zburaţ ti nai cama di simasie alaxeri dit bana a voastră ahardzita ali evoluţie tehnică. Vă călisim s-nă spuneţ ica s-nă ngrapsiţ cari fura aesti si ti influenta avura la dumniili a voastri.
Aştiptăm apandisli ngrapsiti ica înregistrati (ma s-vret va va caftam cu telefonea ta s-nregistram audio contribuţiili a dumn’il’ilor a voasti.), prit e-mail, prit carta, pi faxu, pi Facebook ica ndreptu prit formularlu di apandisi di pi pe site-ul RRI. Coordonatili a noastri suntu: Radio România Internaţional, str. General Berthelot nr. 60–64, sector 1, Bucureşti, PO Box 111, cod 010165, fax 00.40.21.319.05.62, e-mail arom@rri.ro
