Dreapta politică tra căftarea a unificaril’ei
PNL şi PDL, locurli doi şi trei tru unâ aradă yilipsitâ di aţeali dit soni alidzeri europarlamentari, apufusiră s-ndreagă aţea ti numâsirâ un proiectu politic vârtos. Dimec să s-facâ unâ tra s-timil’iuseascâ un mari partid di ţentru-dreapta, axi s-ţănă cheptu ali dominaţie tut ma mari a PSD, partid cari amintă categoric euroscrutinlu deadun cu n’itl’i a l’ei soţ şi cari suntu tru pole-pozition tra antriţearea prezidenţială dit brumar. Pi şcurtu chiro, scupolu a PNL şi PDL easti s-iasâ tru videală cu un candidat unic, vârtos, la alidzerli tră ipotisea nai cama analtă. Aâeali dauă formaţiuni va s-ahurheascâ s-lucreadzâ ca aliaţ unâ ş-unâ, em pi nivel parlamentar, em pi nivel local, acă aestu lucru va s-nsimneadzâ ti liberali trâdzearea mânâ di la alianţili cu social-democraţl’ii. Suntu etapi preliminari orlea-zorlea cari s-fac ninti di adunarea una stog, altaturlie, un protes greu, cari caftă chiro, asi cum pricunuscu prezidentul interimar a PNL, Crin Antonescu
Ştefan Stoica, 29.05.2014, 13:44
PNL şi PDL, locurli doi şi trei tru unâ aradă yilipsitâ di aţeali dit soni alidzeri europarlamentari, apufusiră s-ndreagă aţea ti numâsirâ un proiectu politic vârtos. Dimec să s-facâ unâ tra s-timil’iuseascâ un mari partid di ţentru-dreapta, axi s-ţănă cheptu ali dominaţie tut ma mari a PSD, partid cari amintă categoric euroscrutinlu deadun cu n’itl’i a l’ei soţ şi cari suntu tru pole-pozition tra antriţearea prezidenţială dit brumar. Pi şcurtu chiro, scupolu a PNL şi PDL easti s-iasâ tru videală cu un candidat unic, vârtos, la alidzerli tră ipotisea nai cama analtă. Aâeali dauă formaţiuni va s-ahurheascâ s-lucreadzâ ca aliaţ unâ ş-unâ, em pi nivel parlamentar, em pi nivel local, acă aestu lucru va s-nsimneadzâ ti liberali trâdzearea mânâ di la alianţili cu social-democraţl’ii. Suntu etapi preliminari orlea-zorlea cari s-fac ninti di adunarea una stog, altaturlie, un protes greu, cari caftă chiro, asi cum pricunuscu prezidentul interimar a PNL, Crin Antonescu
“Adunarea stog caftă un chiro. Că va s-hiba ninti di alidzerli prezidenţiale, ica după, aesta va s-videm. Alithea easti că, fără s-ndridzem una nauă alianţă juridică, lucram pan tru soni ca doi soţ politit multu aprucheaţ, la nivelu ti ndridzearea minutis a unui proiectu politic major şi pi lungu chiro. Lucurlu deadun a atilor daua partidi la nivel parlamentar şi tru teritoriu va s-ahurheasca una s-una, cundil’e prezidentul a PDL, Vasile Blaga
“Grupurli parlamentare dit ateali dauă cameri va s-lucreadză deadun, va s-ahurheasca colaborărli tru teritoriu tra sa s-adara majorităţ a atilor dauă partide, ti furn’ia ca, tru surtu chiro, s-agiundzem un multu vartos partid di tentru-dreapta dit România”. Electoratlu român baneadza, vahi, una senzaţie de déjà vu. Cama di un decheniu, tut PNL şi PDL, tu atel chiro masi Democrat, timil’iusea Alianţa Ndriptati şi Aver vidzută, ca un cilimean teribil tru politica româneasca şi una nadie babageană contra a unui PSD agudit di meagalomanie şi autoritarismu. Una creaţie politică ti s-asteasi, ama, dip ayon’ia. Rolu apufusitor ti curmarea/ chirearea ali Alianţa DA lu avu prezidentul Traian Băsescu.
Di atumtea, politica românească tricu prit una numtă di mari vazi şi dauă amparţari pi misură. PNL s-feati sutata cu PSD contra al Traian Băsescu şi a PDL, ama s-amparţa, cata unaoara cu amparţarea istorica anamisa di prezidentu şi democrat-libearali. Proiectul ti adunarea stog a PNL şi PDL, aca ari andrupamintu doctrinar, scoati tu videala ma multu rezervi andicra di nadii. Ti lu surpa nu easti masi una lungă istorie, cundil’eata di purdari şi abandonuri ideologhiti, ca şi tentativa nedisimulată tra s-lu alasa nanaparti Partidlu Minarea Populară, thimil’iusita di oamin’il’I di thimel’iu a prezidentului şi cari tricura, cu namuzi, protlu testu electoral.
Armanipsearea: Tascu Lala
