Disputi polititi tru guvernu
deea a restructuraril’ei tra executivlu di Bucureşti, cabaia zburată nica dit bitisita a anlui 2017, ma largu li minteasti si li amparti apile tru PSD, printipalu partid a coaliţiil’ei ti easti la guvernare di Bucureşti. Premierlu Mihai Tudose va un guvernu ma suplu, cât ma aproapea di cetăţean, tru opinia a lui formula actuală, cu 28 di ministere, cate easti dip babageană, la aestu lucru s-adavgă şi hargili mari aferente. Tudose nica mai spune că s-adrara pi hiotea a kirolui un singir di structuri tru teritoriu care ţan di idyiul minister, iara aesti lipsasti s-hiba adunati tu un loc, atea turlie ca s-aiba ma ptana birocraţie. Niifharistuserli a premierlui nu ţan di activitatea a miniştrilor, excepţie fati situaţia di la Ministerul Afacerilor Interne, iu premierul spusi limbid că va un altu titular tru loclu ali Carmen Dan, pi cari u afla cabati vahi lu-arasi.
Corina Cristea, 12.01.2018, 13:28
Tu apandisi, ministrul di Interne spuni ca nu easti zboralu ti un ahtari lucru. A deapoa tru atea ti mutreasti demisia a l’ei, Carmen Dan cundil’e că executivlu easte unlu politic, miniştrii sunt nominalizaţi şi validaţi tru forurli statutare a partidilor dit coaliţie şi tut aclo s-aprobă ritradzearea a lor dit Guvernu. Niakicaserli anamisa di premier şi ministrul de Interne, andrupata tra aesta ipotisi di liderlu social-democraţlor Liviu Dragnea, accentueadză ş-ma multu ideea ca ari nascanti niakicaseri tru kipita a PSD.
Negate di atel’i ti cari easti zborlu, aesti niakicaseri transpar s-ved di ixiki di andrupari di partea al Liviu Dragnea tra ideea di restructurare avansată di premier. Tora ma ninti tru bitisita a Comitetlui Executiv National a PSD, întribat ti restructurarea a Guvernului, Dragnea apăndasi că Escu simfun cu atea ti spus mini. Am spusa di vara ndoi mesi că tru yinaru, după ti va s-bitsimu 2017, va s-adram una isapi ti atea cum lucreadza bairlu di apofasi tru ministere, cum s-adram actul di guvernare ma bun di atel dit 2017. Că poati sa s-faca restructuraro, că poate s-hiba remaniere, vahi niti aesta, vahi fatearea ma hairlaticu fluxulu tru minister”. Ti restructurare sa zbura tru arada a andamusil’ei adusa aminti, ama una apofasi va s-hiba loata tru bitisita a aistui mes, tru arada a unlui nau Comitet Executiv. Ma s-fatem isapi ti declaraţiile a social-democraţlor, s-agiundzi dimecu pi concluzia că ari dauă curente di mindueari mutrindalui restructurarea a cabinetlui Tudose: un, ti spuni ca minduearea diznau ali administraţie centrala easti orlea zorlea ananghisita, şi alantu care spuni că actuala formulă guvernamentală lucreadza multu ghini şi nu lipseasti s-hiba alaxită, cate easti ananghi di continuitate pi nivelu a Guvernului.
Autor: Corina Cristea
Armanipsearea: Tascu Lala
